2 kinmili:

―Melawak,

hyero miyak tapishkaliste,

kat amo miyak tikipanolme.

Hanwel,

shiktahtanik in tats yewal nitakwitawil in tapishkaliste ma kinwaltitan tikipanolme pa kipishkaske nitapishkaliste.

3 Wan anmehwante shiyaptiyak pa in ot;

hanwel annimishtitantik kina borrego' ipanta in lobo'.

4 Amo shihwikak wangoch,

tomi,

warachim;

amo shimoketsak pa in ot pa tatahpaloske amo'ak.

5 Kwah ankalakiske pa se kal,

hani shitatahpalok yok ankitoske:

“Ma ye sewiliste pa in kal.”

6 Ta ompa kat masewalme ka sewiliste,

in sewiliste mokawas ipa in masewalme,

ta amoyok,

in sewiliste walmokwepas ka anmehwante.

7 Shimokawak hanwel pa se kal,

wan shikwak wan shikonik ten anmishmakaske;

kampa se tikipanol ma kipi tahstawiliste.

Amo shiyaptiyak se pa okse kal.

8 Kaha han ta kalakik pa se Wepweblo wan anmishtenamikiske,

shikwak ten anmishtenewiliske;

9 shikinpahtik inik kokoshkim yehwante ompa yeske,

wan shikinmilik:

“In nireynarolisteDyos amo wehkawAs ka anmehwante.”

10 Ta asik pa se Wepweblo wan amo anmishtenamikil,

shikisak pa kiyawak wan shikitok:

11 “Niyok nipohtiTal pa niWepweblo yewal mopepech pa totankwam,

tikintsehtselol ika anmehwante.

Ma kimatik in,

kampa nireynarolisteDyos amo wehkawAs ka anmehwante.”

12 Newal annimichilis yewal pa in tonat,

in Wepweblo hyero we yes nitakokoliste amoyok yes inintakokoliste in masewalme pa Sodoma.

13 ’Ma yok kina anmishyas,

anmehwante kishki mochantil pa Horasin!

Wan niyok kina anmishyas anmehwante,

kishki mochantil pa BetSayda!

Kampa ta pa Tiros wan pa Tsidón mochiwaloskya in taneshtiliste yewal kichiwak ka anmehwante,

ya wehkA kiwalkwepaloskya anmoyol ka Dyos,

tatakemiltili ka shashalme chichakwashtik wan yowatiyaloskya pa neshte.

14 Newal annimichilis yewal pa in tonat in takokoliste amoyok we yes pa Tiros wan Tsidon kina anmotakokoliste anmehwante.

15 Wan tewal,

KaparNahum,

yewal timo'ahkokti pa in takpakIlwikak?

Tiwetsis pa tatsinta Hades^a kaha kat mihmihke.

16 ’Akyewal anmishkak anmehwante,

nishkak newal;

akyewal amo anmishnek anmehwante,

amo nishnek newal;

wan akyewal amo nishnek newal,

amo kinek yewal nishwaltitan.

17 Kimani in 72 walmokwepak,

kwal tamatiloya,

kitoloya:

―TATS,

inik tawalilom kimatil tishkakil kimani tikintakewal ka mo'itokaliste.

18 Yehshwa kinmili:

―Newal onikit kampa Satán wetsiya pa in takpakIlwikak kina se tapitaniliste.

19 Shikitak newal annimishmak anmehwante chikawaliste pa kinpitsiniske kowam wan kolom,

wan pa kintaniliske mochi nichikawaliste in tishkokolil,

pa amoten anmishpano.

20 Ma yok amo shipaktitiyak kampa inik yehyekatim anmishneltokal,

han kampa anmo'itokaliste ankat tapahwilme pa in takpakIlwikak.

21 Haniman Yehshwa,

kipi miyak pakiliste ka in EspirituSanto,

wan kito:

―Newal nikito tahtolme wehwe,

TatsDyos,

TATS ka in takpakIlwikak wan pa mochi kishki tal,

kampa inik mochiten otikintat ka in takam kimatiloya ten panoskya wan in kwal motaneshtililoya,

wan kwal tikinnishtil yehwante tamatil kina piltontim.

Haha,

TatsDyos,

kampa yok tihnek.

22 ’NoTats onishtemak in mochiten,

amo'ak kimat akyewal in nikon,

hanwel niTats,

wan amo'ak kimat akyewal niTats,

hanwel nikon,

wan nahyewal akyewal nikon kinekis kwal kineshtilis.

23 Yehshwa walmo'ishkwep ka nimoneshtililme wan iselte kinmili:

―Ma kipiyak pakiliste inik yehwante kital ka nishtololwam ten anmehwante ankital ka anmoshtololwam;

24 kampa annimichilis in yewal myak in Taketsalme nitahtolmeDyos wan weReye' kinekiloya kitaloskya in ten anmehwante ankital,

wan amo okitak;

wan kinekiloya kikakiloskya in ten anmehwante ankikakil,

wan amo kikakik.

25 Haniman se Tamashtini NitanawatilMoshé omokets oy otahto ka Yehshwa kinekiya kikwamanaskya,

wan kili:

―Tamashtini,

ten monek pa nikchiwas pa nikpiyas noyoliliste yewal amoTamis?

26 Yehshwa kili:

―Ten onka takwihkwilol pa NitanawatilMoshé?

Ten timomashti kan?

27 In Tamashtini NitanawatilMoshé kinankili:

―“Shiktasot in TATS moDyos ka mochi moyoliliste,

wan ka mochi mo'ihyo,

wan ka mochi mochikawaliste wan ka mochi mota'ilnamikiliste;

wan shiktasot monihni kina tewal timotasot.”

28 Yehshwa kili:

―Kwal titanankil.

Shikchi in,

wan yok tiyolis.

29 Yewal kinek mopale nitahtaniliste kitahtanili Yehshwa:

―Akyewal tikito in nonihni yewal nikpi pa niktasotas?

30 Yehshwa kinankili:

―Se takat yawiya pa in ot Yerushalém pa Yerikó,

wan sek ta'ishtikiyanilme,

kita'ishtikilik wan kikishtilik mochiten niyok nishashalme;

kitehtewik wan panotiyak,

kikawak hame mihki.

31 Pa in ot temowaya,

se totats kwah okit oksela opan;

wan hanse panoti.

32 Niyok ompa opan se lewita kwah okit,

niyok oksela opan wan hanse panoti.

33 Se takat samaritano yewal niyok yawiya pa in ot,

kwah okit,

oki'ihnil.

34 Omo'ashilti ka yewal,

okipahti ka aseyte wan nihugoUbaBino,

wan oki'ilpil.

Wan okitehkolti pa niburro,

okiwik pa se kal kaha omose wan okikwita.

35 Mostatik,

kwah yayaptiyaya,

kikishti tomi kina pa ome tonatim ka tikipanoliste,

okimak nikal in takat wan kili:

“Shihkwita,

kimani newal niwalmokwepas,

nimishtashtawilis mochi kishki mishteshmonekis.”

36 Kati ka in yente titamat yewal oye ninihni ka in takat yewal kita'ishtikilil inik ta'ishtikyanim?

37 In Tamashtini NitanawatilMoshé tanankili:

―In kati yewal ki'ihnil.

Kwankin Yehshwa kili:

―Shi,

wan shikchi tewal yok niyok.

38 Kimani Yehshwa yawaya pa in ot o'as pa se ranchit,

wan se siwat itoka Marta okise icha.

39 Marta kipiyaya se ninohniSiwat itoka Marya,

yewal omotal kaha nikshiwam TATS pa kikakiskya ten kitowaya yewal.

40 Ma yok Marta,

yewal kipiyaya myak tikipanoliste icha,

oki'as Yehshwa wan kili:

―TATS,

amoten titamat kampa nonohni nishka nitikipanotik nosel?

Shikil,

ma nishpale.

41 In TATS kinankili:

―Marta,

Marta,

ti'onka ka myak ta'ilnamikiliste wan hyero titamatitik ka myak mochiten,

42 hanwel se ten monek kichiwas kwal.

Marya ki'onan se nitahko kwal,

in yewal amo'ak kikishtilis.