Yehshwa wan Sakayos
19
Yehshwa okalak pa Yerikó wan panowaya in Wepweblo,
2 kimani nehnemiyaya se takat yewal ka miyak tomi,
itoka Sakayos,
yewal katka wetatakewan tapishkalisteTomi,
3 kitemowaya pa kitaskya akyewal katka Yehshwa.
Ma yok amokwal kitaskya kampa myak masewalme katkaloya kampa yewal amo weyak katka.
4 Haniman motaloti ta'ishpa,
wan pa kitaskya,
tehko pa se kwawitMora' kampa Yehshwa kan panoskya.
5 Kimani Yehshwa o'as ompa,
otachi takpak wan kili:
―Sakayos,
shimo'isiwilti wan shitem ompa,
kampa ashka nikpi pa nipanos in yowal pa mo'icha.
6 Sakayos mo'isiwilti otem,
wan ka miyak pakiliste okitenamik Yehshwa.
7 Moshte kwah kitak in,
kitaketsaloya,
kampa kitoloya yewal Yehshwa okalakiya pa in kal ka se takatsawiliste.
8 In Sakayos omokets wan kili in TATS:
―TATS,
nitemakas ashka haniman tahko ka mochi in ten nitapi ka notomi ka in amoten kipiyal;
wan ta pek ten amokwal onikchi pa ak,
nihkwepilis nawi pa sesen yewal onikinishtikil.
9 Yehshwa kili:
―Ashka in o'as takishtiliste ka toyoliliste pa in kal,
kampa in takat niyok nikon in AbRaham.
10 Kampa yewal NitakaTakpakIlwikak owal okitem wan tishwalikilis takishtiliste ka toyoliliste yewal mopolowaya.
Tapowaliste ka in matahti tikipanolme
(Mt. 25:14-30)
11 Kwah kikakik masewalme in mochiten,
Yehshwa kinpowili se tapowaliste,
kampa astiyaloya pa Yerushalém wan in masewalme tamatiloya kampa nireynarolisteDyos katkaya pa moneshtiskya.
12 Yehshwa kinmili:
―Se takat wetatakewan,
oy pa se tal wEhka pa kitenamikiskya se reynaroliste wan hani walmokwepaskya.
13 Kwah ayamo kisaya,
okinnots pa walaloskya matahti inintikipanolme,
okinmak miyak tomi sesen,
wan kinmili:
“Shitanamakak wan shitakowak ka in tomi pa kimani newal niwalmokwepas.”
14 Ma yok in masewalme yehwante ompa mochantiloya pa nimochiTalwe ki'ihyaloya,
wan kintitanik sek ka yewal pa kililoskya:
“Amo tihnekil in se pa reynaros ipa tehwante.”
15 Kwah in wetatakewan kitenamik in reynaroliste,
wan kimani walmokwep,
okinnots in inintikipanolme yehwante kinmakaya in tomi,
pa kimatiskya ten tikipanoliste kichiwaloya ka in tomi pa sesen.
16 Kimani o'as in se ta'ishpa kito:
“Tats,
motomi momiyapti pa matahti pa mochi sesen.”
17 In weRey kito:
“Kwal onka;
tewal tihmat titikipano kwal;
han pa tipit tikchi kwal,
tiyes wetatakewan pa matahti Wehwepweblo'.”
18 Okse owal tikipanol wan kili:
“Tats,
motomi momiyaktik makwil pa sesen.”
19 Wan niyok in kili:
Tewal tiyes wetatakewalme pa in makwil Wepweblo'.”
20 O'as okse wan kili:
“Tats,
nika onka motomi.
Onikahkokti pa se shashal;
21 kampa nimishmakas tewal,
kampa nihmat tewal titakat chikawak,
yewal tikonan in ten amo ka tewal wan tikpishka in yewal ten amo tiktok.”
22 Kwakin in weRey kili:
“Tikipanol amokwal,
ka mosel motahtolme nimishteshpawilis.
Ta tihmatiya yewal ninewal se takat chikawak,
yewal nikonan in ten amo ka newal wan yewal nikpishka in ten amo niktok,
23 pates amo otiktal notomi kaha ki'ahkokil moshte tomi,
yok pa kimani niwalmokwepaskya niktenamikiskya yewal momiyaptiskya notomi?”
24 Kwakin kinmili yehwante ompa katkaloya:
“Shihkishtilik tomi,
wan shihmakak in se yewal kimiyapti matahti tomi pa mochi sesen.”
25 Yehwante kilik:
“Tats,
yewal kipi miyak tomi.”
26 In weRey kito:
“Annimichilis,
akyewal kipi,
kimakal miyak;
wan yewal amo kipi,
in yewal tipit kipi kikishtilil.
27 Wan in nishkokolil,
in amo kinekiloya yewal newal niyeskya ininreynaroliste,
shikinwalikak,
wan shikinmiktik pa no'ishpa!”
Yehshwa okalak pa Yerushalém
(Mt. 21:1-11; Mk. 11:1-11; Yh. 12:12-19)
28 Kwah otam okit in,
Yehshwa okonan ni'ot pa Yerushalém.
29 Kwah astiyaya ompa BetPagé wan pa BetAnya,
ika in tepetLom itok Oliwo',
okintake ome nimonestililme,
30 kinmili:
―Shiyak pa in ranchit yewal onka pa mo'ishpa,
anmehwante kwah ankalakiske ankitaske se burroyankwik,
ipa yewal ayamo'ak motali.
Shiktomak wan shihwalikak nika.
31 Ta ak anmishtahtanili Pates ankitomtikat,
shitanankilik kampa in TATS kiteshmonek.
32 In nimonestililme oyak,
wan okitak mochi kina okinmil.
33 Kimani kitomtikatkaloya in burroyankwik,
in aki yehwante ininburro katka kinmilik:
―Pates kitomtikat?
34 Wan yehwante kinankilik:
―Kampa in TATS kiteshmonek.
35 Kwakin haniman kiwikilik Yehshwa,
kintalilik inintakemtel ipa in burroyankwik wan kichiwak pa motaliskya Yehshwa.
36 Kina Yehshwa yawiya,
in masewalme kinsowaloya inintakemtel pa otim.
37 Kimani astiyaya pa temoskya pa in tepetLom itok Oliwos,
moshte nimonestililme okipewaltik tsatsiliste ka pakiliste wan kililoya wehwe tahtolme Dyos pa kishki in taneshtiliste yewal kitaloya.
38 Wan kitoloya:
―Ma kimashtik in Rey yewal wal ka ni'itokaliste in TATS!
Ma yes sewiliste pa in ilwikak,
wan tawiliste pa in takpakIlwikak!
39 Sek ka in parisheyo' yaloya ika in masewalme kilik:
―Tamashtini,
shikinahwa momoneshtililme.
40 Kwakin Yehshwa kinmili:
―Ta in amo nawatitiyaloskya,
in tetelme tsatsiloskya.
―Ta pa in tonat tewal niyok tihmatiskya tihkakiskya,
ten mishmakaskya sewiliste!
Ma yok ashka yewal onka tatitik wan amokwal tikitas.
43 Kampa walaske ipa tewal tonatim,
kimani yehwante mishkokolil kiketsaske se tatsakwal ka tetelme,
wan mishyawaloske wan mishtsakwiliske pa kaha han,
44 wan mishshitiniske mochi.
Kinmiktiske kishki ompa mochantilme,
wan amo kikawaske pa tewal se tet ipa okse;
kampa amo otikishmat pa kimani in yewal Dyos owal omishpashal.
Chipawaliste in tyopWe
(Mt. 21:12-17; Mk. 11:15-19; Yh. 2:13-22)
45 Kwakin Yehshwa okalak pa in tyopWe wan okipewalti takishtiliste ompa pa moshte kishki tanamakaloya wan takowaloya,
46 Wan kinmiliyaya:
―In takwihkwilol kito:
“Nokal in kal kampa kitahtaniske Dyos”;
Anmehwante ankichiwak se kweba ka ta'ishtikiyanilme.
47 Mochi inik tonatim Yehshwa tamashtiyaya pa tyopWe,
wan in TotatsimWehwe wan Tamashtinilme NitanawatilMoshé,
wan in wehwetatakewalme ka masewalme,
kitemoloya kina kimiktiloskya.
48 Ma yok amo kitaloya kina kichiwaloskya,
kampa moshte masewalme kikaktikatkaloya,
in ten yewal kitowaya.
Lucas 19.1-48