Yehshwa kintitani nimoneshtililme pa tamashtiloskya
(Mt. 10:5-15; Mk. 6:7-13)
9
Yehshwa kinnichiko in 12 nimoneshtililme wan okinmak chikawaliste wan tatakewaliste pa kinkishtililoskya ininyehyekatim tawalilom wan pa kinkishtililoskya kokoliste.
Lucas 9.1-22
―Amoten shihwikak pa ot,
amo shihwikak bordon,
niwangoch,
nipan,
nitomi.
Wan amo shiwikak ome anmoshashal.
4 Kimani asiske pa se kal,
ompa shimokawak pa mochi tonatim,
pa kimani kisaske.
5 Ta pa se Wepweblo amo anmishnamikil kwal,
shikisak ompa wan shimotsehtselok nipohtiTal pa mo'ikshiwam,
kina se taneshtiliste ika yehwante.
6 In moneshtililme kisak,
wan oyak pa mochi kishki ranchito',
wan pa kishki kaha han kintakechilitinemil nitamashtilisteKwal wan kinpahtiloya kokoshkim.
Nimihki Yuhanes yewal takwateki
(Mt. 14:1-12; Mk. 6:14-29)
7 Herodes Antipas in yewal wetatakewaya pa Galileya kimat ten kichiwaya Yehshwa;
wan amo kimatiya ten tamatiskya,
wan sek kitoloya kampa katka Yuhanes walyoliyaya pa in mihmihki.
8 Oksek kitoloya:
Yewal EliYaha omoneshti;
wan oksek kitoloya yewal sek ka in Taketsalme nitahtolmeDyos yewal yoliyiya ya wehkA walyoliyaya.
9 Wan Herodes kito:
―Newal onitatake kikotonililoskya nitsontek Yuhanes.
Kwakin,
ak aso in,
aki taketsal ka myak tachiwalme?
Kampa Herodes kinek kitaskya Yehshwa.
Yehshwa kintamakaya 5,000 masewalme
(Mt. 14:13-21; Mk. 6:30-44; Yh. 6:1-14)
10 Kwah walmokwepak inik 12 tatitanilme,
kitakichilik Yehshwa mochiten kichiwak.
Kwakin okinwik,
pa in Wepweblo itok BetSayda kampa kinekiya pa yeskya iselte ka yehwante.
11 In masewalme kimatik,
wan kitokak;
wan Yehshwa kintenamik wan kintakichili nireynarolisteDyos wan kinpahtiyaya kishki kokoshkim.
12 Kimani tyotak omochi,
nitatitanilme ki'asik Yehshwa wan kilik:
―Shikintake in masewalme,
ma yak pa inik ranchito' wan pa in tashosholtik wan kitemoske takwaliste wan kaha mosewiske,
kampa nika amoten onka.
13 Yehshwa kinmili:
―Anmehwante shikintamakak.
Yehwante tanankilik:
―Amo tikpiyal miyak pan chikome han wan ome michim,
tihnek pa tiyaske tihkowaske takwal pa moshte in masewalme.
14 Ompa katkaloya kina 5,000 masewalme.
Wan Yehshwa kinmili nimoneshtililme:
―Shikinchiwak pa motaliske tanichikolme kina ka 50 masewalme.
15 In nimoneshtililme yok kichiwak,
wan moshte motalik.
16 Yehshwa okonan in makwil pan wan in ome michim.
Otachi pa ilwikak,
kinmashti,
okintal tahtahko wan okinmak nimoneshtililme pa kinmakaloskya in masewalme.
17 Wan moshte takwak wan pachiwik;
wan kishki omoka kinichikok 12 chikiwim.
Petros kito kampa Yehshwa onka yewal Dyos okitake
(Mt. 16:13-19; Mk. 8:27-29)
18 Se tonat kimani Yehshwa isel oy kitahtolti Dyos,
kintahtanili Nimonestililme yehwante katkaloya,
inak yewal:
―Ak kitol in masewalme yewal ninewal?
19 Yehwante kinankilik:
―Sek kitol tewal tiYuhanes yewal takwateki;
oksek kitol tewal tiEliYah,
wan oksek kitol kampa titewal se in Taketsalme nitahtolmeDyos yewal yoliyaya ya wehkA.
20 Kwakin kintahtanili:
―Anmehwante,
kampa ak kitol yewal ninewal?
Petros kinankili:
―Tewal ti'onka in Kristo yewal Dyos okiwaltitan.
Yehshwa kinnawati nimikiliste
(Mt. 16:20-28; Mk 8:30-9:1)
―In NitakaTakpakIlwikak kipi pa moyokoltis ka myak mochiten,
yes ta'ihyal ka in Abwelolme Wehwetsim,
wan TotatsimWehwe wan ka in Tamashtinilme NitanawatilMoshé.
Wan kimiktiske,
wan walyolis kwah panoske yey tonatim.
23 Wan moshte kinmiliyaya:
―Ta ak kinek nishtokas,
ma amo yolis kina yewal kinekis kichiwas,
ma yol kina Dyos kinek pa yolis,
ma konan nikruskwawit pa mochi inik tonatim,
ma nishtok.
Lucas 9.23-62
24 Kampa yewal aki kineki kikwitawis niyoliliste,
kipolos;
wan aki momakawaltis pa kipolos niyoliliste ika newal,
mokishtilis niyoliliste.
25 Ten kitanis se takat ta motakowil mochiten pa mochi kishki tal,
ma yok mikis kipolos niyoliliste kwakin ten kipiyas?
26 Kampa ta ak nishpinawili pa newal wan ka notahtolme,
in NitakaTakpakIlwikak kipinawilis yewal,
kimani yewal walas ka nitawiliste wan ka nitawiliste niTats ka nichihchipawak nitanawatilanhelme.
27 Melak annimichilis,
yewal sek yehwante ashka nika kat,
ayamo mikiske pa kimani kitaske nireynarolisteDyos.
Istayaya taminaya Yehshwa pa ininishpa in yey nimoneshtililme
(Mt. 17:1-8; Mk. 9:2-8)
28 Kina pa chikweyi tonatim kimani Yehshwa kito in,
oy pa tepetLom okitahtolti Dyos,
wan okinwik Petros,
Yakobo wan Yuhanes.
29 Wan kimani kitahtoltiyaya Dyos,
ompa nesiyaya kina okse nishayak wan nishashalme ishtayaya wan taminaya.
30 Kwah moneshtik omente takam tahtotikatkaloya inak yehwante katkaloya Moshé wan EliYah,
31 yewal kinyawalowaya tawiliste,
taketstikatkaloya kina kipiyaya pa mikiskya Yehshwa pa Yerushalém.
32 Petros wan in kishki inak katkaloya hyero kochmikiloya,
kina mokawak isatiyak,
kitak nitawiliste Yehshwa wan in omente takam katkaloya inak yewal.
33 Kwah yehwante takam mokishtik ka Yehshwa,
Petros kito:
―Tamashtini,
kwal onka kampa tikat nika!
Ma tikchiwak yey kalme tachiwalme ka iswat;
se pa tewal,
wan okse pa Moshé wan in okse pa EliYah.
Petros amo kimatiya ten kitotikatka.
34 Kwah tahtotikatka,
owal ayawit kintapach yehwante,
kwah mo'itak ipanta in ayawik momaptik.
35 Kwakin pa in ayawit,
omokak se tahtol yewal kitowaya:
―In yewal nokon niktasot;
yewal shihkaktiyak.
36 Kwah omokak in tahtoliste,
Yehshwa moka isel.
Yehwante amo'ak ten kilik,
wan pa inik tonatim,
amo'ak kilik amoten in ten okitak.
Yehshwa kipahti se takatYankwik yewal kipiyaya niyehyekat tawalilot
(Mt. 17:14-21; Mk. 9:14-29)
37 Mostatik,
kwah waltemok pa in tepetLom,
se we tanichikol ka masewalme kinamikil Yehshwa.
38 Wan se takat ika in masewalme ka se tahtol chikawak kito:
―Tamashtini,
nimishtahtani,
shikit nokon,
in hanse nikpi;
39 se yehyekat kikitski wan kichi pa tsatsis wan hyero kitsehtselo,
wan kikis nichihchal ka espom pa ikamak.
Kimani kikokolti han amo kinekis kimakawas.
40 Newal nikintake momoneshtililme kampa kikishtiloskya yehyekat,
wan amokwal kina kikishtilik.
41 Kwakin Yehshwa tanankili:
―Kina ankinyas in masewalme yewal amo ankineltokal Dyos!
Kishki tonatim monek pa niyes ka anmehwante?
Wan kishki tonatim nikpiyas pa nikitas kokoliste pa noyol kampa amo annishneltokal?
Shinishwalikil pa nikek mokon.
42 Kwah in takatYankwik ompa astiyaya,
in niyehyekat katsak kimaya wan hyero kitsehtsel Yehshwa ki'ahwa in yehyekat tawalilot,
okipahti in takatYanwik,
wan okimak nitats.
43 Wan moshte motapololtiloya ka niwechikawalisteDyos.
Yehshwa kinnawati oksep nimikiliste
(Mt. 17:22-23; Mk. 9:30-32)
Kwah moshte motapololtiloya ten kichiwaya Yehshwa,
kinmili yewal nimoneshtililme:
44 ―Shihkakik in tahtolme;
in NitakaTakpakIlwikak yes tatemakal pa nimahwam in takam kinkokolilme.
45 Yehwante amo kimatiloya ten kitotikatkaya,
ayamo kimatiloya kikakiloya;
kampa kimakasiloya pa kitahtanililoskya Yehshwa ten kinek kitoskya.
Akyewal we yes nimonotsaliste?
(Mt. 18:1-5; Mk. 9:33-37)
46 Kwakin nimoneshtililme walmo'ahwak ak ka yehwante yeskya in we monotsaskya,
47 kwah Yehshwa okimat kina yehwante tamatitikatkaloya.
Okonan se piltonte,
wan okital inak yewal
48 wan kinmili:
―Ta ak kinamikis ka no'itokaliste se piltonte kina in,
yok yewal nishnamiktik newal;
wan aki han yewal nishnamiktik newal,
kinamiktik yewal onishwaltitan.
Kampa yewal ak tipichi pa ika moshte anmehwante,
in yewal we ika moshte anmehwante.
Annimichilis kampa akyewal amo tishkokoli, yok yewal onka ka tehwante
49 Kwakin Yuhanes kito:
―Tamashtini,
tikitak se yewal kinkishtiliyaya niyehyekatim tawalilom ka mo'itokaliste;
tikilik pa amoyok kichiptiyas,
kampa yewal amo tishtokatiyaya.
50 Yehshwa kili:
―Amo shiktatsotilik;
kampa akyewal amo tishkokoli,
yok yewal onka ka tehwante.
Yehshwa kinahwa Yakobo wan Yuhanes
51 Kimani astiwalaya in tonat kampa yewal katka pa yeskya tanamikil ompa takpak,
yok mochikawalti panoti pa in Wepweblo Yerushalém.
52 Wan okintetan tanawatilme ta'ishpa ka yewal,
wan yehwante panotiyak wan kalakik pa se ranchit Samarya pa kitemoloskya kaha mosewiloskya;
53 kampa yehwante samaritano amo kitenamikik kampa kimatik yewal yawiya pa in Wepweblo Yerushalém.
54 Kwah nimoneshtililme Yakobo wan Yuhanes okitak in,
kitok:
―TATS,
tihnek pa titatakewaske pa kiwaltitaniske teshoshte pa ilwikak pa kinshitinis?b
55 Kwakin Yehshwa walmo'ishkwep wan kinahwa,
[wan kinmili:
―Anmehwante amo ankimatil pa ten espiritu kat.
56 Kampa NitakaTakpakIlwikak amo wal kinkishtili ininyoliliste amo'ak,
hanwel kinkishti pa poliwiste].c
Wan oyak pa okse ranchit.
AkYehwante kinekiloya kitokaloskya Yehshwa
(Mt. 8:19-22)
57 Kimani yaloya pa ot,
se takat kili Yehshwa:
―TatsDyos,
newal nimishtokas kaha han tiyaptiyas.
58 Yehshwa kili:
―Inik tehomim kipiyal ininkweba,
wan totom kipiyal ininkalme;
NitakaTakpakIlwikak amo kipi kaha kiteka nitsontek.
59 Wan okse kili:
―Shinishtok.
Yewal kinankili:
―Tats,
shinishmakawalti ma ni ta'ishpa ma ni niktapach notats.
60 Yehshwa kili:
―Shikinka inik mihmike ma kintapachok ininmihmihke;
tewal shi,
shikinmil nireynarolisteDyos.
61 Okse niyok kili:
―Tats,
newal nimishtokas,
shinishmakawalti pa niyas nikinnawatis pa no'icha.
62 Yehshwa kili:
―Amo'ak tachi pa takwitap ta se ta'ararotikd akyewal yok kichi,
amokwal pa nireynarolisteDyos.