Yehshwa kinmili tapowaliste ka in tatok
(Mt. 13:1-9; Lk. 8:4-8)
4
Oksep kinmashtiyaya Yehshwa pa itenko in we'atTemtik,
wan walak kitak myak masewalme.
Kwakin okalak pa se barkit moka wehkit pa in we'atTemtik wan ompa omotal,
wan mokawak in masewalme pa itenko in we'atTemtik.
2 Kwakin kinmashtiyaya myak tachiwaliste ka tapowaliste;
wan kinmiliyaya se tamashtiliste:
3 ―Shihkakik in:
Se takat oy tatok trigo.
4 Kwah tatokatiyaya,
westiyaloya sek shinashte itenko ot;
walak in totom pa ilwikak wan kikwak.
5 Oksek shinashte wetsik pa itsalaTetelme,
kaha amowel kipiyaya we tal;
amo wehkawak haniman walkisak kampa amowel kipiyaya tal.
6 Kwah takis tonat,
walkwitanik,
kampa amowel kipiyaloya ninelwa,
walwakik.
7 Oksek wetsik tsalaWistim;
mo'apawak in wistim kintapach,
in shinashtim amo takilme.
8 Oksek shinashtim wetsik pa tal kwal.
Omo'apawak wan temakak taki,
pa se inintankwam kisaloya 30 wan 60 wan pa oksek 100 pa sesen.
9 Kwakin Yehshwa kinmili:
―Yewal melak aki kipi ninakas ka takakis,
shitakakik kwal.
Pates kinmashtiya ka tapowaliste
(Mt. 13:10-17; Lk. 8:9-10)
10 Yok otam okinmashti,
isel omoka Yehshwa,
nahyehwante katkaloya kaha yewal inak tatitanilme ka 12 kitahtanilik ten kinek kitos tapowaliste.
11 Kinmili:
―Anmehwante anmishmashtitik Dyos ten oksek amo kimatil,
anmishmashtitik kina Dyos reynaro pa mochital;
wan yehwante amo kat ka tehwante,
yewal kinmashti mochi ka tapowaliste yewal nitamatiliste;
12 ta hanwel tachiyal amo kitaske wan yok,
ta hanwel takaktiyaloskya amo kimatiloskya ten kinek kitos,
wan shimochipawaltik pa anmoyol wan shiktahtanik Dyos mishpohpowilis mota'ihtakoliste.
Yehshwa kinmili ten kinek kili nitapowaliste
(Mt. 13:18-23; Lk. 8:11-15)
13 Wan Yehshwa kinmili:
―Amo ankimatil ten kinek kitos in tapowaliste?
Kwakin kina ankimatiske ten kinek kitos mochi in tapowaliste?
14 In takat yewal tatokatiyaya shinashte kina nitahtolmeDyos.
15 Sek takam kat kina in tatokal yewal wetsik pa ot:
kikakil nitahtolmeDyos,
kwakin wal Satán kinkishtili in takam nitahtolmeDyos yewal kipiyaloya pa ininyolme yehwante.
16 Oksek kat kina in tatokal yewal kisal pa itsalaTetelme:
kikakil nitahtolmeDyos kineltokal ka pakiliste,
17 kat kina in shinashtim yewal amo kipiyal ninelwa hanwel yok amo wehkawal;
kwah walal inik tonatim yewal kinpano se takokoliste niyok kwah kintohtokal in takam kampa kineltokal nitahtolmeDyos,
yok yahmo kinekil kineltokaske.
18 In tatokal yewal katka nishinashte pa in wistim:
kina yehwante niyok kikakil nitahtolmeDyos,
haniman moyokoltil,
19 ma yok amo ki'ilkawal pa ki'ilnamiktiyaske yewal kat pa mochi kishki tal,
pa inik shiwim yehwante kinektiyaske kina kwal konanaske tomi wan kati mokwahkwamanal yewal kichiwal amokwal,
kinektiyaske myak ten amokwal.
Yok mochi kinihtako takam pa ininyolme yok kitapacho itahtol,
kina se tatokal yok amo temakas taki.
20 Wan in tatokal yewal katka nishinashte pa tal kwal,
yehwante kikakil nitahtolmeDyos wan kineltokal,
sek kitakiltil 30 pa se nitankwa,
sek 60 oksek 100.
Tapowaliste ka in tawiliste
21 Niyok kinmili:
―Ak kiwalik se kandel wan kitali pa itsinta komit niyok itsinta tapeshte?
Amo,
ankitalil kandel takpak,
kaha kintawili moshte.
22 Ma yok ten tatitikat wan yewal amo kimatil,
kampa yok se tonat kimatiske.
23 Ta anmelak ankipiyal anmonakam,
shitakakik.
24 Niyok kinmili:
―Shikilnamiktiyak in yewal ten ankikakik.
Hanwel ta anki'ilnamiktiyal,
yok ankimatiske in ten kinek kitos.
Hanwel yok kina antemakal,
hanwel yok anmishkwepiliske.
Wan yok anmehwante ankipiyaske miyak yewal antakakil kwal.
25 Ak kipi han,
kimakaske oksep,
wan aki amo kipi,
yok kikishtiliske yewal tipit kipiyaya.
Tapowaliste ka in shinashte
26 Niyok kitowaya:
―Yok kina Dyos reynaro yok onka se takat yewal kitok shinashte pa tal;
27 kwah in takat kochis pa tayo,
nehnemis tahka,
in shinashte mo'apaptiyas wan amo kimat in takat kina mo'apaptiyas.
28 Mochi pa in tal isel nesi ninelwa;
kwakin in shinashte,
kikis nitankwa in tsimolinke ka nishinashte wan ka miyak nimiyawal;
29 kwah yoksi in taki,
kwakin kisal takam pa kitekiske ka se wako,
kampa o'as in tonat pa tapishkaske.
Tapowaliste ka nishinashte mostasa
(Mt. 13:31-32; Lk. 13:18-19)
30 Niyok Yehshwa kito:
―Ka ak nikintamachiwas nireynarolisteDyos,
ka ten tapowaliste tikitoske pa tikinnishtiliske?
31 Onka kina nishinashte mostasa kwah kitokal pa in tal shinashte tipichi,
amo onka okse shinashte tipichi yok kina ina pa mochital;
32 ma yok,
kwah mo'apa in kwawit mochi we amo onka yok wehwe ka in oksek shinashtim ka in kwahmil,
wan in totom pa in takpakIlwikak kinchiwal ininkalme ka nitasoway nimashaltik.
Yehshwa tamashtiyaya ka tapowaliste
(Mt. 13:34-35)
33 Yehshwa kinmili ka myak tapowaliste kina in,
kintakichiliyaya ka nitahtolmeDyos kina hanwel kimatiloskya kikakiloskya.
34 Hanwel kintakichiliyaya ka tapowaliste,
ma yok kwah katka ka nimoneshtililme kinmiliyaya ka iselte ten kinek kitos tapowaliste.
Yehshwa ki'ahwa in yehyekat wan in we'atTemtik
(Mt. 8:23-27; Lk. 8:22-25)
35 Pa in tonat,
kwah tapohpoyapti,
Yehshwa kinmili:
―Ma tipanok pa analko in we'atTemtik.
36 Kwakin in masewalme mokawak wan nimoneshtililme Yehshwa kiwikak pa in barkit,
niyok oksek barkito' oyak.
37 Kwah ompa momaka yehyekat chikawak,
mo'ahkokiyaya in at wan kahkalakiyaya pa in barkit,
wan yok temtiyaya.
38 Wan Yehshwa koshtikatka pa ikwitap barkit motitsontitikatka se tetsonteyamanke;
ki'ishiltik kitsatsilik:
―Tamashtini!
Amo titishtatsot kampa tipolaktiyal?
39 Kwakin omokets oki'ahwa in yehyekat;
wan kili in we'atTemtik:
―Amo shinawatitiyak!
Haniman walmoyolsewik!
Wan amo molin in yehyekat,
wan in we'atTemtik yahmo mo'ahkokiyaya.
40 Kwakin Yehshwa kinmili:
―Pates anmomaptitikatkaloya?
Amo nishneltokal newal?
41 Yehwante hyero momaptitikatkaloya,
mo'ilitikatkaloya sek ka oksek:
―Ak aso in yewal takat,
yewal kineltokal in yehyekat wan in we'atTemtik?