Yehshwa kipahti se kokoshke
14
Pa se tonat Yehshwa oy otakwa pa nikal se parisheyo wemonots,
katka tonatmosewilyudiyo,
wan yehwante oksek parisheyo' ki'ispyarotikatkaloya.
Lucas 14.1-35
2 Ni'ishpa Yehshwa katka se takat kipiyaya se kokoliste yewal posaptikatka.
3 Wan Yehshwa kintahtanili in Tamashtinilme NitanawatilMoshé wan in parisheyo':
―Kwal aso tapahtiske pa in tonatmosewilyudiyo,
hanwel ayak?
4 Yehwante amo tanankilik.
Kwakin Yehshwa okikitski in takat pa nimahwa,
okipahti wan okitetan.
5 Wan in parisheyo' kinmili:
―Ta ak anmehwante,
ta nikon wan nitoro owets pa se takoyonke,
amo kikishtiskya haniman,
ta yok yeskya pa in tonatmosewilyudiyo?
6 Wan amo'ak kimatiya kina kinankililoskya.
In tanotsalme pa se monamiktiliste
7 Kimani Yehshwa okit yewal in tanotsalme kaha takwal kinonanaloya motaliloya ta'ishpa pa in siya',
kintakichili se tapowaliste:
8 ―Kimani mishnostiyaske pa se mitotiliste kaha monamiktil,
amo shi shimotal ta'ishpa,
kampa ta o'as okse tanotsal yewal wemonots amoyok kina tewal;
9 wan kimani walas in yewal omishnots pa michilis:
“Shihmak pa motalis in takat kaha tiyowatik.”
Kampa kwakin timopinawiltis wan tiyas timotalis pa se siya onka hyero takwitap.
10 Hanwel kimani tiyes tanotsal,
shi shimotal takwitap;
pa kimani walas yewal mishnots michilis:
“Nonihni newal,
shiwal wan shimotal ta'ishpa.”
Yok tikpiyas tamawishtiliste ka in okse tanotsalme kaha takwal.
11 Kampa mochi sesen in we tamatilme ka in oksek,
yes amo wetanotsal in yewal aki mopinawilti isel yes wetanotsal.
12 Niyok kili Yehshwa in yewal okinots:
―Kimani titemakas se takwaliste pa watsinko wan pa tyotak,
amo shikinnots monihniwan,
wan monohniwan yehwante mochantilme mocha,
wan niyok moparyente,
wan oksek masewalme mochantilme pa oksek kalme kishki kipiyal miyak tomi;
ta yok tikchi kwakin yehwante mishnotsaske tewal wan yok mishkwepiliske in tachiwaliste.
13 Hanwel,
kimani tikchiwas se takwaliste,
shikinnots yehwante amoten kipiyal,
wan amo kipiyal ininmahwam,
wan amokwal nehnemil,
nehnemil yehwante amo tachiyal;
14 wan yok tikpiyas pakiliste.
Kampa yehwante amokwal kina mishkwepiliske in tanotsaliste motashtawiliste,
tihnamikis pa in tonat kimani walyoliske oksep in kichiwak kwal.
Yehshwa kinmili se tapowaliste ka tyotakTakwaliste we
15 Se ka yehwante in yowatikatkaloya kaha takwal okikak in,
wan kili:
―Ma kipi pakiliste akyewal kikwas pan kaha reynaros Dyos.
16 Kwakin Yehshwa kili:
―Se takat okichi se takwaliste we,
okinnots myak masewalme.
17 Pa kimani katka in tayokshitiliste okitake nitikipanol pa kinnotsaskya nitanotsalme:
“Shiwalak,
kampa onka tayokshitiliste takwal.”
18 Ma yok moshte yehwante kitoloya se ta'ilnamikiliste wan se kito:
“Anok onimokowil se tal wan nikpi pa niyas nikitas.
Amo shikwalan kampa amokwal niyas.”
19 Okse kito:
“Anok nimokowil makwil toro,
ka ohome wan monek pa nikintikipanoltis;
yok nihmatis ta kat kwal.
Amo shikwalan kampa amokwal niyas.”
20 Wan okse kito:
“Anok onimonamikti,
wan amokwal niyas.”
21 Yok walmokwep in tikipanol,
okitakichil in nikaltats in tahtolme.
Kwakin okwalan wan kili nitikipanol:
“Hanwel shimotaloti pa in plasa wan pa in otim pa in Wepweblo,
wan shikinnostiwal yehwante amoten kipiyal,
wan in amo kipiyal ininmahwam,
wan amo nehnemil kwal,
wan yehwante amo tachiyalme.”
22 Kimani nitikipanol kili:
“Tats,
nitam nikchi ten tinichil,
wan yok we motaka.”
23 Wan in tats kili nitikipanol:
“Shi kwakin ka yehwante mochantilme pa otim wan tashosholtik kaha han wan shikinchiwalti pa kalakiske,
nihnek kampa temis nokal.
24 Annimichilis kampa amo'ak ka in ta'ishpa tanotsalme kipaloske notakwaliste.”
Kishki monek motashtawas ta kinek kitokas Kristo
25 Kina myak kitokatiyaloya Yehshwa;
walmo'ishkwep ka yehwante wan kinmili:
26 ―Ta ak wal nonak,
wan amo kika nitats,
wan ninantsi,
wan nisiwa,
wan ininpilwam,
wan ninohniwanTakam wan ninohniwanSiwam,
wan niyok niyoliliste,
amokwal pa yes nomoneshtilil.
27 Wan yewal aki amo konan nikruskwawit wan nishtok,
amokwal yes nomoneshtilil.
28 Kampa akyewal ka anmehwante ak kinekis kiketsas se kalweyak,
amo motalis pa kitas ta kipi tomi kishki kiteshmonek pa kimatis ta kipi mochi in ten kiteshmonek pa kitamis?
29 Ta okital nitankwa in kalchiwal,
wan hani ki'ilnamik kampa amokwal kitamis,
wan moshte kishki kimatiske kiwetskiliske yewal
30 Wan kitoske:
“In takat okipewalti se kalchiwaliste wan amo okitam okichi.”
31 Wan ta se weRey kinek kichiwas momiktiliste ika okse weRey,
amo motalis pa kimatis ta hanwel kwal mo'onanas ka in 10 mil gwacho' yewal kinpi in yewal walal momiktil inak yewal kat 20 mil gwacho'?
32 Ta amokwal kitanilis,
kintitanis sek tanawatilme in okse weRey,
kimani in okse weRey yes wEhka,
wan kititanilis taketsaliste ka sewiliste.
33 Yok niyok,
aki han ka anmehwante yewal amo kika in mochiten tapi,
amokwal mochiwas pa yes notanawatil.
Kimani in istat kipolo niwelik
(Mt. 5:13; Mk. 9:50)