Yehshwa kintamakaya 4,000 takam
(Mt. 15:32-39)
8
Pa in tonatim monichikok oksep myak masewalme,
wan amo kipiyaloya ten kikwaloskya.
Okinnots Yehshwa nimoneshtililme kinmili:
2 ―Nikinihnili in masewalme kampa kipiyal yey tonatim tonawak wan ashka amo kipiyal ten kikwaske.
3 Sek walal wEhka ta nikintitan ka mayanaliste pa ininkalme,
amo kipiyaske chikawaliste pa in ot.
4 Kinankilik nimoneshtililme:
―Kina kwal tikintamakaske amo'ak mochanti nika?
5 Yehshwa kintahtanili:
―Kishki pan ankipiyal?
Yehwante kinankilik:
―Chikome.
6 Kwakin Yehshwa kintake pa motaliloskya talpa,
okinonan in chikome pane' kimak tashtawiliste Dyos.
Okinmak tahtahko' nimoneshtililme pa yok yehwante kinmakaloskya masewalme,
yehwante yok okichiwak.
7 Kinpiyaloya niyok sek michitito',
yok Yehshwa kinmashtiyaya,
wan kinmili niyok nimoneshtililme pa kintalililoskya ininishpa pa kikwaloskya.
8 Takwak wan pachiwik.
Kwakin kinpehpenak inik tahtahkito' kinichikok chikome chikiwim.
9 Yehwante kishki takwak katkaloya 4,000 masewalme.
Kwakin kinmili Yehshwa pa mokwepaloskya,
10 Yehshwa wan nimoneshtililme tehkok pa se barkit,
oyak pa tal Dalmanuta.
Sek parisheyo' kitahtaniloya se taneshtiliste ka nichikawalisteDyos
(Mt. 16:1-4; Lk. 12:54-56)
11 Walak kitak Yehshwa sek parisheyo' wan okipewaltik kwalaniliste ka Yehshwa.
Shikchi se nitanishtiliste Dyos pa yok kikitskiloskya,
kitahtaniloya taneshtiliste pa in ilwikak.
12 Yehshwa wehwe mihyoti kwah kinmili:
―Pates pa inik shiwim inik takam tahtanil se taneshtiliste?
Annimichilis melak amo nesis se taneshtiliste ka chikawaliste.
13 Okinka,
omokwep okalak pa in barkit,
opanoti pa analko in we'atTemtik.
Yehshwa kintakechili ika motaposhawaltil in parisheyo'
(Mt. 16:5-12)
14 Nimoneshtililme ki'ilkawak pa kiwikaloskya ten kikwaloskya,
kipiyaloya se pan pa in barkit.
15 Yehshwa kinmili ka tahtolme:
―Shimokwitawik ka nitaposhawaltiliste parisheyo' wan ka Herodes.
16 Yehwante mo'ililoya:
―Yewal yok kitotik kampa amo tihwalikak ten tikwaske.
17 Yehshwa okimat ten mo'ilitikatkaloya,
kinmili:
―Pates anmokwalantitikat kampa amo ankipiyal ten ankikwaske?
Ayamo'ok ankitalil pa anmotsontek wan ayamo anmishasi pa anmoyol in yewal nihnek annimishmashti?
Amo ankinekil ankimatiske ten kinek kili notahtolme?
18 Ankinpiyal anmoshtololme,
amo antachiyal?
Ankinpiyal anmonakaswam amo antakakil?
Amo anki'ilnamikil?
19 Kwah nikinmak tahtahko in makwil pane' ka in 5,000 takam,
kishki chikiwim ankintemiltik ka tahtahkito' yewal amo kikwak?
Yehwante kinankilik:
―(Dose) 12.
20 ―Kimani nikinmak tahtahko in chikome pane' ka in 4,000 takam,
kishki chikiwim ankinnichikok wan ankintemiltik ka tahtahkito?
Yehwante tanankilik:
―Chikome.
21 Kwakin kinmili:
―Ayamo ankimatil ten annimishmashtitik?
Yehshwa kipahti se amo tachiyaya pa BetSaida
22 Kwah asik pa BetSayda;
sek masewalme kiwikak kaha Yehshwa se takat amo tachiyaya,
kitahtaniloya pa kikitskiskya.
23 Kwakin Yehshwa okikitski pa nimahwa,
okikishti kiyawak pa in ranchit.
Ompa kishashawil nichihchal pa nishtololwam,
okitalil nimahwam pa yewal wan kitahtanili:
Tikit ten.
24 Tachi in yewal amo tachiyaya,
wan kito:
―Nikinmit masewalme.
Nikinmit kina kwawim,
yewal nehnemil.
25 Oksep okital Yehshwa nimahwam pa nishtololwam,
wan ashka tachiyaya kwal,
kampa pahtik nishtololwam,
wEhka tachiyaya mochiten kinmitaya.
26 Wan Yehshwa okitake pa yaskya pa nikal,
wan kili:
―Amo shikalak pa in ranchit,
wan amo'ak shikil amoten ompa.
Petros kito kampa Yehshwa onka yewal Dyos okitake
(Mt. 16:13-20; Lk. 9:18-21)
27 Panotiyak Yehshwa wan nimoneshtililme oyak pa inik ranchito' pa Kaysareya Pilipos.
Wan pa ot okintahtanil nimoneshtililme:
―Ten kitol masewalme kampa ak ninewal?
28 Yehwante kinankilik:
―Sek kitol tewal tiYuhanes yewal takwateki,
oksek kitol tewal tiEliYah,
wan oksek kitol kampa titewal se niTaketsal nitahtolDyos.
29 Oksep yewal kintahtanili:
―Anmehwante,
kampa ak kitol yewal ninewal?
Petros kinankili:
―Tewal ti'onka in Kristo.
30 Wan Yehshwa kinmili pa amo'ak kililoskya amoten.
Yehshwa kinnawati nimikiliste
(Mt. 16:21-28; Lk. 9:22-27)
31 Kwakin Yehshwa kinmashtiya nimoneshtililme,
in ten kipanoskya in NitakaTakpakIlwikak kipi pa moyolkoltis ka miyak takokoliste mochiten,
yes ta'ihyal ka in Abwelolme Wehwetsim,
wan TotatsimWehwe wan ka inik Tamashtinilme NitanawatilMoshé,
wan ma mik wan walyolis kwah panoske yey tonatim.
32 Kinmili ka tahtolme yewal kimatiloya ten kinek kitoskya.
Kwakin Petros okiwik isel oki'ahwa pa amoyok kitotiyas kampa yewal mikiskya.
33 Ma yok walmo'ishkwep Yehshwa kinmitaya nimoneshtililme,
oki'ahwa Petros kili:
―Shime pano'ishpa!,
titahtotik kina Satán!,
kampa mota'ilnamikiliste amo ka Dyos,
hanwel kina masewalme.
34 Kwakin okinnots Yehshwa nimoneshtililme wan masewalme,
wan kinmili:
―Ta ak kinek nishtokas,
amo kichiwas kina yewal kinek,
ma konan nikruskwawit,
ma nishtok.
35 Kampa yewal aki kineki kikwitawis niyoliliste,
kipolos;
wan aki momakawaltis pa kipolos niyoliliste ika newal wan ka noTamashtilistekwal,
mokishtilis niyoliliste.
36 Ten kitanis se takat ta motakowil mochiten pa kishki tal ma yok miki kipolo niyoliliste,
kwakin ten kipiyas?
37 Kina kwal tashtawas se takat pa oksep kipiyas niyoliliste?
38 Kampa ta ak nishpinawilis pa newal wan ka notahtolme ka inik ta'ihtakolilme,
niyok in NitakaTakpakIlwikak kipinawilis yewal kimani walas ka nitawiliste ka niTatsDyos ka nichihchipawak nitanawatilanhelme.