Tikinchiwilil ta'ihtakoliste
(Mt. 18:6-7, 21-22; Mk. 9:42)
17
Yehshwa kinmili nimonestililme:
―Amokwal mokishtiliske tatsohtsowiliste ka ta'ihtakoliste ma yok kina kiyas se takat;
ta okichi se ta'ihtakoliste pa oksek!
Lucas 17.1-37
2 Ma yok yeskya kwal pa ki'ilpililoskya se metatWe pa nikich,
in kitasaloskya ipanta we'atTemtik yewal pa kichiwaskya se ta'ihtakoliste ka se in tihtipichim.
3 Yok shimokwitawik.
’Ta anmonohni kichi ta'ihtakoliste ika tewal,
shikahwa;
wan ta kikwep niyol ka Dyos,
shikihnil.
4 Ta pa se tonat kichi chikome ta'ihtakoliste ika tewal,
wan walmokwep chikome as ka tewal pa in se tonat wan michili:
“Nihkweptik noyol ka Dyos”,
shikihnil.
Shitishmakawalti totaneltokaliste
5 In tatitanilme kilik in TATS:
―Shitishmakawalti totaneltokaliste.
6 Kwakin in TATS kinmili:
―Ta anmehwante ankipiyaloskya taneltokaliste,
kina se nishinashte mostasa,
kwal katka pa ankililoskya in kwawitMora':
“Shimowihwit wan shimotok ipanta in we'atTemtik”,
wan kichiwaskya yok kina kilik.
Yehshwa kinmili ten kipi pa kichiwas se tikipanol kwal
7 ’Ta se ka anmehwante ankipiyal se tikipanol ta'araro kinkwitawi yolikilme,
ma yok kimani yewal walmokwep pa in tashosholtik kili:
“Shipan wan shimotal kaha takwal”?
8 Amo,
ma yok kili:
“Shinishtayokshitil pa nitakwas,
wan shihkem moshashal kwahkwal pa tishkishtilis takwaliste kimani newal nitakwas wan nitakonis.
Takwitap kwakin titakwas wan titakonis tewal.”
9 Wan kimakal tashtawiliste in tikipanol pa okichi in ten kitakewak?
10 Yok niyok anmehwante,
kimani ankichiwaske mochiten anmishtakewaske,
shikitok:
“Titekipanolme tihmatil tikchiwal,
hanwel ten tishtakewal ka totikipanoliste.”
Matahti kat tapohpowalme ka in takokoliste itok lepra
11 Pa ni'ot pa Yerushalém Yehshwa,
opan ika Samarya wan Galileya.
12 Kwah kalaktiyaya pa se ranchit,
kikisak 10 takam ka kokoliste itok lepra,
yehwante mokawak pa wEhka ka yewal
13 wan ka wehwe tahtolme kililoya:
―Yehshwa,
tamashtini,
shitishihnil tehwante!
14 Kimani yewal okinmit,
kinmili:
―Shiyak wan shimoneshtik ika in totatsim.
Wan kimani yehwante yaloya,
pa ot mokawak tapohpowalme ka in takokoliste.
15 Kwakin se ka yehwante,
kwah okit kampa katka tapahtil,
walmokwep,
kitotiwalaya tahtolme wehwe pa Dyos ka wehwe.
16 Wan omotankwakets i'ishpa Yehshwa,
o'as nishayak pa tal,
wan okimak tashtawiliste.
In takat otakat pa Samarya.
17 Yehshwa kito:
―Amo katkaloya matahti yehwante oyek tapohpowalme ka in takokoliste?
Kaha kat in oksek chiknawi?
18 Amo oye akyewal pa walmokwepaskya wan kiliskya tahtolme wehwe pa Dyos hanwel in takat yewal mochanti pa okse tal?
19 Wan in samariteko kili:
―Shimokets wan shiyapti;
motaneltokaliste mishpahti.
Kimani walas nireynarolisteDyos
(Mt. 24:23-28, 36-41)
20 Kimani in parisheyo' kitahtanilik kimani walaskya nireynarolisteDyos,
yewal kinnankili:
―NireynarolisteDyos amo walas ka tanawatiliste.
21 Amo kitoske:
“Nika onka”,
“Nepa onka”;
kampa nireynarolisteDyos onka itsala anmehwante.
22 Nimoneshtililme kinmili:
―Ases in tonat kimani anmehwante ankinekiske ankitaske in se tonat yewal NitakaTakpakIlwikak walmokwepas,
wan amo ankitaske.
23 Anmichiliske:
“Nika onka”,
“Nepa onka.”
Ma yok amo shiyak,
amo shikintokak.
24 Kampa yok kina tapitani kitawili in takpakIlwikak pa se wan okse analko,
yok niyok yes in tonat ka NitakaTakpakIlwikak kwah walmokwepas.
25 Ma yok ta'ishpa monek moyokoltis miyak,
wan yes ta'ihyal ka in masewalme yehwante ashka yoltikat pa in tonatim.
26 Yok kina opan pa in tonatim ka No'á,
yok niyok panos pa in tonatim ka nitakaTakpakIlwikak.
27 In masewalme takwaloya wan takoniloya,
wan monamiktiloya wan temakaloya ininpilwaSiwam pa monamiktiloskya,
o'as in tonat kampa No'á okalak pa arka kwakin owal tapakyawiliste wan kinshitin moshte.
28 Yok niyok opan pa in tonatim ka Lot:
in masewalme takwaloya wan takoniloya,
takowaloya wan tanamakaloya,
tataliloya wan kalchiwaloya kalme;
29 kimani Lot okis pa in Wepweblo Sodoma,
kyawiyaya pa in takpakIlwikak teshoshte wan asufre,
wan kinshitin moshte.
30 Yok yes pa in tonat kimani NitakaTakpakIlwikak moneshti.
31 ’Pa in tonat,
akyewal yes ikpa nikal,
wan kipiyas in myak tapiyalme pa icha,
yewal amo temos pa konanas;
wan yewal aki yes pa tashosholtik,
yewal amo mokwepas pa icha.
32 Shikilnamikik nisiwa Lot.
33 In akyewal kinekis kikwitawis niyoliliste,
kipolos;
wan mochi akyewal kipolos,
niyoliliste mokishtilis niyoliliste.
34 ’Newal annimichilis kampa pa in yowal ta omente kat pa se tapeshte;
se ka yehwante yes takishtilil wan in okse yes takawal.
35 Ta omente siwam testikat;
se ka yehwante yes takishtilil wan in okse yes takawal.
36 Ta omente kat pa tashosholtik;
se ka yehwante yes takishtilil wan in okse yes takawal.
37 Kwakin kitahtanilil:
―Kaha motachiwas in,
TATS?
Kinnankili:
―Kampa yes se mihki,
ompa monichikol tsopilom.