―TATS,

shitishnishtil kina tiktahtoltiske Dyos,

yok kina Yuhanes kinnishtil ininmoneshtililme.

2 Yehshwa kinmili:

―Kimani antaketsaske inak Dyos,

shikitok:

5 Niyok kinmili:

―Ak ka anmehwante yewal kipi se ninihni,

ya kit panta yowal wan kili:

“Nonihni,

shinishtane yey pan,

6 kampa se nonihni newal owal onishpashal,

wan amo nikpi ten niktiniwilis.”

7 Wan in kinankilis pa kalitik wan kili:

“Amo shinawatiti;

in tatapoli tsaktik,

wan nopilwam wishtotikat nonawak;

amokwal nimoketsas pa nimishmakas amoten.”

8 Newal annimichilis yewal hanwel amo moketsas pa kimakas kampa ninihni,

han moketsa kampa amo mopenawalti pa walas tahtanis,

wan kimakas mochiten kiteshmonek.

9 Yok yewal newal anmichili:

Shitahtanik,

wan Dyos anmishmakas;

shitatemok,

wan ankitaske;

shitahtehtewik pa tatapoli,

wan anmishishtapolis.

10 Kampa akyewal tahtani,

kitemakal;

wan akyewal tatemo,

kit;

wan akyewal tatehtewi pa tatapoli,

ki'ishtapolil.

11 ’Ak ka anmehwante yewal se tats,

yeskya pa kimakaskya nikon se tet ta kitahtaniskya se pan?,

wan kimakaskya se kowat ta kitahtaniskya se mich?,

12 wan kimakaskya se kolot ta kitahtaniskya se webo?

13 Ta anmehwante,

amokwal momatil,

kimatil temakal ten kwal ka anmopilwam,

kishki aso amo temak in Tats takpakIlwikak yewal kimakas in EspirituSanto akyehwante tahtanil!

14 Yehshwa kikishtilitikatka niyehyekat tawalilot yewal kichiwaya kampa amo tahtowaya in takat;

wan kimani niyehyekat tawalilot okis,

in amo tahtowaya waltahto.

Wan masewalme motapololtiloya,

15 wan sek kitoloya:

―In kinkishtili niyehyekatim tawalilom ka nichikawaliste BálSebúb,

yewal niwetatakewan tawalilom.

16 Oksek,

kinekiloya kikwamanaloskya,

kitahtaniloya pa kichiwaskya pek ten ka taneshtiliste pa in takpakIlwikak.

17 Wan yewal kimatiya ten tamatitikatkaloya,

kinmili:

―Ta masewalme mochantilme pa se weTal momiktil iselte,

in weTal shitinis;

ta pa se kal mochantilme mokwalantil iselte in mochantilme pa in kal,

niyok moshitiniske.

18 Yok niyok,

ta yewal onka tashelol isel,

kina kwal mo'ehwaltis tawalilot ka nireynaroliste?

in kitol kampa newal nikinkishtili ka nichikawaliste in BálSebúb;

19 Kampa ta newal nikinkishti in tawalilom ka nichikawaliste in BálSebúb,

ka nichikawaliste akyewal kinkishtili in masewalme anmishtokal anmehwante?

Kampa yehwante iselte anmishteshpawiliske anmehwante.

20 Kampa ta newal nikinkishti niyehyekatim tawalilom ka nichikawaliste Dyos,

melawak nireynarolisteDyos o'as ka anmehwante.

21 ’Kwah se takat ka miyak chikawaliste wan kipi mochiten ka momiktis wan kikwitawi nikal,

amokwal kita'ishtikiliske in ten ompa ki'ahkoktik.

22 Wan ta owal okse ka hyero we nichikawaliste amoyok kina yewal wan kitanili,

kikishtili mochi nimomiktiliste yewal ka mopalewiyaya,

wan kita'ishtikilis mochi wan kinmakas tahtahko ninihniwan.

23 ’Yewal amo onka nonawak,

onka ika newal;

wan yewal amo tapehpen nonawak,

yewal taseseman.

24 ’Kimani se yehyekat katsawak kis pa se takat,

nehnemtinem kaha tawak kitemotinemis sewiliste;

kwah amo kitas kito:

“Nimokwepas pa no'icha,

kaha nikis.”

25 Wan kimani mokwepas,

wan kit in kal kwal tatashpanal wan kwal ta'ahkokil.

26 Ya wan kinwalik oksek chikome niyehyekatim ma hyero momatil amoyok kina yewal,

wan moshte kalakil wan ompa mokawal mochantil,

kan hyero walmochi in takat amoyok kina katka ta'ishpa.

27 Kimani Yehshwa kitowaya in,

se siwat ika in masewalme otsats wan kito:

―Ma kipi miyak pakiliste in siwat yewal mishtakatilti wan in chichiwal mishchichiltik!

28 Yehshwa kinankili:

―Ma yok ma kipiyak pakiliste inik kikakil nitahtolmeDyos,

wan kineltokal!

29 Kina in masewalme kiyawalotikatkaloya miyak astikatkaloya ka Yehshwa,

wan okipewalti in,

kito:

―In masewalme hyero momatil,

kinekil se taneshtiliste kampa amo kipiyaske okse taneshtiliste;

ina han ka niTaketsal nitahtolDyos Yoná.

30 Kampa yok kina Yoná oye se taneshtiliste pa in masewalme Níniwe,

niyok NitakaTakpakIlwikak yes se taneshtiliste pa in masewalme ashka yoltikat pa in tonatim.

31 In wereySiwat kaha tatsintaSur moketsas pa in tonat Dyos,

in wereySiwat kintakokoltis wan tahtos ika in masewalme yehwante ashka yoltikat,

pa inik tonatim pa yok Dyos kintakokoltis;

yewal owal pa hyero wEhka pa kikakis nitamatiliste in weRey Salomón;

wan anmehwante amo kinekil kikakiske notamatiliste kampa newal hyero we nimonots amoyok kina monotsaya Salomón.

32 Pa in tonat Dyos kintakokoltis,

inik mochantilme pa Níniwe moketsaske ika masewalme ashka yoltikak pa in tonatim,

wan kinteshpawiltiske;

kampa kikakik nitaketsaliste Yoná ma yok kikwepak niyol ka Dyos wan nika onka akyewal hyero we monots amoyok kina monotsaya Yoná.

33 ’Amo'ak kitati se kandel ta kitatatil,

amo kitali itsinta se komit,

kitalil kaha takpak,

pa kintawilis moshte kishki kalakil pa in kal.

34 Moshtololwam kina kandel yewal kitawili mokwerpo;

kimani moshtololwam kat kwahkwalme,

niyok mochi mokwerpo kipiyas tawiliste;

ma yok kimani moshtololwam amo kwahkwalme,

mokwerpo kipiyas tatikomat.

35 Shimokwitawik ka in tawiliste yewal onka pa tewal yewal amo yes melawak pa tatikomak.

36 Yok yewal ta mochi mokwerpo kipi tawiliste,

wan amo monelo ka in tatikomat,

yes mochi tawiliste,

kina kimani se kandel mishtawili ka nimeshton.

37 Kwah otam otahto Yehshwa,

se parisheyo okinosti pa takwaskya inak yewal.

Yehshwa okalak pa kal wan omotal kaha takwal.

38 In parisheyo moka kitatik Yehshwa kampa amo kipak nimahwam yok kina kichiwal pa takwaske ta'ihspa mopakal.

39 In TATS kili:

―Anmehwante in parisheyo' kipohpowal ikpak in baso wan in plato,

wan pa itik kat myak ta'ishtikiyanilme wan ka takokoliste yewal hyero kichiwal.

40 Amo kimatil takakil!

In yewal okichi pa kiyawak,

amo niyok okichi pa kalitik?

41 Shitemakak se temakaliste kwal ka yehwante,

amoten kipiyal yewal ten onka kalitik pa anmoyol,

wan yok mochi mokawas tapohpowaliste pa anmoyol.

42 ’Kina anmishyas anmehwante,

parisheyo'!

Antemakal in matahti pa sesen mochiten kipiya^a pa in yerbabwena,

wan ruda wan ka mochi'as tatokaliste,

ma yok ki'ilkawal nitateshpawiliste wan nitasotaliste Dyos.

In moteshmonek pa ankichiwaske,

ma kichiwak kwal wan ka melawak.

43 ’Kina anmishyas anmehwante,

parisheyo'!,

yewal tatasotalme pa in ta'ishpa kaha motatil pa in tyopalmeYudiyo',

wan kintahpalol pa in plasa.

44 ’Kina anmishyas anmehwante,

Tamashtinilme NitanawatilMoshé wan inik parisheyo',

ka ome ininshayak!,

kat anmehwante kina kaha kintapachol amo nesil,

wan in yehwante panol ikpak amo kimatil.

45 Sek ka Tamashtinilme NitanawatilMoshé,

kili:

―Tamashtini,

kimani tikito in tishtakets niyok tehwante.

46 Wan Yehshwa kito:

―Kina anmishyas anmehwante niyok,

Tamashtinilme NitanawatilMoshé!,

kampa kinmakal in oksek kintamamaltilil yewal amo ki'ehwal,

wan anmehwante amo ankinektiyaske nitipit ankikitskiske ka se nidedo.

47 ’Kina anmishyas anmehwante!,

in yehwante kinchiwal inintakopinal pa ki'ilnamiktiyaske in Taketsalme nitahtolmeDyos yehwante kinmiktik anmowichalme anmehwante.

48 Yok amo han anmehwante ankitak kina omotachi hanwel yok ankichiwal anmehwante kina ankichiwak anmowichalme;

yehwante kinmitik,

wan anmehwante ankinchiwilil inintakopinalme.

49 ’Yok Dyos ka nitamatiliste kito:

“Annimishtitanili in Taketsalme nitahtolmeDyos wan tatetanilme,

ka yehwante sek kinmiktiske wan okse kintohtokaske.”

50 Yok in masewalme yewal ashka yoltikak pa in tonatim kampa tashtawaske inintamiktilme ka moshte in Taketsalme nitahtolmeDyos niyok kipiyal pa yeske tamiktilme kampa kimani omochi in mochital kinmiktitiwalal,

51 pa kimani niyEste Habel wan pa niyEste han SakarYah,

yewal omik itsala kaha tatamakal kaha tatalil wan in tyopWe.

Haha,

melawak yes tashtawiliste pa in masewalme yewal ashka yoltikat pa in tonatim.

52 ’Kina anmishyas anmehwante,

Tamashtinilme NitanawatilMoshé!,

Kampa ankipiyal in ka mo'ishtapo tamatiliste;

wan yok anmehwante amo ankalakik wan yehwante kishki kinekiloya kalakiloskya amo kinmakawaltik pa ankalakik.

53 Kina Yehshwa kinmiliyaya mochi in,

in Tamashtinilme NitanawatilMoshé wan in parisheyo' mokwalantik,

wan okipewaltik ka myak tahtaniliste pa yok tahtoskya ka myak tachiwaliste,

54 wan kinekiloya kikwamanaloskya pa kikitskiloskya ka isel nitahtolme.