In takat yewal kipiyaya se nimahwa wak
(Mt. 12:9-14; Lk. 6:6-11)
3
Oksep okalak Yehshwa kalitik pa in tyopYudiyo;
ompa katka se takat kipiyaya se nimahwa wak.
2 Kikwitaptikatkaloya Yehshwa inik takam kitatikatkaloya ta kipahtiskya pa se tonatmosewilyudiyo,
kampa kinekiloya kitsakwaloskya.
3 Kwakin Yehshwa okinots in takat kili:
―Shimokets ipanta ka tehwante tikat.
4 Yehshwa kintahtanili:
―Ma yok kwal tikchiwaske pa in se tonatmosewilyudiyo,
tikchiwaske pek ten kwal,
tikchiwaske ten amokwal?
Ma tikpalewik ma yol,
hanwel ma mik?
Amo'ak nawatiyaya.
5 Kwakin Yehshwa kinmitatikatka ka kwalaniliste,
wan moyokoltitikatkaya kampa ininyolme katkaloya chikawak,
wan kili in takat:
―Shihmela momahwa.
Wan kimela,
wan opahti nimahwa.
6 Kwakin kisak in parisheyo' haniman yehwante oyak ka Herodes taketsak,
kinekiloya kimatiloskya kina kwal kimiktiloskya Yehshwa.
Miyak kitokatiyaloya Yehshwa wan asiloya pa itenko we'atTemtik
7 Yehshwa okis pa in we'atTemtik ka nimoneshtililme,
wan niyok kitokatiyaloya myak masewalme mochantilme pa Galileya wan pa Yudaya.
8 Wan pa in Wepweblo Yerushalém wan Idumeya,
niyok walak pa analko in atenko Yordán,
Tiros wan Tsidón oyak kitak Yehshwa kwah kimatik kina wehwe kichiwaya taneshtiliste.
9 Kwakin Yehshwa kinmili nimoneshtililme pa kipiyaloskya se barkit kaha yewal kalakiskya,
kampa myak masewalme yaloya kampa yok amo kipacholoskya.
10 Yewal kinpahtiyaya myak,
moshte inik kokoshkim motohtopewaloya kinekiloya kikitskiloskya.
11 Kwah in yehyekatim kahkatsak kwah kitaloya,
motankwaketsaloya ni'ishpa yewal wan ka tsatsiliste kitoloya:
―Tewal nikonDyos!
12 Wan yewal okinahwa chikawak pa amo kitoloskya akyewal.
Yehshwa kinonan 12 tatitanilme
(Mt. 10:1-4; Lk. 6:12-16)
13 Yehshwa takis pa se tepetLom,
okinnots pa walaloskya aki yewal kinek,
wan yehwante monamikik ka yewal.
14 Kinonan 12 tatitanilme yehwante yeloskya ka yewal wan pa kitotiyaloskya tanawatiliste;
15 niyok okinmak chikawaliste pa tapahtiloskya wan niyok kinkishtililoskya ininyehyekatim tawalilom.
16 In 12 katkaloya:
Shimón yewal niyok okitokayolti Petros;
17 Yakobo wan ninohni Yuhanes,
yehwante ininpilwam SebadYah,
Yehshwa okintokayolti Banerges,
in kinek kili kampa inik takam katkaloya kina komoniliste;
18 in oksek katkaloya André'as,
Pilipos,
BarTolomay,
Matayos,
Tomás,
wan Yakobo nikon Halpayos,
wan Tadayo wan Shimón yewal kananteko,
19 wan Yudas IshKaryót,
yewal kitemak Yehshwa.
Sek takam kitoloya kampa Yehshwa kipiyaya yehyekat katsak
(Mt. 12:22-32; Lk. 11:14-23; 12:10)
20 Yehshwa okalak pa se kal wan oksep monichikok myak masewalme,
kampa amokwal takwaloskya Yehshwa wan nimoneshtililme.
21 Kwah kimatik yehwante nitahwan Yehshwa,
oyak pa kwalikaloskya kampa kitoloya,
amokwal onka yewal,
kitol kampa kipol nita'ilnamikiliste.
22 Sek Tamashtinilme NitanawatilMoshé walak pa Yerushalém,
kitoloya:
―Kipi pa'itik yewal in yehyekat itok BálSebúb,
wan ka nichikawaliste kinkishtili takam ininyehyekatim tawalilom ika nitapalewiliste niwetatakewan tawalilom.
23 Kwakin Yehshwa okinnots,
okinmil se tapowaliste:
―Kina kwal se Satán mokishtili isel,
ta onka pa itik Satán?
24 Ta se mochital tashelol ika isel,
in mochital amo wehkawas;
25 wan yehwante mochantil pa se kal,
ta mokwalanilik se ka okse mosesemanaske,
kwakin yahmo monichikoske pa mochantiske oksep pa in se kal.
26 Ta hanwel yok Satán wan niyehyekatim mokwalanilil wan yok mosesemanaske,
kwakin yahmo wehkawas tawalilot,
tami nichikawaliste.
27 ’Hanwel amo mochika kalaki pa nikal se takat yewal kipi miyak chikawaliste pa kita'ishtikili ten kipi,
hanwel monek pa kwal ki'ilpi in takat;
wan kimani kwal ki'ilpi,
wan yok kalaki pa kita'ishtikili mochiten yewal tapi.
28 ’Annimichilis melak,
moshte inik ta'ihtakolme wan moshte inik amo kimawishtililDyos yeske tapohpowalme;
29 ma yok,
Dyos amo kinpohpowilis yewal aki amo kimawishtili in EspirituSanto,
amo'ik yes tapohpowali kampa kipiyas tawikiliste hanse.
30 Yehshwa kito kampa yehwante kitoloya yewal kipi yehyekat katsak.
Ninantsi wan ninohniwan Yehshwa
(Mt. 12:46-50; Lk. 8:19-21)
31 Kwakin walak ninantsi wan ninohniwan,
mokawak pa kiyawak,
tatakewak pa kinotsaloskya Yehshwa.
32 Yehwante yowatikatkaloya inak Yehshwa kilik:
―Monantsi wan monohniwanTakam wan monohniwanSiwam mishchishtikat kiyawak,
mishtemotikat.
33 Yehshwa kinnankili:
―Akyewal nonantsi wan nonohniwan?
34 Kinmitaya yehwante kiyawalotikatkaloya,
ka yewal,
kito: