―Katka se takat kipiyaya miyak tomi kipiyaya se nitikipanol wetatakewan,

yewal kiteshpawililoya kampa yewal ki'ihtakoliyaya nitomi nikaltats.

2 In takat okinots nitikipanol wetatakewan wan kili:

“Ten yewal in kitol ka tewal?

Shinishchiwil se amat ika mochi kishki nitapi,

kampa yahmo tiyes notikipanol wetatakewan pa nokal.”

3 Kwakin in tikipanol wetatakewan moka tamatiti:

“Ten aso nikchiwas ta in nikaltats nishkishtil notikipanol wetatakewan?

Amo nikpi chikawaliste pa niktikipanoltis tal,

amo nimochika pa nitahtanis tomi yewal tipinawaliste.

4 Ma yok nihmat ten nikchiwas,

yok kimani nishkishtilis notikipanoliste wetatakewan niyes kwal tanamikil kaha han pa se kal.”

5 Kwakin okinnots sesen yehwante tawikililoya ka in nikaltats.

In ta'ishpa kili:

“Kishki tihwikili in nikaltats?”

6 Wan yewal kinankili:

“Nihwikili 100 barril ka aseyte.”

In tikipanol wetatakewan kili:

“Shikonan in amat pa kishki titawikili;

wan haniman shimotal wan shihkwihkwil 50.”

7 Okse kili:

“Wan tewal,

kishki titawikili?”

Wan yewal tanankili:

“In 100 chikiwim ka trigo.”

In tikipanol wetatakewan kili:

“Shikonan in amat;

wan shihkwihkwil 80.”

8 Kwah kimat in nikaltats kili tahtol kwal in tikipanol kampa kimatiya tikwamanaya in okichi kwal.

In takam pa in tal amo kineltokal Dyos,

yehwante kimatiloya tikwamanaloya ka tanichikolme ika oksek masewalme niyok amo kineltokal Dyos kampa kipiyaloya hyero we tamatiliste,

amoyok kina oksek,

yehwante kimatiloya kineltokaloya Dyos.

9 ’Ma yok melak annimichilis shiktikipanoltik in mochi tapiyalme ka tomi amokwal pa kinpalewiske oksek wan shimochiwak ininnihniwan,

kwah kimani in mochiten tapiyalme ka tomi motamiske,

yehwante kinmakaske tanamikilme pa in kalme kaha amo'ik tamilme.

10 ’Akyewal kwal kikwitawi in ten amo miyak kostaro,

niyok kwal kikwitawis in ten miyak kostaro;

wan akyewal amo tamawishtili ka in amo miyak kostaro,

niyok amoyok yes ka in yewal miyak kostaro.

11 Ta anmehwante amo tamawishtilil in mochi tapiyalme ka tomi amokwal anmehwante amo ankimatil ankichiwal kwal,

akyewal melawak anmishmakas in ten miyak kostaro?

12 Wan ta ten anmishtanewik wan amo ankikwitawil kwal,

akyewal anmishmakas in anmotakawaliste anmehwante?

13 ’Amo'ak kwal kintikipanoli ome nikalmetatsim;

kampa se amo kitasotas wan okse kitasotas,

wan in se kineltokas wan in okse amo kineltokas.

Yok anmehwante amokwal ankitikipanoliske Dyos wan tomi.

14 Inik parisheyo',

yehwante kitasotaloya tomi,

niyok kikaktikatkaloya in mochiten,

wan kiwetskililoya Yehshwa.

15 Kwakin Yehshwa kinmili:

―Anmehwante anmokwahkwamanal moselte ininishpa masewalme,

ma yok Dyos ki'ishmat anmoyol;

in kati masewalme kwal kital,

Dyos amokwal kit.

16 ’NitanawatilMoshé wan in Taketsalme nitahtolmeDyos asiloya ka Yuhanes.

Kwah okipewaltik tamashtilisteKwal nireynarolisteDyos,

wan moshte mochikawaltiloya pa kalakiloskya pa yewal.

17 ’Ma yok kwal poliwiskya in ilwikak wan in mochital,

yewal amo kitsakwiliskya pa mo'ashiltiskya mochi sesen tapahwil pa NitanawatilMoshé.

18 ’Ta se kitohtok nisiwa wan mosiyawat inak okse siwat,

in takawal kichiwilitik ta'ihtakoliste;

wan akyewal inak mosiyawati in siwat takawal,

niyok kichiptik ta'ihtakoliste.

19 ’Katka se takat yewal tapiyaya miyak ka tomi,

motakemiltiyaya ka shashalme morado kwahkwalme,

wan hanse tonatim kichiwaya mitotiliste ka miyak takwaliste yewal monamakaya ka miyak tomi.

20 Wan katka se yewal amoten kipiyaya yewal itoka Lásaros,

kipiyaya sawat pitsintikatka pa nikwerpo yowatiya pa nitatapoli kaha kalakiyaya yewal kipiyaya miyak tomi.

21 Wan kinekiskya pachiwiskya ka yewal wetsiyaya itsinta kaha takwaya in takat yewal kipiyaya miyak tomi;

ma yok walaloya chichim wan kipahpaloloya sawat pitisintikatkaya.

22 Kwakin o'as in tonat omik in takat amoten kipiyaya,

wan nitanawatilanhelme kiwikak pa in takpakIlwikak ka AbRaham.

Takwitap omik niyok yewal kipiyaya miyak tomi wan kitapachok.

23 Kwakin yewal kipiyaya miyak tomi katka pa in amoSéwiTeshoshte,

ipanta se takokoliste otachi pa takpak wan ompa wEhka okit AbRaham,

wan Lásaros katka inak yewal.

24 Wan in takat yewal tapiyaya miyak tsatsi:

“Tats AbRaham,

shikpi ta'ihniliste ka newal,

shiktake Lásaros pa kipaltilis tipit nidedo ka at pa ki'istiyaltis nolengwa;

kampa in amoSéwiTeshoshte nishkokoltitik.”

25 Wan AbRaham,

kili:

“Nokon shikilnamik yewal,

pa kimani tiyoltikatkaya,

tewal tiktenamiki in mochiten titapiyaya,

wan Lásaros kitenamikiyaya takokoliste.

Ma yok ashka nika yewal kitenamiki yolsewiste,

wan tewal tiktenamiki takokoliste.

26 Wan pa mochi in,

onka se tashelol wehkat patawak ipanta amo kipi tamiliste ika tehwante wan anmehwante;

ma yok aki kineki panos nika kaha kat anmehwante,

amokwal anpanoske,

niyok amokwal walpanoske ompa pa nikek.”

27 Kwakin yewal kipiyaya miyak ka tomi kito:

“Tats,

nimishtahtani shiktitan Lásaros pa nikal notats,

28 kampa nikinpi makwil nonohniwan,

ma kintakichil,

pa amoyok kichiptiyaske in ten amokwal pa amo walaske yehwante niyok panoske takokoliste.”

29 AbRaham kito:

“Yehwante kipiyal Moshé wan in Taketsalme nitahtolmeDyos ma kinkakik!”

30 Wan in takat yewal kipiyaya miyak tomi kito:

“Amo kichiwaske,

tats AbRaham,

ma yok ta se ika in mihmihke ya ka yehwante,

haha kikwepaske ininyolme ka Dyos.”

31 Ma yok AbRaham kili:

“Ta ayamo kikakil Moshé wan in Taketsalme nitahtolmeDyos,

niyok amo taneltokaloskya,

ta se omokets yewal omik wan yoliskya.”