Tapowaliste ka tikipanolme amo kwahkwalme ka kwahmilUba
(Mt. 21:33-46; Lk. 20:9-19)
12
Okipewalti Yehshwa taketsaliste ka se tapowaliste,
wan kinmili:
―Se takat okitok se kwahmilUba,
otatsakwa itenko;
otahtak kaha kitesiloskya uba,
wan okikets se kalWeyakPitsak.
’Wan okintane pa kimakaloskya nitaki tahko sek tikipanolme,
kwakin panoti wEhka.
2 O'as in tonat yewal yoksi,
okitake se nitikipanol pa yaskya konanaskya yewal nitakilme kwahmilUba.
3 Ma yehwante kikitskik kitehtewik,
wan kiwalkwepak amoten kimakak.
4 Okse nitikipanol okititan;
kimohmotak,
kikoyonilik itsontek wan niyok kilitinemil kina yehwante kinekik.
5 Okititan okse,
wan yewal kimiktik.
Takwitap okintitan myak oksek;
sek kintehtewik wan oksek kinmiktik.
6 ’Mokawiliyaya in se han nikon,
yewal kitasotaya miyak;
niyok kititani ka yehwante,
mo'iliyaya:
“Kipiyaske tamawishtiliste ka nokon.”
7 Ma yok yehwante tikipanolme mo'ilik sek ka oksek:
“Ina yewal yes niyashka;
shiwalak ma tihmiktik wan in niyashka timokawiliske.”
8 Wan kiwalkitskik,
kimiktik wan kitasak nimihki pa kiyawak in kwahmilUba.
9 Kwakin Yehshwa otahtan:
―Ten kichiwas in tats ka kwahmilUba?
Walas wan kinmiktis in tikipanolme wan kinmakas in kwahmilUba oksek.
10 ’Ayamo momashtil in takwihkwiloli ipa ni'amaDyos?
Yewal kito:
In tet kitasaloya yehwante kichiptikatkaloya in kal,
ma yok in tet omochi nitsontek mochi in kal.a
11 In TATS okichi in,
wan in tachiwaliste timotapololtiloya yewal tikitaloya in okichi.
12 Wan yok kinekiloya kikitskiloskya kampa kimatiloya kikakiloya,
kampa kitowaya ika yehwante in tapowaliste.
Ma yok kinmakasiloya in masewalme,
wan kikawak opanotiyak.
NitapishkalisteTomi ka tashtawaliste
(Mt. 22:15-22; Lk. 20:20-26)
13 Kwakin kititanilik sek parisheyo' wan ka in herodeyo',
ta kitoskya ten amokwal,
pa yok kikitskiloskya.
14 Yehwante asik kilik:
―Tamashtini,
tehwante titamatil kampa tewal melak titanawati,
wan amo timokwitawi pa amo'ak wan amo tikinmitatiyas kina nestiyaske takam,
yok kampa melak titamashti kina Dyos.
Ma yok kwal pa tiktashtawiliske in Kaysar nitapishkalisteTomi,
amo ayak?
Titemakaske,
amo titemakaske?
15 Ma yok yewal kimat kampa kipiyaloya ome nishayak ka takwahkwamanaliste,
wan kinmili:
―Pates kinekil nishkwahkwamanaske?
Shihwalikak se tomiDenario,
pa nikita.
16 Yehwante kiwalikilik,
wan kintahtanili:
―Ak nitakopinal in,
wan ak nitakwihkwiloliste?
Yehwante kinankilik:
―In Kaysar nishayak.
17 Kinnankili Yehshwa:
―Shihmakak Kaysar ten niyashka Kaysar,
wan shihmakak Dyos niyashka Dyos.
Wan motapololtiloya ka yewal.
Nitahtaniliste kina oksep yolis
(Mt. 22:23-33; Lk. 20:27-40)
18 Kwakin walak sek yewal kineltokaloya nitamatiliste in saduseyo'.
Kampa kitol amo yolil oksep;
wan kitahtanilik:
19 ―Tamashtini,
Moshé nitakwihkwiloliste pa in tahtol kito ta se takat mik wan kika nisiwa isel,
wan amo kipiyak ininpilwam,
kwakin ninohni in takat yewal omik,
kipi pa monamikti ka nisiwa isel in kichiwas pa yok kipiyaske ininpilwam yewal itokaske kina in se yewal poli.
20 Katkaloya chikome ninohniwan.
In ta'ishpa omonamikti,
wan omik amo kika nikon.
21 Wan in takwitapik monamikti ka in siwat,
yewal omik niyok amo kika nikon;
yok opan niyok ka in yey ninohniwan.
22 Wan yok okinpan in chikome amo kinkawak ininpilwam ka in siwat.
Kwah moshte mikik wan niyok omik in siwat.
23 Kina oksep yolis,
kimani walyoliske oksep,
kati yes nitaka in siwat,
kampa in chikome monamiktik inak yewal?
24 Kwakin Yehshwa kinnankili:
―Anmehwante anmopololtitikat,
amo ankimatil nitakwihkwiloliste wan nichikawaliste Dyos.
25 Kampa pa in tonat yewal yoliske oksep inik mihmihki,
amo monamiktiske wan amo kitemakaske pa monamiktis,
antamo yoliske kina nitanawatilanhelmeDyos yehwante kat pa in takpakIlwikak.
26 Wan nahyehwante mihmihki yoliske oksep,
amo anmomashtik pa amatTakwihkwilol Moshé,
kina okinots Dyos pa in wiste tatatitikatka?
Yok kito:
“Newal ninewal niDyos AbRaham,
wan niDyos Itsak wan niDyos Yakob.”
27 Dyos amo ininDyos mihmihki,
antamo ininDyos yehwante yohyolke;
yok anmehwante anmopololtitikat.
NiweTanawatilisteDyos
(Mt. 22:34-40)
28 O'as se Tamashtini NitanawatilMoshé,
yewal kinkak kwah taketstikatkaloya,
kimat kampa Yehshwa kinnankili kwal wan kitahtanili:
―Kati yewal niWeTanawatilisteDyos pa mochi?
29 Kinnankili Yehshwa:
―In tanawatiliste monots we ka inik:
“Shihkak,
Isra'El,
in TATS,
toDyos,
in se han noTATS.
30 Wan shiktasot in TATS moDyos ka mochi moyoliliste,
ka mochi mo'ihyo,
wan ka mochi mota'ilnamikiliste wan ka mochi mochikawaliste.”
31 Wan in takwitapit,
in monots we kito:
“Shiktasot monihni kina tewal timotasot.”
Amo onka okse monotsaliste we ka nitanawatilisteDyos yok kina inik.
32 Kwakin in Tamashtini NitanawatilMoshé kili:
―Kwal tikito,
tamashtini.
Melawak tikito,
kampa se han onka Dyos,
wan amo onka okse Dyos.
33 Wan ta se kitasot Dyos ka mochi niyoliliste,
wan ka mochi nita'ilnamikiliste,
wan ka mochi tamatiliste,
wan ka mochi nichikawaliste,
wan shiktasot monihni kina mosel timotasot,
amoyok monotsal in tamakaliste wan mochiten in tamiktiliste tachichinoliste.
34 Kwakin,
Yehshwa okit kina kwal kinankili ka tamatiliste,
wan kito:
―Amo wEhka timo'it ka nireynarolisteDyos.
Kwakin moshte kimakasiloya pa kitahtanililoskya oksep.
Akyewal nikon in Kristo?
(Mt. 22:41-46; Lk. 20:41-44)
35 Yehshwa tamashtiyaya pa in tyopWe,
kinmiliyaya:
―Pates kitol in Tamashtinilme NitanawatilMoshé kampa yewal Kristo onka nikon Dawid?
36 Yewal isel Dawid kito,
ka in EspirituSanto:
In TATS kili noTATS:
“Shimotal pa nomahwakwal,
pa kimani nikintalis itsinta motankwa yehwante mishkokolil.”b
37 Isel yewal Dawid kitokayolti niTATS,
kina kwakin yewal kwal nikon?
Wan myak masewalme,
takaktikatkaloya ka pakiliste.
Yehshwa kinteshpawiliyaya inik Tamashtinilme NitanawatilMoshé
(Mt. 23:1-36; Lk. 11:37-54; 20:45-47)
38 Wan kinmiliyaya nitamashtiliste Yehshwa:
―Shimokwitawik ka Tamashtinilme NitanawatilMoshé,
c kampa kinektiyaske nehnemtiyaske ka inintakemtel wehweyak,
pa moshte kintahpaloske ka miyak tamawishtiliste pa inik plasa'.
39 Kinektiyaske motaliske kaha motalilme monotsalme we pa in siya' pa in tyopalmeYudiyo' niyok kinektiyaske motaliske kaha motalilme monotsalme we pa takwaliste,
40 kinkishtili mochiten tapiyal in siwam inintakam mihmihki,
mokwamanal ka tahtanilisteDyos ka miyak tahtolme.
Yehwante kinmakas miyak takokoliste Dyos.
NitemakalisteDyos ika se siwat isel ka se tomi tipichi
41 Yehshwa yowatikatka pa i'ishpa komit ka temakalisteDyos in tyopWe,
wan kinmitatikatka kina kitastikatkaloya tomi pa itik komit,
nahyehwante kipiyaloya miyak tomi kitasaloya miyak tomi.
42 Wan o'as se siwat yewal nitaka mihki,
amoten kipiyaya wan okitas ome tomitonte.d
43 Yehshwa okinnots nimoneshtililme,
wan kinmili: