―Tamashtini,

shikit inik tetelme yewal takalchiwalme!

2 Yehshwa kinankili:

―Tikit inik wehwe takalchiwalme?

Amo mokawas tet ipa okse tet pa in kalme.

Mochi motashitinis yok amoten mokawas.

3 Katka Yehshwa yowatikatka pa tepetLom kaha ta'itok Oliwo',

yewal katka i'ishpa in tyopWe.

Wan Petros,

Yakobo,

Yuhanes wan André'as kitahtanilik ka iselte:

4 ―Shitichil kimani panos in.

Wan kati yes taneshtiliste pa mochi inik tachiwaliste ten kat pa monamikiske?

5 Yehshwa tanankili:

―Shitachishtiyak,

pa yok amo'ak anmishkwamana.

6 Kampa myak walaske ka no'itokaliste kitotiwalaske:

“Newal ninewal niKristo”;

yok kinkwahkwamanaske myak.

7 ’Kwah antakakiske kampa momiktitikat wan mota'itotiyas kampa momiktitikat,

amo shimomaptitiyak,

kampa yok monek pa motachiwas ta'ishpa;

wan ayamo tamis in mochital.

8 Kampa masewalme mo'onanaske pa se pweblo' ika okse pweblo';

yehwante reynarotikat mo'onanaske ka okse reynaroliste,

yeske tamolinilme hyero wehwe in tal,

kampa niyok yes mayanaliste.

In nipewaliste yes takokoliste inik yeske.

9 ’Anmehwante shimokwitaptiyak;

kampa anmishtemakaske ka nichikawaliste nitanichikolme in Abwelolme Wehwetsim,

wan anmishwitikiske pa in tyopalmeYudiyo'.

Kampa annishneltokal newal anmishwikaske pa nita'ishpa tatakewalme wan weReye' pa yok temakaske tachiwaliste;

ka newal pa yehwante.

10 Wan monek ta'ishpa,

nitamashtilisteKwal,

kipi pa yes nitanawatiliste pa mochi inik masewalme.

11 Kwah anmishkitskiske wan anmishtemakaske amo shimomaptik,

kampa ten ankitoske.

Han shikitok yewal ten anmishilnamikiltis pa ankitoske;

kampa amo anmehwante antahtoske,

hanwel EspirituSanto.

12 In ninohni kitemakaske pa kimiktiske ninohni wan inintahwan kintemakaske ininpilwam,

wan ininpilwam kinkwalaniliske inintahwan kintemakaske pa kinmiktiske.

13 Wan moshte anmishkokoliske kampa annishneltokal ka no'itokaliste;

ma yok akyewal amo momakawilti pa newal,

yewal mokishtilis niyoliliste.

14 ’Danyel niTaketsal nitahtolDyos kikwihkwilo pa ni'ama kwah ankitaske se tachiwaliste ten amokwal ka ta'ihyaliste;

ta onka ompa kampa amoyok pa ta yeskya —ma kimat ten kinek kito in yewal momashtitik—,

kwakin ma cholok pa tepetLom yehwante yeske pa in Yudaya.

15 Ak yes ikpak kal amo temos,

amo kalakis pa kikishtis pek ten pa ni'icha;

16 wan akyewal yes pa in tashosholtik,

amo mokwepas pa konanas nishashal.

17 Kina kinyas yehwante ostitikat wan yehwante kinpiyal ininpilwam wan aki tachichiltitiyaske pa inik tonatim!

18 Wan shiktahtanik Dyos,

kampa inik amo panos kwah sewalko;

19 kampa pa inik tonatim yeske ka miyak takokoliste yes kina yewal amo'ik kinpanowaya,

kimani okipewalti Dyos mochiten okichi,

wan amo yes okse amo'ik.

20 Ta in TATS kiwehkawaltiskya pa inik tonatim,

amo'ak mokishtiliskya niyoliliste;

ma yok amo okiwehkawalti,

ka in ta'onanilme.

21 ’Kwakin ta ak anmichil:

“Shikitak,

nika onka in Kristo”,

“Wan Shikitak,

nepa onka”,

amo shihneltokak.

22 Kampa walaske amo yeske melawak Kristo' wan niyok walaske ka nitikwamanaliste in niTaketsalme nitahtolmeDyos;

kinchiwaske pa moneshtiske wan kinchiwaske taneshtiliste ka chikawaliste pa yok kinkwamanaske,

niyok yehwante ta'onanilme.

23 Anmehwante shitachishtiyak ashka annimichilis kampa mochiten yewal panos.

24 ’Pa inik tonatim,

kwah tamiske panoske takokoliste in tonat waltayowaya,

wan meste amo mestona,

25 in sitalme walwetsiske pa in ilwikak,

wan in tatakewalme pa ilwikak motsehtseloske.

26 Kwakin moshte kitaske NitakaTakpakIlwikak,

walatiwalas pa in ayawim ka we nichikawaliste wan nitawiliste.

27 Wan yewal kintakewas nitanawatilanhelme,

pa kinnichikoske Dyos nita'onanalme kaha waltakis tonat,

kaha tamalin tonat kaha takpak kaha pa tatsinta ka itenko mochital ka itenko ilwikak.

28 ’Shihmatik ka kwawitIgero inak in tapowaliste:

Kwah nimashaltik seseltik,

wan kikisal ni'iswam,

kwakin ankimatil kampa amo wehkawas shopanta.

29 Yok niyok anmehwante kwah ankitaske in panotik mochi yewal annimichilitik,

kwakin ankimatiske kampa astiwalal in tonatim,

kampa onka pa in tatapoli.

30 Melak annimichilis in,

panos mochi in kwah ayamo mikiske masewalme ashka yoltikat pa in tonatim.

31 In takpakIlwikak wan in mochital panoske,

ma yok notahtolme amo panoske.

32 ’Amo'ak kimat in tonat wan in ora,

kimani panos in,

niyok amo kimatil nitanawatilanhelme pa in takpakIlwikak,

niKon niyok amo kimat.

Han in TatsDyos yewal kimat.

33 ’Anmehwante shitachishtiyak shi'isatiyak,

wan shiktahtoltik Dyos,

kampa amo ankimatil ten tonat asis.

34 Kina se masewal yawiya wEhka,

okika nikal wan kinmak tatakewaliste inintikipanolme,

sesen kinpiyal inintikipanoliste wan kitake ka tatapoli pa takwitaptiyas.

35 Yok shi'isatiyak anmehwante,

kampa amo ankimatil kimani walas in tats nikal,

amo ankimatil ta walas pa tyotak,

ipanta yowal,

kimani tsatsi in gayo,

kwah tahtanesti;

36 ta yewal walas kimani amo ankichishtiyaske yok anmishasis ankoshtiyaske.

37 Ina yewal ten annimichilitik anmehwante,

moshte nikinmili:

Shi'isatiyak.