―Amo tihkitskiske pa in mitotiliste,

kampa mokwalantiske masewalme.

3 Kwah katka Yehshwa pa BetAnya,

yowatikatka kaha takwal pa nikal Shimón yewal okipi kokoliste itok lepra;

o'as se siwat kiwalikaya se tapalkatonte tachiwal ka se tet itok alabastro ka aseyte kwal ahwiyak itok nardo chipak,

kostarowaya miyak.

Kwakin okitapan in tapalkatonte wan kishawili in ahwiyak pa nitsontek Yehshwa.

4 Sek yehwante ompa katkaloya mokwalantik iseltek,

mo'ilik:

―Pates mo'ihtako yok in aseyte kwal ahwiyalme?

5 Kwal tihnamakaloskya ka 300 tomiPlata^a wan in tomi tikinmakaloskya yehwante amoten kipiyal.

Wan kitaketsaloya siwat.

6 Yehshwa kinmili:

―Shihkawak;

pates hyero kilitikat?

Yewal onishchiwil se tachiwaliste kwal.

7 Hanse kat ka anmehwante yewal amoten kipiyal,

kimani ankinektiyaloskya pa kichiwaloskya kwal ka yehwante;

wan newal amo hanse nishpiyaske.

8 Ina siwat okichi kina ten kwal katka;

okichi kina kimani pa asis in tonat wan okishawil nokwerpo pa kimani nishtapacholoskya.

9 Melak annimichilis,

kaha han yes nitanawatilisteDyos in nitamashtilisteKwal,

pa mochi kishki tal,

niyok taketsaske ten okichi in siwat,

yes ta'ilnamikiliste.

10 Kwakin Yudas IshKaryót,

yewal oye se ka in 12 oy okinmit TotatsimWehwe pa kitemakaskya.

11 Kwah yehwante okikakik,

pakiloya,

wan kitenewilik pa kimakaloskya tomi.

Wan Yudas kitemowaya kina kitemakaskya.

12 Katka in se ta'ishpa tonat ka mitotiliste kwah kikwaloya pan yewal amo kipi taposhawalti,

kwah kimiktiloya kina ofrenda in borrego pa in paskwa,

nimoneshtililme kitahtanilik Yehshwa kilik:

―Kaha tihnek titayokshitiske pa tikwaske nitakwaliste in paskwa?

13 Yehshwa okintetan ome nimoneshtililme,

kinmili:

―Shiyak pa in Wepweblo,

ompa ankitaske se takat kimamti se komit ka at.

Shiktokak,

14 kampa kalaki,

shikilik in nikal in tats:

“Kito in tamashtini:

Kaha onka in kalitik kampa nitakwas in paskwa ka nomoneshtililme?”

15 In nikal in tats anmishnishtili se kalitik we pa takpak,

ompa yes mochiten moteshmonek;

shitayokshitik ompa pa tehwante.

16 Oyak nimoneshtililme wan kalakik pa in Wepweblo,

wan kitak kina Yehshwa kinmili;

wan tayokshitik nitakwaliste paskwa.

17 Kwah tapohpoyapti,

owal Yehshwa ka in 12 nimoneshtililme.

18 Kwah katkaloya kaha takwal,

kimani takwatikatkaloya kito Yehshwa:

―Melak annimichilis se ka anmehwante,

nishtemakas ashka takwatik ka newal.

19 Kwakin yehwante moyokoltiloya wan se ka okse,

kitahtanilik:

―Newal niyes?

20 Wan Yehshwa kinnankili:

―Se yewal ka anmehwante onka 12,

yewal kipaltili nipan ka newal pa in tapalkat.

21 Kampa melak,

NitakaTakpakIlwikak kipanos kina onka takwihkwiloliste ka yewal;

ma yok panos takokoliste in takat yewal kitemakas pa kimiktiske!

Kwal katka ta in takat pa amo takatiskya.

22 Kimani takwaloya,

Yehshwa okonan pan,

wan kimashti Dyos,

wan kintalil tahtahko,

kinmili:

―Shikwak in,

yewal nokwerpo.

23 Okonan tapalkatonte kimak tashtawiliste Dyos,

kwakin okinmak yehwante wan moshte takonik.

24 Kwakin kinmili:

―Ina noyEste ka yewal se taketsalisteYankwik^b,

in nikchiwas pa myak masewalme mototokaltis.

25 Melak annimichilis,

kampa amo nikonis oksep nihugoUbaBino,

pa kimani asis in tonat nikonis yewal nihugoUbaBino yankwik kaha Dyos reynaro.

26 Kwah tamik nitatsotsonaliste Dyos,

kwakin panotiyak pa in tepetLom itok Oliwo'.

27 Kwakin Yehshwa kinmili:

―Moshte anmehwante kipoloske anmotaneltokaliste ka newal ashka pa in yowal;

kina onka nitakwihkwilolisteDyos:

“Nihmikti yewal kinkwitawi in borrego',

wan in borrego' mosesemanaske.”

28 Ma yok,

newal niyolis oksep,

kwakin niyas ta'ishpa ka anmehwante pa Galileya.

29 Kwakin Petros kili:

―Yok moshte kipoloske motaneltokaliste,

newal amo nikpolos.

30 Yehshwa kili:

―Melak nimichili ashka pa in yowal,

ayamo'ok tsatsi ohpa in gayo,

tewal pa yeshpa tikitos kampa amo tinishishmat.

31 Ma yok Petros mochikawalti:

―Ta yok monek pa nimikis monak tewal,

amo'ik nikitos kampa amo nimishishmat.

Wan moshte yok kitoloya.

32 Kwakin asik kaha ta'itoka GetSemani,

wan kinmili Yehshwa nimoneshtililme:

―Shimotalik nika,

ma yok newal niyas niktahtoltis Dyos.

33 Okinwik Petros,

Yakobo wan Yuhanes,

wan okipewalti yolkokoliste wan momaptitikatka.

34 Wan kinmili:

―Hyero nitamat pa noyol yok hyero we nimoyolkokotik kina ta newal nihnekiskya nimikiskya.

Nika shimokawak,

wan shi'isatiyak.

35 Wan oy Yehshwa amo wEhka,

motankwakets pa tal,

Dyos kitahtaniyaya ta kwal katka,

pa yewal amo kipiyaskya pa kipanoskya in takokoliste.

36 Kitowaya:

―Abba,

noTatsDyos,

mochiten kwal tikchiwas tewal;

shihkishti pa newal in takoniliste chichik,

ma yok amo shikchi in yewal newal nihnek,

ma yok shikchi in yewal tewal tihnek.

37 Kwakin omokwep kaha katkaloya nimoneshtililme,

okinmit koshtikatkaloya;

kwakin kili Petros:

―Shimón,

tikoshtik?

Pates amo oti'isati se ora?

38 Shi'isatiyak shiktahtanik Dyos,

pa amo mishkwamana tawalilot.

Melak annimichilis,

anmota'ilnamikiliste kinek kichiwas kina Dyos,

ma amoyok ininkwerpo amo chikawak.

39 Oksep yawiya kitahtaniyaya Dyos,

yok oksep kitowaya nitahtaniliste Dyos.

40 Kwah oksep omokwep,

kaha katkaloya okinmit koshtikatkaloya,

kampa kipiyaloya miyak kochmikiliste.

Wan amo kimatiloya kina kinankililoskya.

41 Mokwepaya pa yeshpa,

kinmili:

―Ankoshtikat wan anmoseptikat.

Yaaa,

ashka o'as in ora shikitak NitakaTakpakIlwikak yes tatemakal ka masewalme ka ta'ihtakolme.

42 Shimoketsak,

ma tiyak;

shikitak ashka wal yewal nishtemakas.

43 Ayamo'ok tamiyaya tahtowaya Yehshwa wan o'as Yudas,

yewal se ka in 12,

ka yewal walaloya myak masewalme kinwalikaloya kawayan ka momiktiliste wan kwawim.

Kintakewak in TotatsimWehwe,

wan in Tamashtinilme NitanawatilMoshé wan oksek Abwelolme Wehwetsim.

44 In kitemak yewal kinmak se taneshtiliste:

―Ak niktenamiki,

yewal yes;

shihkitskik wan shihwikak kwal shihilpik.

45 Kwakin Yudas astiwalaya kaha Yehshwa kili:

―Tamashtini.

Wan kitenamiki.

46 Kwakin yehwante kikitskik Yehshwa,

wan ki'ilpik.

47 Wan se ka inik katkaloya ka Yehshwa okikishti niteposte ka momiktiliste kikotonil se ninaka nitikipanol TotatsWe.

48 Kinnankili Yehshwa kinmili:

―Kina ika se ta'ishtikiyan anwalal ka kawayan wan ka kwawim pa annishkitskiske?

49 Hanse tonatim nikatka ka anmehwante nitamashtiyaya pa in tyopWe,

wan ompa amo annishkitskik.

Ma yok panotik in yok pa tamis motachiwas kina kito nitakwihkwilolisteDyos.

50 Kwakin moshte nimoneshtililme kikawak wan cholok.

51 Wan se takatYankwik yewal kitokatiyaya,

liyarotiyaya ka se tilmaShashal,

kikitskik;

52 yewal haniman ochol mokopin nitilmaShashal,

wan nakatil panoti.

53 Kiwikak Yehshwa ni'ishpa TotatsWe;

wan monichikok moshte TotatsimWehwe,

Abwelolme Wehwetsim wan Tamashtinilme NitanawatilMoshé.

54 Petros kitokatiyaya pa wEhkit o'as wan okalak ka nipatyo nikal TotatsWe,

ompa moka yowati ka in tikipanolme mototontikatka ka teshoshte.

55 In TotatsimWehwe wan moshte in kaha tahosgaroloya in tanichikolme tatakewalme yudiyo' kitemoloya ta ak kitenewaskya se tachiwaliste ika Yehshwa,

pa yok kimiktiloskya;

wan amo kitak.

56 Myak kitekwamanaliloya ka sek tachiwaliste ika yewal,

ma yok inintachiwaliste kina kitoloya amoyok katka kina oksek kitoloya.

57 Kwakin moketsak sek kitekwamanaliloya ka tachiwaliste ika yewal,

kitoloya:

58 ―Tehwante tihkakik yewal kito:

“Nikinshitinilis in tyopWe yewal kichiwak takam,

wan panoske yey tonatim nikchiwas okse tyopWe yewal amo kichiwaske takam ka ininmahwam.”

59 Ma yok yehwante amo monamikiloya pa inintachiwaliste.

60 Kwakin omokets TotatsWe kitahtanili Yehshwa,

kili:

―Amo titanankili?

In yewal ten mishtaketstikat?

61 Yehshwa amo nawati,

wan amoten kito.

Kwakin oksep kitahtanili in TotatsWe,

kili:

―Tewal tiKristo,

Tewal nikonDyos tamashti?

62 Yehshwa kinankili:

―Newal ninewal.

Wan anmehwante ankitaske NitakaTakpakIlwikak yowatiyas pa nimahwakwalDyos yewal kipi nichikawaliste,

wan walatiwalas pa ayawim ka ilwikak.

63 Kwakin in TotatsWe kitsayani nishashal^c,

wan kito:

Pates tihnekil oksek tachiwaliste?

64 Anmehwante ankikakil yewal amo kimawishtiliDyos;

ten ankitol?

Wan moshte yehwante kiteshpawililoya kitoloya ma mik.

65 Kwakin sek kichihchaloya,

kitapacholoya nishayak ka shashal kwakin kitihtiwiloya,

kililoya:

―Shitichil ak mishte!

In gwacho' kiwachililoya pa nishayak.

66 Kwah Petros katka tatsinta pa patyo kiyawak,

o'as se nitikipanolSiwat in TotatsWe;

67 wan okit Petros mototontikatka ka teshoshte,

kili:

―Tewal niyok tikatka ka Yehshwa in nasareteko.

68 Petros kitat melawak,

kitowaya:

―Amo nikishmat,

wan amo nihmat ten tinichilitik.

Wan okis pa kiyawak nitatapol in kal.

Kwah tsatsi gayo.

69 Wan in tikipanolSiwat okit oksep wan okipewalti kinmili yehwante katkaloya ompa:

―Ina se yewal ka yehwante.

70 Wan Petros oksep kito kampa amo nikishmat.

Wan amo wehkawak,

yehwante oksep kililoya:

―Melak,

tewal se ka yehwante;

kampa tewal ti'onka,

tigalileyo.

71 Kwakin Petros kipewalti ka nitahtol wan ma amokwal nishyas:

―Amo nikishmat in takat yewal anmehwante taketstikat.

72 Wan in gayo tsatsi ohpa.

Kwakin kiwalilnamik Petros kina kili Yehshwa:

“Kwah ayamo'ok tsatsi ohpa gayo,

wan tewal tikitos pa yeshpa amo tinishishmat.”

Kwah ki'ilnamikiyaya walchokaya.