Yehshwa kipahti nitikipanol se wetatakewan gwacho
(Mt. 8:5-13)
7
Kimani Yehshwa otam okintakichil ka masewalme,
opanoti KaparNahum.
Lucas 7.1-50
2 Ompa katka se wetatakewan gwacho kipiyaya se tikipanol yewal hyero kitatsotaya,
yewal miktiyaya.
3 Kimani in wetatakewan gwacho otakak kina taketsaloya ka Yehshwa,
okintake sek Abwelolme Wehwetsim yudiyo' pa kitahtaniloskya pa kipahtiskya nitikipanol.
4 Yehwante oyak taketsak ka Yehshwa wan kitahtanik miyak ka ininyolme,
kililoya:
―In wetatakewan kwal monek pa tikpalewis ten yewal tahtani;
5 kampa yewal kintasot masewalme yudiyo',
wan otishchiwil se tyopYudiyo.
6 Yehshwa oy inak yehwante.
Kwah katkaloya amo wEhka pa in kal,
kimani in wetatakewan okintitan sek ininihniwan pa kililoskya Yehshwa:
―Tats,
amo shimochikawalti,
kampa newal amo nimonots pa tikalakis nocha;
7 kampa amo nimochika newal oninimishtem.
Ta tikit se tahtol tewal,
wan notikipanol pahtis.
8 Newal nihmat kampa nikpi pa nihneltokas tatakewaliste,
wan niyok nikpi gwacho' yewal newal nikintake wan nishneltokal.
Ta se nikili shi ompa,
yewal ya;
wan ta okse nikili shiwal,
yewal wal;
wan ta notikipanol nikil shikchi in,
kichi.
9 Kimani Yehshwa okikak in,
moka motapololtiti ka in wetatakewan gwacho,
wan kinmitaya masewalme yehwante kitokatiyaloya kito:
―Kampa melak,
amo'ak pa Isra'El onikit ka miyak taneltokaliste.
10 In tatitanilme,
kwah mokwepak pa in kal,
wan okitak in tikipanol katka tapahtil.
Yehshwa kiyolti nikon se siwat mihki nitaka yewal pa Na'ín
11 Kwah opan in,
Yehshwa opanoti pa in Wepweblo Na'ín,
kitokatiyaloya myak nimoneshtililme wan myak masewalme.
12 Kimani astiyaya pa nitatapoli in Wepweblo,
okit kampa yaloya kitapacholoya se mihki,
katka in se han nikon in siwat,
mihki nitaka.
Myak masewalme pa in Wepweblo kitokatiyaloya ninantsi in mihki.
13 Kimani in TATS okit,
oki'ihnil yewal,
wan kili:
―Amo shichokati.
14 Kwakin Yehshwa mo'ashilti wan kikitski in tapeshte tachiwal ka kwawim;
wan yehwante kiwikaloya moketsak.
Yehshwa kili in mihki:
―TakatYankwik,
tewal nimichili:
Shimokets!
15 Kwakin yewal katkaya mihki omotal wan okipewalti tahtoliste,
wan Yehshwa okimak ninantsi.
16 Moshte momaptik wan kipewaloya tahtolme wehwe pa Dyos,
wan kitoloya:
―Se we niTaketsal nitahtolDyos omoneshti ika tehwante.
Wan oksek kitoloya:
―Dyos owal pa kipalewis nipweblo.
17 Wan taketsaloya ka Yehshwa pa kishki tal Yudaya wan pa kishki itenko tal ka oksek pweblo'.
Nitanawatilme Yuhanes takwateki
(Mt. 11:2-19)
18 Nimoneshtililme Yuhanes oyak kitakichilik inik mochiten.
Kwakin Yuhanes okinnots omente ka nimoneshtililme,
19 wan okintitan ka TATS pa kitahtaniliske ta tewal yewal in walaskya,
wan ta okse tikchiyaske.
20 Yehwante oyak kitak Yehshwa,
wan kilik:
―Yuhanes takwateki otishwaltitan pa timishtahtaniliske ta tewal yewal walaskya,
wan ta tikchiyaske okse.
21 Pa haniman Yehshwa okinpahti myak yehwante kipiyaloya kokoliste wan kokoliste hanse kinkokoltiyaya,
wan yehyekatim kahkatsawak,
wan myak kishki amo tachiyaloya kichi pa tachiyaloskya.
22 Kwakin Yehshwa kinnankili:
―Shiyak wan shikilik Yuhanes yewal ten okitak wan in yewal ten ankikakik.
Inik amo tachiyaloya kichi pa tachiyaske,
inik amo nehnemiloya,
ashka nehnemil,
inik kishki kipiyalo kokoliste itok lepraa kat tapohpowalme,
inik amo takakiloya ashka takakil,
inik mihmihki walyolik,
wan inik amoten kipiyal kintakichili tamashtilisteKwal.
23 Ma kipi pakiliste yehwante kitalil inintaneltokaliste ka newal.
24 Kimani nitanawaltilme Yuhanes panotiyak,
Yehshwa kinwaltakichili masewalme ika Yuhanes,
kinmiliya:
―Ten anyak anmehwante ankitak pa se tal kaha takwak amo'ak mochantiyaya?
Kinekiloya kitaloskya se otat tatsehtselol ka yehyekat?
25 Ten oyak ankitak?
Se takat takemtiyas ka shashal kwahkwal?
Kishki yok takemil ka shashal kwahkwal wan mopanoltitikat kwal nika wan ashka tapiyal mochiten kwahkwal,
wan kat pa in kalme ka in weReye'.
26 Kwakin,
ten yewal anmehwante oyak ankitak?
Se niTaketsal nitahtolDyos?
Kampa newal amnimichilis haha,
wan yewal kwal amoyok kina oksek niTaketsal nitahtolDyos.
27 Yuhanes pa yewal onka takwihkwiloli:
Shikit newal niktitanis notanawatil ta'ishpa ka tewal,
pa mishchiwilis se ot pa ininyolme masewalme.
28 Newal annimichilis,
yewal pa in mochital ayamo takati se takat we monots kina Yuhanes takwateki;
ma yok,
akyewal amo we monots pa nireynarolisteDyos in yewal amoyok we monots Yuhanes.
29 Kimani kikakik in,
moshte masewalme wan in tahtaniloya miyak tapishkalisteTomi mokawak ka se tahtol kampa ni'ot in Dyos katka melawak,
kampa yek takwatekilme ka Yuhanes;
30 inik parisheyo' wan in Tamashtinilme NitanawatilMoshé,
amo kinekik nitahtolmeDyos wan amo mokwatekik ka Yuhanes.
31 In Tats kito:
―Ka ak nikintamachiwas in masewalme yehwante ashka yolil?
Ka ten kwal nikintamachiwas?
32 Kat kina piltontim yehwante motalil pa in plasa' wan motsatsilil sek ka okse:
“Titatsotsonak ka flawta wan anmehwante amo anmitotik;
tikantarok tatsotsonaliste tayokokolti wan anmehwante amo anchokak.”
33 Kampa owal Yuhanes takwateki,
yewal amo kikwaya pan niyok amo takoniya nihugoUbaBino,
wan anmehwante ankitoloya kipiyaya se niyehyekat tawalilot.
34 Kwakin owal NitakaTakpakIlwikak,
yewal takwa wan takoni,
wan anmehwante ankitol yewal takat we takwa wan se tawanke,
ninihni yehwante tahtanil miyak tapishkalisteTomi wan in ta'ihtakolme.
35 Yok in tamatiliste pa Dyos moneshti ka tachiwaliste.
Yehshwa pa nikal Shimón in parisheyo
36 Se ka in parisheyo' kinosti Yehshwa pa takwaskya,
yok Yehshwa oy icha in parisheyo wan omotal kaha takwal.
37 Kimani se siwat pa in Wepweblo yewal katka ta'ihtakoliste,
okimat kampa Yehshwa katka kaha takwal pa nikal parisheyo,
o'as ka se tapalkatonte tachiwal ka se tet itok alabastro temi ka aseyte kwal ahwiyak.
38 Chokatiyaya omotankwakets pa nikshiwam Yehshwa wan ki'alti ka ni'atim.
Wan kinwaktil ka ni'itso,
niyok kitinamikiyaya wan kinshawiliyaya in aseyte kwal ahwiyak.
39 Kwah in parisheyo yewal okinosti kwah okit in,
tamat:
“Ta in yeskya se niTaketsal nitahtolDyos,
kimatiskya kampa in siwat yewal kikitskitik se ta'ihtakoliste.”
40 Kwakin Yehshwa kili:
―Shimón,
nihnek nimichilis pek ten.
Shimón kito:
―Shinichil,
tamashtini.
41 Yehshwa kito:
―Se tatanewiTomi kiwikililoya omente takam.
Se tawikiliyaya 500 denario' tomi,
wan in okse tawikiliyaya 50 denario' tomi;
42 Kina amo'ak kitashtawiliyaya ka in omente,
in tatanewiTomi kinihnil yehwante tawikililoya in omente.
Ashka shinichil,
kati ka yehwante omente hyero kitasotas?
43 Shimón kinankili:
―Nitamat akyewal ki'ihnili ka miyak.
Yehshwa kili:
―Melak kina tikito.
44 Kwakin walkit in siwat,
wan kili Shimón:
―Shikit in siwat?
Kimani ni'as pa mocha,
amo tishmak at pa nikinpakas nokshiwam;
ma yok yewal okinpak ka ni'atim,
wan kinwakti ka ni'itso.
45 Amo otinishtahpal ka tenamikiliste,
yewal pa kimani oni'as amo kimaka pa kitenamiktik nokshiwam.
46 Amo tihshawil aseyte kwal ahwiyak pa notsontek;
wan yewal okishawil nokshiwam ka aseyte kwal ahwiyak.
47 Kampa nimichili,
yewal mochi nikatsawiliste kat ta'ihnililme kampa tatatsot miyak;
aki amo we ki'ihnilik,
amo miyak tatatsot.
48 Wan yewal kili:
―Mota'ihtakoliste kat ta'ihniliste.
49 Yehwante yowatikatkaloya kaha takwal inak yewal,
mo'ililoya ka yehwante:
―Akyewal ina,
kampa niyok ta'ihnili katsawiliste?
50 Yehshwa kili in siwat:
―Motaneltokaliste mishkishti pa motapoliwiste;
shiyapti ka sewiliste.