Nimoneshtililme Yehshwa kiwihwitaloya nitaki trigo pa in tonatmosewilyudiyo
(Mt. 12:1-8; Mk. 2:23-28)
6
Pa in tonatmosewilyudiyo,
kwah Yehshwa panowaya kaha tatoktikatkaya trigo,
nimoneshtililme kitekiloya nimiyawal;
wan ki'oyalotiyaloya ka ininmahwam wan kikwatiyaloya nishinashte.
Lucas 6.1-49
―Pates kichiwal anmomoneshtililme yewal ten amokwal kichiwaske pa in se tonatmosewilyudiyo?
3 Yehshwa kinmili:
―Amo anmomashtik ten okichi Dawid pa se tonat kwah yewal wan ininnihniwan mayanak?
4 Yok okalak pa nikalDyos wan okonan okikwa in pan tatasotal pa Dyos,
han TotatsimWehwe kwal kikwaloskya,
wan okikwa Dawid wan okinmak ininnihniwan.
5 Niyok kinmili:
―NitakaTakpakIlwikak in TATS kipi wetatakewan ten kwal kichiwas wan ten amokwal kichiwas ipa in se tonatmosewilyudiyo.
In takat yewal kipiyaya se nimahwa wak
(Mt. 12:9-14; Mk 3:1-6)
6 Pa okse tonatmosewilyudiyo,
Yehshwa okalak pa in tyopYudiyo wan tamashtiyaya.
Ompa katka se takat kipiyaya nimahwakwal wak;
7 wan inik Tamashtinilme NitanawatilMoshé wan inik parisheyo' kitatikatkaloya Yehshwa ta tapahtiskya,
ta yok kichiwaskya kwal kiteshpawililoskya kampa tikipanotikatka pa in se tonatmosewilyudiyo.
8 Wan Yehshwa kimatiya kina tamatiloya,
yok okinots in takat yewal amokwal ki'oliniskya nimahwa wan kili:
―Shimokets wan shi ipanta ka moshte.
―Annimishtahtanili:
Ten aso kwal tikchiwas pa in se tonatmosewilyudiyo,
tikchiwas pek ten kwal tikchiwas ten amokwal?
Ma tikpalewik ma yol,
hanwel ma mik?
10 Kwakin kinmitatikatkaya moshte kishki kiyawalotikatkaloya,
wan kili in takat:
―Shihmela momahwa.
In takat kimela,
wan opahti nimahwa.
11 Inik Tamashtinilme NitanawatilMoshé wan parisheyo' hyero kwalanik,
wan motahtanililoya ten kwal kichiwaloskya ika Yehshwa.
Yehshwa okinonan 12 tatitanilme
(Mt. 10:1-4; Mk. 3:13-19)
12 Wan pa inik tonatim Yehshwa oy pa in tepetLom ompa kitahtoltiyaya Dyos,
wan yok kipanolti yowal kitahtoltiti Dyos.
13 Kimani otanes,
okinnots ininmoneshtililme,
wan kinonan 12 ka yehwante,
in kintokayolti tatitanilme.
14 Inik oyek:
Shimón yewal niyok okitokayolti Petros;
ninohni André'as,
Yakobo,
Yuhanes,
Pilipos wan BarTolomay,
15 Matayos,
wan Tomás,
Yakobo nikon Halpayos;
Shimón niyok kitokayoltiloya yewal kananeyo,
katka pa se tanichikol kananeyo;
16 Yudas nikon Yakobo;
wan Yudas IshKaryót,
yewal kitemak Yehshwa.
Yehshwa kinmashtiyaya myak masewalme
(Mt. 4:23-25)
17 Kwakin Yehshwa waltem pa in tepet inak yehwante wan omoka pa se ishtawak,
inak nimoneshtililme;
wan ka se we tanichikol ka masewalme pa tal Yudaya,
Yerushalém wan in tal Tiros wan in tal Tsidón pa itenko in we'atim.
Walaloya kikakiloya wan pa yeloskya tapahtilme ka inintakokoliste.
18 Niyok katkaloya tapahtilme,
in katkaloya takwesolme ka yehyekatim kahkatsak.
19 Moshte masewalme kinekiloya kikitskiloskya Yehshwa,
kampa pa yewal kisaya se chikawaliste yewal kinpahtiyaya moshte.
Pakiliste wan moyolkokoske
(Mt. 5:1-12)
20 Kimani Yehshwa kinmitaya nimoneshtilime wan kinmili:
―Shikpiyak pakiliste anmehwante kishki amoten kipiyal,
kampa Dyos reynaros pa ininyolme.
21 ’Shikpiyak pakiliste anmehwante kishki anpanotikat mayanaliste,
kampa hyero anpachiwiske.
’Shikpiyak pakiliste anmehwante kishki ashka anchokatikat,
kampa anwetskaske.
22 ’Shikpiyak pakiliste anmehwante anmishihyal,
pa ika NitakaTakpakIlwikak,
in masewalme anmishkwalaniliske,
kimani anmishkishtiske,
kimani hyero anmichiliske wan kimani ki'ihyaske ni'itokaliste kina se ten amokwal.
23 Kimani asis in tonat kwal shitamatik wan shikpiyak miyak pakiliste,
kampa anmehwante anmishmakaske se we temakaliste pa in takpakIlwikak;
yok niyok kinkokoltik in Taketsalme nitahtolmeDyos inik niwichalme ka in masewalme.
24 ’Ma yok kina anmishyas anmehwante kishki ankipiyal miyak tomi,
kampa omopanoltik kwal nika wan ashka.
25 ’Ma yok kina anmishyas anmehwante ashka ankat tapachiwilme,
kampa panoske mayanaliste.
’Ma yok kina anmishyas anmehwante ashka anwetskal,
kampa anchokaske wan moyolkokoske.
26 ’Ma yok kina anmishyas anmehwante kimani moshte anmichiliske tahtolme wehwe,
kampa yok ankichiwaloya ka nitikwamanaliste in Taketsalme nitahtolmeDyos in towichalme ka in masewalme.
Shikintasot yehwante mishkokolil
(Mt. 5:38-48; 7:12)
27 ’Anmehwante kishki annishkakil annimichilis:
Shikintasotak yehwante anmishkokolil,
shikinchiwilik kwal yehwante anmishihyal,
28 shikinmashtik yehwante kitol ma amokwal anmishyas,
wan shiktahtanik Dyos ka yehwante anmishtaketsal.
29 Ta ak omishwachil pa se moshayak,
shiktenewil niyok nokse;
wan ta ak omishkishtil moshashal,
shihka ma kiwik niyok mokoton.
30 Ta ak mishtahtani pek ten shihmak;
wan ta ak mishkishtil ten,
amo shiktahtan pa mishkwipilis.
31 Shikinchiwilik kwal kina anmehwante ankinektiyaloskya pa anmishchiwililoskya.
32 ’Kampa ta anmehwante ankintasotal hanwel yehwante anmishtasotal,
ten kwal okichiwak?
Niyok in ta'ihtakolme tatasotal hanwel iselte yehwante kintasotaske.
33 Wan ta anmehwante ankinchiwilil kwal hanwel yehwante anmishchiwilil kwal,
ten kwal okichiwak?
Yok niyok kichiwal in ta'ihtakolme.
34 Ta otatanewik pek ten akyehwante wan anmehwante ankichishtikat pa anmishmakaske pek ten,
ten kwal kichiwak?
Niyok in ta'ihtakolme motanewil sek ka oksek pa kintemakaske okse tipit.
35 Anmehwante shikintasotak yehwante anmishkokolil,
shikchiwak kwal wan shitatanewik amo shikchishtiyak amoten.
Yok hyero we yes anmotashtawaliste,
wan anmehwante yeske ininpilwam Dyos HyeroTakpak;
kampa yewal niyok kinihnili yehwante amo kimatil temakal tashtawiliste wan niyok yehwante hyero momatil.
36 Yok shiyek anmehwante shita'ihnilitiyak,
kina niyok TatsDyos ta'ihnili.
Amo shikintaketstiyak oksek.
(Mt. 7:1-5)
37 ’Amo shitateshpawilitiyak,
wan yok amo anmishtateshpawiliske.
Amo shikintaketstiyak wan amo yeske taketsalme.
Shikinihnilik wan yeske ta'ihnililme.
38 Shitemakak wan anmishmakaske se tamachiwal kwal tilinke,
kwal tapowal wan kwal tatemiltilil.
Kampa ka in tamachiwal anmehwante tamachiwaske,
yeske tamachiwalme.
39 Kinmili niyok se tapowaliste:
―Ma yok se yewal amo tachi,
kwal kiwikas okse amo tachi?
Ma yok moshte omente wetsitske pa se takoyonke?
40 Se moneshtilil amoyok wetatakewan kina se tamashtini;
kwah yewal motanishtili kwal yes kina nitamashtini.
41 ’Pates tikit in tasol yewal onka pa nishtolol monohni,
wan amo tikit in kwawit yewal onka pa tewal moshtolol?
42 Ta amo tikit in kwawit yewal tikpi tewal pa moshtolol,
kina kwal tikilis monohni:
“Nonohni,
ma nimishkishtil in tasol yewal tikpi pa moshtolol”?
Ome nishayak!
Shimokishtil in kwawit pa tewal moshtolol,
wan kwakin kwal tikitas pa tihkishtilis in tasol yewal onka pa nishtolol monohni.
Ka itakilme yeske ta'ishmatilme
(Mt. 7:17-20; 12:33-35)
43 ’Amo onka se kwakit kwal yewal amokwal taki;
wan niyok amo onka se kwawit amokwal yewal kwal taki.
44 Kampa se kwawit mo'ishmat ka nitakilme:
amo moteki nitakiTsalat pa wistim,
amo mopishka uba pa se wiste.
45 Se takat kwal kito tahtolme kwahkwal kampa niyol kwal onka;
wan in takat amokwal kito tahtolme amo kwahkwalme kampa niyol amokwal onka.
Kampa yok kina tamat onka pa niyol yok tahto nikamak.
Ome kalme.
(Mt. 7:24-27)
46 ’Pates nishnotsal anmehwante,
“TATS,
TATS”,
wan amo ankichiwal yewal ten annimishtake?
47 Annimichilis kina akyewal machishti yewal wal ka newal wan nishkak,
wan kichi kina nikito:
48 In kina yewal in kalchiwal se kal,
ta wehkat takoyon,
wan kikehkets nitankwa kal ipa in tet.
Kimani tehko atenko,
wan kiwiteki kongana ika in kal,
in moka amo wetsi kampa kwal tachiwal.
49 Wan aki kikak notahtolme wan amo kinchi,
in kina aki kalchi nikal ipa tal,
wan amo kitalili nitankwa in kal;
wan kimani atenko kiwitek ka chikawaliste in kal kimayawis wan kikawas tashitinil.