Siwam yewal kipalewiloya Yehshwa
8
Kwah opan in,
Yehshwa nehnemtinem pa myak Wehwepweblo' wan rancho',
wan ompa tamashtiyaya nitanawatilisteDyos ka nireynarolisteDyos.
Wan in 12 kitokatiyaloya.
2 Wan niyok sek siwam oyek tapahtilme ka niyehyekatim tawalilom wan ka takokoliste.
Ika ka yehwante yawiya Marya,
yewal kitokayoltiloya Magdalena,
wan yewal kikishtililoya chikome niyehyekatim tawalilom;
3 niyok Yohana,
nisiwa Kusa,
yewal katka nitikipanol pa mochi nitomi Herodes;
Susana,
wan myak oksek kinpalewiloya ika ten kipiyaloya wan ka inintomi.
Yehshwa kinmili in tapowaliste ka se yewal tatok
(Mt. 13:1-9; Mk. 4:1-9)
4 Pa sesen Wepweblo walaloya masewalme pa kitaloskya Yehshwa;
kwah monichikok myak masewalme,
Yehshwa kinmili in tapowaliste:
5 ―Se tatokal oy tatok nishinashte.
Kimani tatokatiyaya,
sek wetsik nishinashte pa ot wan kitihtiliktsak,
wan in totom pa ilwikak kikwak.
6 Oksek wetsik itsalaTetelme;
kwah walkistiyaloya,
walwakik kampa amo katka takochak.
7 Oksek wetsik itsalaWistim,
in kintapach wistim yehwante kisaloya inak.
8 Oksek shinashte wetsik pa tal kwal;
wan walkisak,
temakak miyak taki,
100 pa se tatokal wan yok kipishkak pa in tatokal.
Wan niyok kito wehwe:
―Yewal melak aki kipi ninakas ka takakis,
shitakakik kwal.
Lucas 8.1-56
Pates kinmashtiya ka tapowaliste
(Mt. 13:10-17; Mk. 4:10-12)
―Anmehwante ma anmishmashtitik kina reynaro Dyos;
oksek kinmashti ka tapowaliste,
wan ta kitatikat amo ankitaske,
wan ta takaktikat amo ankimatiske kikakiske.
Yehshwa kinmili ten kinek kili nitapowaliste ka yewal tatok
(Mt. 13:18-23; Mk. 4:13-20)
11 ’In yewal kinek kitos in tapowaliste:
In shinashte yok kina ItahtolDyos;
12 in shinashte pa in ot inik kat yehwante takakil,
kwakin wal in Tawalilot-Satán wan kinkishtili pa niyol ItahtolDyos pa amo taneltokaske wan poliwiske.
13 Kishki wetsik ipa tetelme,
inik kat yehwante kikakil ItahtolDyos kitenamikil ka pakiliste,
kina amo kipiyal ninelwam;
taneltokal sek tonatim,
kwah walal in tonatim yewal kinpano se takokoliste yahmo kinektiyaske taneltokaske.
14 In wetsik itsalaWestim yehwante kikakil wan yolikit ki'ilkaptiyaske ka in mochiten anmishpanotiya hyero tamatitiyaske,
wan yehwante kinektiyaske konanaske mochiten yewal tanamakalme ka miyak tomi wan kinektiyaske mopanoltiske kwal nika wan ashka,
wan amo temakal taki.
15 Wan in shinashte yewal owets pa tal kwal nesil kina yehwante ininyolme kwal wan melawak kitsakwilil ItahtolDyos,
yewal kikakil wan hanse kipiyal taneltokaliste,
wan temakal se tapishkaliste kwal.
Tapowaliste ka in tawiliste
16 ’Amo'ak kitatatili se kandel wan kitali pa itsinta komit,
niyok amo kitali itsinta tapeshte;
ma yok ankitalil kaha takpak,
pa yehwante kalakiske kintawilis.
17 Kampa mochiten yewal tatitikat yeske taneshtiliste wan mochi yewal amo'ak kimatitiya,
asis in tonat kampa kimatiske.
18 ’Shinishkakik kwal;
kampa moshte kishki kipiyal,
kimakaske,
wan aki amo kipi,
yok kikishtiliske in tipit kampa otamat yewal kipi.
Ninantsi wan ninohniwan Yehshwa
(Mt. 12:46-50; Mk. 3:31-35)
19 Ninantsi wan ninohnihwan Yehshwa oyak kaha yewal katka,
amokwal kina asiloskya kaha yewal kampa katkaloya myak masewalme.
20 Kwakin se kili Yehshwa:
―Monantsi wan monohniwan kat ompa kiyawak kinekil michitaske.
21 Yewal kinnankili:
―Nonantsi wan nonohniwan inik yehwante kikakil nitahtolmeDyos,
wan yok kichiwal.
Yehshwa ki'ahwa in yehyekat wan in we'atTemtik
(Mt. 8:23-27; Mk. 4:35-41)
22 Pa se tonat Yehshwa takis pa se barkit inak nimoneshtililme,
wan kinmili:
―Ma tipanok pa analko in we'atTemtik.
Yok oyak,
23 kwah panotiyaloya pa barkit,
Yehshwa moka koshtik.
Ompa omomaka yehyekat chikawak pa in we'atTemtik wan kahkalak at pa barkit,
wan tipit katka pa polakiskya.
24 In nimoneshtililme ki'ishiltik Yehshwa,
wan kilik:
―Tamashtini!,
tamashtini!,
tipolaktiyal!
Kwakin Yehshwa o'is oki'ahwa yehyekat wan in mo'ahkokiyaya atim;
wan inik moyolsewik wan mochi yahmo molinik.
25 Yehshwa kinmili:
―Kaha onka anmotaneltokaliste anmehwante?
Yehwante momaptitikatkaloya,
wan motapololtitikatkaloya,
mo'ililoya sek ka oksek:
―Ak aso in,
yewal kintake in yehyekatim wan in atim,
wan kikakil?
Yehshwa kipahti se takat ka myak niyehyekatim tawalilom
(Mt. 8:28-34; Mk. 5:1-20)
26 Asik pa itenko in analko in we'atTemtik,
pa in mochital Gerasa.
27 Kwah Yehshwa temowaya pa in barkit,
okis se takat pa in Wepweblo kipiyaya niyehyekatim tawalilom.
Kipiyaya miyak tonatim amo tataliyaya shashal amo mochantiyaya pa se kal,
wan momatiya kaha kintapachol mihmihki.
28 Kimani in takat yewal kipiyaya niyehyekatim tawalilom,
okit Yehshwa,
omotankwakets i'ishpa yewal,
wehwe otsats,
wan kili:
―Yehshwa,
Nikon in Dyos HyeroTakpak,
ten tikpi ka newal?
Nimishtahtani pa amo tishkokoltis.
29 Wan yewal Yehshwa kitakewaya in niyehyekat katsak pa kisaskya pa in takat.
Kampa kipiyaya miyak shiwim kipewaltiyaya ka chikawaliste ipa yewal;
yok ki'ilpiloya ka se yawaltik patawak kina kadena' pa nikshiwam wan niyok nimahwam;
ma yok yewal kikohkotonaya oksep wan oksep in kadena' wan in niyehyekatim tawalilom kiwikaya kaha amo'ak katkaya.
30 Yehshwa kitahtanili:
―Kina ti'itok?
Wan yewal kinankili:
―Ni'itok Legyon.
Kampa katkaloya myak yehyekatim tawalilom kampa kalakiloya pa yewal.
31 Wan kitahtaniloya Yehshwa pa amo kintetaniskya kaha tatsakwaliste in tawalilom.
32 Kina ompa katkaloya myak pitsom takwatikatkaloya pa se tepetLom,
in niyehyekatim tawalilom kitahtaniloya Yehshwa kampa kinkawaskya pa kalakiloskya pa yehwante;
wan yewal kinmakawalti.
33 Kwah katkaloya kiyawak pa in takat in niyehyekatim tawalilom kalakik pa pitsom,
wan tsikwinik kaha we'atTemtik kaha tateshkal,
wan ompa kohkonik.
34 Kimani yehwante takwitaptikatkaloya,
okitak in ten opan cholok wan oyak taketsak mochi in,
pa in Wepweblo wan kaha tashosholtik.
35 In masewalme okisak pa kitaloskya ten opan.
Kimani asik kaha katka Yehshwa,
kitak in takat yewal kipiyaya niyehyekatim tawalilom,
yowatikatka pa ni'ishiwam Yehshwa,
tatakemiltil katka wan kwal mo'ilnamikiya;
wan moshte momaptik.
36 Wan yehwante kishki kitak mochi in,
kintakichilik kina oye tapahtil yewal kipiyaya niyehyekatim tawalilom.
37 Kwakin moshte in masewalme pa in tal Gerasa kitahtaniloya miyak Yehshwa pa yaskya pa okse tal,
kampa hyero tamakasiloya.
Yok Yehshwa otakis pa barkit wan panoti.
38 In takat yewal takishtilil niyehyekatim tawalilom kitahtani pa mokawaskya inak yewal,
Yehshwa okitetan,
wan kili:
39 ―Shi kaha timochanti,
wan ompa shikintakichil mochi in ten Dyos okichi ka tewal.
Kwakin in takat opanoti,
wan kintakichil pa mochi in Wepweblo ten Yehshwa kichiwaya ka yewal.
NikonSiwatPiltonte Ya'iros, wan in siwat yewal kikitski nitakemtel Yehshwa
(Mt. 9:18-26; Mk. 5:21-43)
40 Kimani Yehshwa omokwep,
in masewalme kitenamikik ka miyak pakiliste;
kampa moshte kichishtikatkaloya.
41 Kwakin o'as se takat itoka Ya'iros,
yewal wetatakewan katka pa in tyopYudiyo.
In takat omotankwakets pa ni'ishiwam Yehshwa wan kitahtani pa yaskya icha,
42 kampa yewal han kipiya se nikonSiwatPiltonte,
yewal kipiya kina 12 shiwim,
kampa miktiyaya.
Kimani Yehshwa yawiya,
pa icha Ya'iros myak masewalme kitiliniloya.
43 Se siwat kipewaya se kokoliste ka 12 shiwim kikisaya yEste wan miyak ki'ihtakowaya nitomi ka tapahtinilme mochi kishki kipiyaya,
han amo'ak okipanti.
44 O'as takwitap ka Yehshwa wan okikitski itenko nishashal,
wan haniman niyEste yahmo kisaya.
45 Kwakin Yehshwa kito:
―Ak onishkitske?
Moshte kitoloya kampa amo'ak kikitskya,
yok Petros wan in oksek kishki katkaloya inak yewal kilik:
―Tamashtini,
kat myak masewalme in mishtilintikat wan mishtohtopewal.
46 Yehshwa kito:
―Pek ak onishkitske,
newal nihmat kampa pa newal okis chikawaliste.
47 Kimani in siwat,
kimat kampa amokwal kina motatiskya,
mo'ashilti ka yoyokaliste wan motankwakwets pa nitankwa Yehshwa.
I'ishpa moshte masewalme kitakichil pates kikitskya,
wan kina haniman tapahtil katka.
48 Kwakin Yehshwa kili:
―NokonSiwat,
motaneltokaliste omishpahti.
Shiyapti ka sewiliste.
49 Ayamo tamiyaya tahtowaya Yehshwa,
kwah owal se yewal katka pa nikal wetatakewan pa in tyopYudiyo o'as,
wan kili:
―Mokon omik;
yahmo ten shikiliti in tamashtini.
50 Kimani Yehshwa okikak in,
kili:
―Amo shimomapti;
hanwel shitaneltok,
wan mokon yes tapahtil.
51 Yehshwa okalak pa kal,
wan tatake pa amo'ak kalakiskya,
hanwel Petros,
Yakobo,
wan Yuhanes wan nitahwan in siwatPiltonte.
52 Moshte chokatikatkaloya wan hyero tamatiloya pa yewal.
Yewal kinmili:
―Amo shichokatiyak;
kampa amo mihki,
hanwel koshtik.
53 In masewalme kiwetskililoya yewal,
kampa kimatiloya yehwante in siwatPiltonte mihki katka.
54 Yehshwa kiwalkitski pa nimahwa wan ka tahtol chikawak kili:
―Siwatpiltonte,
shimokets.