―Ten anmishtake Moshé?

4 Yehwante kinankilik:

―Moshé kinmakawilti se amatTakwihkwilol ka takawas pa yok kikawas nisiwa.

5 Yehshwa kinankili:

―Moshé kikwihkwilo nitamashtilisteDyos kampa anmehwante amo ankimatil takakil.

6 Kwah nipewaliste,

mochiten Dyos,

“okichi takat wan siwat”.

7 “Kampa se takat kikawas nitats wan ninantsi motakitskilti inak nisiwa,

8 wan yeske se han inakayo.”

Yok in omente yahmo yeske ome,

mochiwaske se han.

9 Dyos okichi pa yeske se han,

amo kishelo masewal.

10 Kwah mokwepak pa in kal,

nimoneshtililme kitahtaniloya Yehshwa oksep ika in tahtol.

11 Yehshwa kinankili:

―Ta se okika nisiwa wan mosiyawati inak okse siwat,

in kichiptik katsawiliste ika nisiwa ta'ishpa;

12 wan ta se siwat okika nitaka wan omosiyawat ka okse takat,

in kichiptik katsawiliste ika nitaka ta'ishpa.

13 Kinwalikililoya Yehshwa piltontim,

kampa yewal kintaliliskya nimahwa;

wan nimoneshtililme kinahwaloya yehwante kinwalikaloya.

14 Yehshwa okinmit,

kina kichiptikatkaloya kwalani wan kinmili:

―Shikinmakawak in piltontim ma walak ka newal,

amo shikintsakwilik,

kampa nireynarolisteDyos ka yehwante yok kina nesil piltontim.

15 Wan melak annimichilis,

ta se amo kitali nitaneltokaliste ka nireynarolisteDyos kina se piltonte,

kwakin in se amo'ik kalakis kampa reynaro Dyos.

16 Wan kinnapalowaya mochi inik piltontim,

wan okintalil nimahwam ipa yehwante wan kinmashtiyaya.

17 Kwakin okonan ot Yehshwa,

walmotalotiwalaya se takat kaha yawiya yewal,

omotankwakets pa ni'ishpa kitahtanili:

―Tamashtini kwal,

ten monek pa nikchiwas pa nikpiyas noyoliliste yewal amoTamis?

18 Yehshwa kinankili:

―Pates tinichili kampa newal nikwal?

Amo'ak se yok onka kwal,

han Dyos.

19 Tewal tihmat nitamashtilisteDyos:

“Amo shikonan se siwat tasiyawatil;

amo shitamikti;

amo shita'ishtikti;

amo shikintaketsti;

amo shitakwahkwamanti;

shiktasot motats wan monantsi.”

20 In takatYankwik kinankili:

―Tamashtini,

pa kimani nikatka nipiltonte nihneltokatiwal wan pa ashka.

21 Kwakin Yehshwa kitatikatka in takatYankwik okitasot,

wan kili:

―Monek pa tikchiwas okse tachiwaliste.

Shi,

shihnamak mochiten tikpi kwakin in tomi yewal tikonanas shikinmak yehwante amoten kipiyal,

yok tikpiyas myak moyashka pa in takpakIlwikak;

wan shiwal,

shinishtok.^a

22 Kwakin hyero tamat in takatYankwik kwah kikak in tahtolme,

moyolkokotiyaya kampa kipiyaya miyak niyashka.

23 Kwakin Yehshwa momalinaya,

tachiyaya kaha katkaloya nimoneshtililme kinmili:

―Kina kital kina aso kwal pa kalakis se takat yewal kipi miyak tomi kaha reynaro Dyos!

24 Mokawak mo'itatikat nimoneshtililme ka nitahtolme;

wan Yehshwa kinnankili oksep kinmili:

―Nonihniwan,

kina aso kwal kalakiske kaha reynaro Dyos yehwante kitalil nitaneltokaliste pa mochi kishki tapiyal!

25 Aso kwal panoskya se kameyo pa se nishtolol tatsomal,

yewal amo kalakiskya se yewal kipi miyak tomi kaha reynaro Dyos.

26 Wan motapololtiloya nimoneshtililme motahtanililoya se ka okse:

―Kwakin,

ak mokishtilis niyoliliste?

27 Yehshwa kinmitaya,

wan kinmili:

―Pa takam amoten kwal,

ma amo pa Dyos;

ma yok Dyos mochiten kwal kichiwas.

28 Kwakin Petros kili:

―Shikit,

tehwante tihkawak mochiten yewal tikpiyaloya,

wan timishtokak.

29 Yehshwa kinnankili:

―Melak annimichilis,

in masewal yewal kikawaya nikal,

ninohniwanTakam,

ninohniwanSiwam,

nitats,

ninantsi,

ininpilwam,

ininkwahmilme,

kampa taneltokal pa newal wan pa in tamashtilisteKwal,

30 pa in yoliliste kipiyas tashtawaliste 100 pa sesen,

in kalme,

ninohniwanTakam,

ninohniwanSiwam,

ninantsitsi,

ininpilwam,

ininkwahmilme,

kwah kitohtokaske kikokoliske.

Pa inik tonatim yewal walal kipiyas yoliliste yewal amoTamis.

31 Myak in kishki ashka we monotsalme,

yeske monotsalme tipichim;

wan kishki ashka monotsalme tipichim,

yeske we monotsalme.

32 Yaloya pa in ot,

takistiyaloya pa Yerushalém,

Yehshwa yawiya ta'ishpa wan yehwante motapololtiloya wan yaloya ka miyak tamaptiliste.

Kwakin okinwik Yehshwa inak yewal iselte inik 12 nimoneshtililme,

kipewalti ten yewal kipanos.

33 Shikitak:

―Titakisaske pa Yerushalém,

wan NitakaTakpakIlwikak kitemakaske ka in TotatsimWehwe wan ka in Tamashtinilme NitanawatilMoshé,

kiteshpawiliske kimiktiske kwakin kitemakaske ka yehwante amo yudiyo'.

34 Yehwante kiwetskiliske wan kiwitekiske wan kichihchaske,

wan kimiktiske.

Kimani panos yey tonatim,

yolis oksep.

35 Kwakin Yakobo wan Yuhanes ininpilwam SebadYah,

asik kaha Yehshwa,

kilik:

―Tamashtini,

tihnekil pa titishchiwilis se yewal timishtahtaniske.

36 Yehshwa kintahtanili:

―Ten ankinekil pa annimishchiwilis?

37 Yehwante kinankilik:

―Shitishkawil in tonat kimani tireynarotiyas ka tawiliste pa timotaliske,

se ka momahwakwal wan okse pa momahwamapoch.

38 Yehshwa kinmili:

―Anmehwante amo ankimatil ten antahtantikat.

Anmochikawal ankoniske nihugoUba chichik yewal newal nikonis,

anmokwatekiloskya ka in takwatekiliste ka in yewal newal nimokwatekis?

39 Yehwante kinankilik:

―Tehwante tikchiwaske.

Yehshwa kinmili:

―Melak,

ankoniske nihugoUba chichik,

yewal newal nikonis wan niyok takwatekilme ka in takwatekiliste yewal newal ka nimokwatekis;

40 ma yok aki motalis pa nomahwakwal wan pa nomahwamapoch,

amo newal nikinonanas,

Dyos kinonanas pa motaliske ompa.

41 Kwah takakik in oksek matahti,

kwalanik ka Yakobo wan Yuhanes.

42 Kwakin Yehshwa okinnots,

wan kinmili:

―Anmehwante ankimatil,

inik tatakewalme pa in masewalme kichiwal kina kinekil,

wan wehwetatakewalme kipiyal chikawaliste pa kinchiwaltiske takam.

43 Ma yok amoyok yes ka anmehwante.

Akyewal kinekiskya pa mochiwas kina in we pa anmehwante,

yewal yes anmotikipanol;

44 wan ak yes ka anmehwante ta mochiwaskya in se ta'ishpa,

ma yok pa yes nitikipanol ka moshte.

45 Kampa in NitakaTakpakIlwikak amo owal pa kitikipanoliske,

hanwel pa kintikipanoli,

wan pa temakas niyoliliste pa kinmakawaltis myak.

46 Kwakin asik pa in Wepweblo Yerikó.

Kwah kistiyaloya pa in Wepweblo Yehshwa wan nimoneshtililme wan myak masewalme,

se itoka BarTimayos amo tachiyaya yewal Timayos nikon,

ompa yowatikatka pa itenko in ot tahtantikatka tomi.

47 Kwah ompa otakak kampa panowaya Yehshwa in nasareteko,

okipewalti tsatsiliste:

―Yehshwa,

tewal nikon Dawid,

shinishihnil newal!

48 Myak ka yehwante ki'ahwaloya,

kililoya pa amo nawatitiyaskya.

Ma yok,

yewal wehwe tsatsiyaya:

―Tewal nikon Dawid,

shinishihnil newal!

49 Kwakin omokets Yehshwa,

wan kinmili:

―Shihnotsak ma wal.

Wan kinotsak in yewal amo tachiyaya wan kilik:

―Shimochikawalti,

shimokets,

Yehshwa mishnotstik.

50 Yewal kwakin okitas nishashal,

haniman walmokets,

oy kaha Yehshwa.

51 Yehshwa kitahtanili:

―Ashka ten tihnek pa nikchiwas pa tewal?

Kili in amo tachiyaya:

―Tamashtini,

shikchi pa nitachiyas.

52 Wan Yehshwa kili:

―Ya shiyapti;

kampa otiktal motaneltokaliste otipahti.

Wan haniman otachi wan kitokatiyaya Yehshwa pa ot.