Monek masewalme moyolkwepaske
13
Pa inik tonatim sek oyak kitak Yehshwa wan kitakichilik kampa Pilatos otatake pa kinmiktiloskya sek takam pa in mochital Galileya kwah yehwante tatiniwililoya tatamakal wan yok omonelwilik ininyEste ka yolikilme ininyEste yehwante tatenewilil tatamakal.
Lucas 13.1-35
―Wan antaneltokal anmehwante kampa in Galileyo katkaloya hyero ta'ihtakolme ka inik oksek yehwante Galileyo'?
3 Wan annimichilis kampa ayak;
wan ta anmehwante amo ankikwepal anmoyol ka Dyos niyok moshte anmehwante anpoliwiske.
4 Wan kina antamatil ka inik 18 mikik kwah kinpach,
in weTorre pa Shiloha antamatil anmehwante kampa yehwante katkaloya we ininta'ihtakolme ka yehwante ompa mochantiloya pa Yerushalém?
5 Newal annimichilis kampa ayak;
wan ta anmehwante amo ankikwepal anmoyol ka Dyos,
niyok moshte anmehwante anpoliwiske.
Se tapowaliste ka in kwawitIgero amo taki
6 Niyok kinmili in tapowaliste:
―Se takat kitokaya se kwawitIgero pa nikwahmilUba,
wan kimani kitem igo',
pa yewal amo okit nitaki amoten.
7 Kwakin kili nitikipanol yewal kikwitawiyaya kwahmil:
“Kipi yey shiwim kampa niwal niktemo igo' pa in kwawitIgero,
wan hanse kimani niwal amoten nikit.
Shiktek,
kampa kitsakwilitik notal?”
8 Wan in kikwitaptikatka kito:
“Tats,
shihka pa okse shiwit;
kampa newal nikyamanili tal niktashilis tal kwal.
9 Ta temak taki;
kwal yes wan ta amo,
shiktek kwakin.”
Yehshwa kipahti se siwat pa in se tonatmosewilyudiyo
10 Pa se tonatmosewilyudiyo,
Yehshwa tanishtilitikatkaya pa se nityopYudiyo;
11 wan ompa katka se siwat kipewaya se takokoliste ka 18 shiwim.
Moyolkokotikatka ka se niyehyekat tawalilot nehnemiyaya koltik,
wan amokwal nehnemiskya melaptik.
12 Kimani Yehshwa okit,
okinots wan kili:
―Siwat,
ashka timoka tamakawal ka motakokoliste.
13 Wan haniman kimani Yehshwa okintal nimahwam ipa yewal,
in siwat momelapti,
wan kipewaya tahtolme wehwe pa Dyos.
14 Ma yok in wetatakewan pa in tyopYudiyo okwalan kampa Yehshwa okipahti pa in tonatmosewilyudiyo,
yok yewal kinmili masewalme:
―Onka chikome tonatim pa kwal motekipanos;
pa yeske tapahtilme,
shiwalak pa inik tonatim amo shiwalak pa in tonatmosewilyudiyo.
15 Kwakin in TATS kili:
―Ome ininshayak kipiyal,
amo ankitomal aki han ka anmehwante anmotoro pa kano wan anmoburro pa in tonatmosewilyudiyo,
pa anki'ahmakaske?
16 Wan in siwat,
yewal nikolinche AbRaham wan yewal tawalilot kipiyaya ta'ilpil ka takokoliste pa mochi inik 18 shiwim,
hanwel amokwal momakawaskya nitakokoliste pa in tonatmosewilyudiyo?
17 Kwah Yehshwa yok kito,
wan inik kikokoliloya mopinawiltik;
wan moshte masewalme pakiloya kwah kitaloya inik mochiten yewal kichiwaya.
Nitapowaliste ka nishinashte in mostasa
(Mt. 13:31-32; Mk. 4:30-32)
18 Yehshwa niyok kito:
―Kina ten nes nireynarolisteDyos,
wan ka ten kwal niktamachiwas?
19 NireynarolisteDyos nes kina nishinashte mostasa kwah se takat kitok shinashte pa nikwahmil,
wan omo'apa wan omochi se kwawit weyot,
pa nimahmashaltik kichiwal nikalme in totom pa in takpakIlwikak.
Nitapowaliste taposhawalti
(Mt. 13:33)
20 Wan oksep kito Yehshwa:
―Ka ten niktamachiwas nireynarolisteDyos?
21 In nes kina ka motaposhawalti kampa se siwat konan wan ki'ahkoki pa yey tamachiwiliste ka arina,
pa kichiwas ma moposhawalti mochi in teshte.
In tatapoli pitsawak
(Mt. 7:13-14, 21-23)
22 Pa ni'ot yawiya pa Yerushalém,
Yehshwa tamashtiyaya pa Wehwepweblo wan ranchito'.
23 Wan se kitahtanili:
―TATS,
amo myak kat in mokishtilil yoliliste?
Yehshwa kinankili:
24 ―Shikchiwak mochi pa ankalakiske pa in tatapoli pitsawak;
kampa newal annimichilis myak kinekiske kalakiske,
wan amokwal kalakiske.
25 Pa kishki nikaltats moketsas wan kitsakwas in tatapoli,
wan anmehwante,
anyeske pa kiyawak,
kitehtewiske in tatapoli wan tsatsiske:
“tats,
shitishishtapol.”
Yewal anmishnankili:
“Amo nihmat kampa kisak anmehwante.”
26 Kwakin anmehwante ankitoske:
“Tehwante antitakwak wan antitakonik ka tewal,
wan tewal titamashtiyaya pa tehwante toplasa'.”
27 Yewal anmishnankilis:
“Amo nihmat kampa kisak anmehwante.
Shimewak ka newal,
moshte anmehwante ten amokwal ankichiwal.”
28 Kwakin yes chokaliste wan kakistiske tankochowam,
kimani kitaske AbRaham,
Itsak,
Yakob inak in Taketsalme nitahtolmeDyos kat pa nireynarolisteDyos,
wan anmehwante anyeske kiyawak.
29 Wan walaske masewalme pa okse pweblo kaha kis tonat wan kaha kalaki tonat,
wan niyok kaha takpakNorte,
wan kaha tatsintaSur,
wan motaliske kaha takwal ka nireynarolisteDyos.
30 Wan sek kat nika amo ta'ihitalme yehwante yeske ta'ishpa,
wan sek ashka kat ta'ishpa pa in tonat amo yeske ta'ihitalme.
Yehshwa okit Yerushalém walchok
(Mt. 23:37-39)
31 Pa inik tonatim asik sek parisheyo' wan kilik Yehshwa:
―Shipanoti,
kampa Herodes kinek mishmiktis.
32 Yewal kinmili:
―Shiyak shikilik in tehon:
“Newal,
nikinkishti niyehyekatim tawalilom wan nikinpahti,
ashka wan mosta wan pa yey tonatim nitamis nitikipanos.”
33 Monek pa niyaptiyas no'ot ashka,
mosta wan wipta,
kampa amokwal kampa se niTaketsal nitahtolDyos pa mikis kiyawak Yerushalém.
34 ’Yerushalém,
Yerushalém,
nimochantilme Wepweblo yewal kinmikti in Taketsalme nitahtolmeDyos wan kinmohmot nitanotsalme Dyos!
Kishki onihnek nikinnichik mopilwam,
kina se totol kinkalakti nipilwito' itsinta ninastakapalme,
wan amo tihnek!
35 Wan ashka,
shikit,
mokal mokawas isel;
wan nimichilis kampa ashka amo nichitaske pa kimani asis in tonat kampa anmehwante ankitoske:
“Ma kimashtik in yewal wal ka ni'itokaliste in TATS.”