Nitapowaliste in borrego mopolo
(Mt. 18:10-14)
15
Moshte in tapishkalisteTómi wan niyok yehwante ta'ihtakolilme mo'ashiltiloya ka Yehshwa pa kikakiloskya,
Lucas 15.1-32
―In kintenamiki in ta'ihtakolilme,
wan takwa inak yehwante.
3 Kwakin Yehshwa kintakichili in tapowaliste:
4 ―Akyewal ka anmehwante,
ta kinpi 100 borrego' wan kipol se ka yehwante,
amo kinka in 99 pa se tal kaha tawak,
wan ya kitemo in mopolo,
pa kimani kitas?
5 Wan kimani kitas,
ka miyak pakiliste kitalis ipa niyahkwal,
6 kimani asis ni'icha,
kinnotsas ninihniwan pa oksek kalme wan oksek takam wan kinmili:
“Shikpiyak pakiliste ka newal,
kampa onikit noborrego yewal omopol.”
7 Annimichilis yok niyok yes pa in takpakIlwikak,
yes miyak pakiliste pa se takatsawaltil yewal kichi ten kwal pa kineshtis kampa kikweptik nita'ilnamikiliste wan kineshtitik kampa kikweptik niyol ka Dyos ka nitachiwaliste kwahkwal,
amoyok yeske nahyehwante 99 yehwante kampa kat ta'ihnililme ininta'ihtakoliste wan amo monekil pa kikwepaske ininta'ilnamikiliste wan kineshtiske kampa kikweptikat ininyolme ka Dyos.
Nitapowaliste nahyewal in tomi tapolol
8 ’Ta se siwat kipi matahti tomi,
wan kipolo se ka yehwante,
amo kitatatili se kandel wan tatashpan,
wan kitemo yolikit in tomi pa kimani kitas?
9 Wan kimani kitas,
kinnotsas pa monichikoske ninihniwanSiwam wan okse siwam mochantilme pa okse kalme wan kinmili:
“Shikpiyak pakiliste nahnewal,
kampa onikit notomi yewal onikpol.”
10 Newal annimichilis anmehwante yok niyok onka pakiliste pa ni'ishpa nitanawatilanhelme in Dyos pa se yewal takatsawiliste kikwep niyoliliste ka Dyos.
Se tapowaliste ka nikon yewal kitamili nitomi nitats
11 Yehshwa niyok kito:
―Se takat kinpiyaya ome ininpilwaTakam,
12 wan nikon tipichi kili nitats:
“Tats,
shinishmak notahko ka in motomi yewal newal tinishmakas kwah timikis.”
Kwakin nitats kinmak tahtahko nitomi ka sesen ininpilwam.
13 Wan amo panok miyak tonatim,
in nikon tipichi kinichiko mochiten tapiyaya wan panoti pa okse tal wEhka,
wan ompa ki'ihtakotinem mochi nitomi pa se yoliliste amokwal.
14 Kimani okitam mochi,
owal se mayanaliste hyero pa in mochital,
wan okipewalti mayanaliste.
15 Kwakin oy kitem tikipanoliste ka se in mochantilme pa in mochital,
akyewal okitake pa yaskya pa nitashosholtik pa kinkwitawiliskya nipitsom.
16 Wan kinekiya kipachiwiltiskya nibarriga ka inintakwalme tashokoyaltilme pitsom,
amo'ak kimakaya ten kikwaskya.
17 Kimani walmo'ilnamiki wan mo'ili:
“Kishki tikipanolme pa nikal notats kipiyal miyak takwaliste,
wan newal nika nimikti ka mayanaliste!
18 Nimokwepas pa nikal notats,
wan nikilis:
Tats,
onikchi ta'ihtakoliste ika in takpakIlwikak wan ika tewal;
19 wan amo nimonots newal pa nikitos kampa nimokon;
shikchi kina se yewal motikipanol.”
20 Wan yok omokets wan walmokwep ka nitats.
’Kwah ayamo asiyaya wEhka walaya,
nitats okit wan oki'ihnil.
Wan omotal kwakin kinapalo wan kitenamiki.
21 Wan nikon kili:
“Tats,
onikchi katsawiliste ika in takpakIlwikak wan ika tewal;
wan amo nimonots pa nikitos kampa timokon.”
22 Ma yok in tats kinmili inintikipanolme:
“Shihwalikak se takemtel kwal wan shiktakemiltik.
Shiktalilik se aniyo pa nidedo wan warachim pa nikshiwam.
23 Shiyak haniman shihwalikak in beserro tomawak wan shihmiktik.
Wan ma titakwak,
ma tikchiwak se mitotiliste!
24 Kampa in nokon newal katka mihki,
wan walyol;
poliptikatka,
wan ashka tikitak.”
Wan kipewaloya mitotiliste.
25 ’Wan nikon we katka pa in tashosholtik;
kimani walmokwep kwah astiyaya pa kal,
okikak tatsotsonaliste wan mitotiliste.
26 Kwakin okinots se tikipanol wan kitahtanili ten panotikatka.
27 In tikipanol kili:
“MonohniTakat tipichi walmokwep;
wan motats tatake pa kimiktilik se beserro tomawak,
kampa okitenamik kwal wan ka yoliliste.”
28 Kimani ninohniTakat we okikak in hyero okwalan amo okinek okalak,
yok nitats okis kichikawaltiyaya pa kalakiskya.
29 In nikon ta'ishpa we kili nitats:
“Nikpi myak shiwim pa nimishtikipanolitik,
wan hanse nimishneltokatiya,
tewal amo'ik otinishmak se chibit,
pa nikchiwaskya se takwaliste inak nonihniwan pa oksek kalme.
30 Ashka owal in mokon tewal,
yewal okitam motomi ka siwam yehwante motekal ka moshte takam,
wan titatake pa kimiktiliske se beserro tomawak pa yewal.”
31 Nitats kili:
“Nokon newal,
tewal ti'onka ka newal,
wan mochiten nikpi in yewal ka tewal.
32 Ma yok monekiya pa tikpiyaloskya mitotiliste wan tikpiyaloskya pakiliste,
kampa monohniTakat katka mihki,
wan walyol oksep;
wan poliptikatka,
wan ashka tikitak.”