2 Wan okit niyok se siwat mihki nitaka amoten kipiyaya kitasaya ome tomitonte^a tipichim;

3 Kwakin kito:

―Melak annimichilis,

in siwat nitaka mihki,

amoten kipiyaya otemak miyak amoyok kina in oksek;

4 Kampa moshte yehwante temakaloya pa Dyos in amo kinteshmonekya kampa kipiyaloya miyak;

in siwat nitaka mihki,

amoten kipiyaya,

otemak mochi yewal kishki ka yoliskya.

5 Sek taketstikatkaloya kina kwal nesiloya tetelme ika yewal tachiwal katka in tyopWe,

wan in mochiten temakaloya kwal nesiloya kisaloloya pa tepante.

Kwakin Yehshwa kinmili:

6 ―In kishki anmehwante in ten ankitatikat walal in tonatim yewal amoten mokawas se tet ipa okse tet;

mochi yes tashitinil.

7 Kwakin kitahtanilik:

―Tamashtini,

kimani yok motachiwas?

Ten taneshtiliste yes kimani yok walmotachiptiwalas?

8 Yehshwa kinnankili:

―Shimokwitawik pa amo anmishkwamanaske.

Kampa myak walaske ka no'itokaliste wan kitotiwalaske:

“Ninewal niKristo”;

wan niyok:

“O'as in tonat”;

anmehwante amo shikintokak.

9 Wan kimani antakakiske antakestiyaske kampa anmomiktitiyaske wan anmo'onanaske pa anmomiktiske,

amo shimomaptitiyak;

kampa yok monek pa motachiwas ta'ishpa,

wan ayamo tamis in mochital.

10 Niyok kinmili:

―Kampa masewalme mo'onanaske pa kishki se tal ika okse kishki tal,

yehwante reynarotikat mo'onanaske ka okse reynaroliste.

11 Yeske tamolinilme hyero wehwe in tal,

wan miyak mayaniliste wan hyero ta'ahwiyaliste kaha han,

niyok panoske sek tachiwaliste hyero wan yeske wehwe taneshtiliste pa takpakIlwikak.

12 ’Ma yok kimani ayamo panoske inik tonatim,

anmehwante anmishkitskishke anmishtohtokaske.

Wan anmishtemakaske ka nityopalmeYudiyo',

wan ka in tatsakwalme wan ka no'itokaliste anmishwikaske ka in weReye' wan ka in wetatakewalme.

13 Yok in anmishteshmonekis pa antemakaske taketsaliste ka newal.

14 Yok amoten shitamatitiyak kina antanankiliske in ten anmishtahtaniliske,

15 kampa newal annimishmakas tahtolme wan tamatiliste pa antanankiliske kampa amo'ak ka yehwante anmishkokolil pa amokwal anmishnankiliske pa ankitoske amoyok onka.

16 Anmehwante anyeske tatemakalme ka anmotahwan,

anmonohniwan,

anmoparyente wan anmonihni.

Sek ka anmehwante anmishmiktiske,

17 moshte anmishihyaske pa in mochital ika no'itokaliste;

18 anmehwante amo ankipoloske se anmo'itso pa anmotsontek.

19 Shimochiyak,

yewal yok ankitaniske pa anmokishtiliske anmoyoliliste.

20 ’Kimani ankitaske Yerushalém kiyawalotiyaske gwacho',

shihmatik kampa nitashitiniliste o'as.

21 Kwakin,

in yehwante yeske pa Yudaya shicholok pa tepetLom;

wan yehwante yeske pa Wepweblo shikisak ompa,

in yehwante yeske pa tashosholtik amo shiwalmokwepak pa in Wepweblo.

22 Kampa inik tonatim yeske takokoltiliste,

kampa monamikiske mochiten in yewal onka takwihkwilolme.

23 Eh kina kinyas pa in tonatim yehwante ostitikat wan tachichiltitiyaske!

Kampa yes miyak tayolkokoliste ipa in tal,

wan ipa in masewalme walas nikwalaniliste.

24 Wan sek kinmiktiske ka teposte,

wan oksek yeske tawikalme tatsakwalme pa moshte Wepweblo';

wan Yerushalém yes tashitiniliste ka oksek masewalme amo yudiyo' pa kimani mo'asiske inik tonatim yehwante yeske tashitinilme.

25 ’Kwakin yeske taneshtiliste pa in tonat,

wan in meste wan inik sitalme;

pa in tal in masewalme hyero momaptiske wan amo kimatiske ten kichiwaske ka in takomonaliste ka in wehwe'atim kwah mo'ahkoktiyaske atim.

26 In masewalme ishpoyawaske ka tamaptiliste kwah tamatiske ten kipanos in pa mochi kishki tal;

kampa ininpoderoliste in takpakIlwikak yeske tatsehtselolme.

27 Kwakin ankitaske NitakaTakpakIlwikak,

walatiwalas pa ayawit ka chikawaliste wan we tawiliste.

28 Kimani yok walmotachiwas,

shimochikawaltik wan shikahkokik anmotsontek,

kampa amo wehkawaske yeske tamakawalme.

29 Niyok kinmili se tapowaliste:

―Shikitak in kwawitIgero,

wan in moshte kwawim.

30 Kimani anmehwante ankital kikistiwalal ni'ishwam,

ankimatil kampa amo wehkawas tonalko.

31 Yok niyok,

kimani anmehwante ankitaske in yewal mochiten,

ankimatiske kampa astiwalal nireynarolisteDyos.

32 ’Melak annimichilis,

yewal mochi in motachiwas ayamo'ok mikiske in masewalme yehwante ashka yoltikat pa inik tonatim.

33 In takpakIlwikak wan in mochital panoske,

ma yok notahtolme amo panoske.

34 ’Shimokwitawik;

wan amo shihmakawak anmoyol pa yes chikawak ka in ten onka pa in mochital,

in tawanaliste wan amo hyero shitamatitiyak ka in ten anmishteshmonek pa in yoliliste,

pa yewal in tonat amo wetsis hani ipa anmehwante

35 kina se trampa wetsis pa moshte yehwante mochantilme pa in mochital.

36 Ma yok anmehwante shitachishtiyak hanse,

shiktahtoltitiyak Dyos pa mochi tonatim pa yok kwal mokishtiliske ka in mochiten panoske,

wan pa moneshtiske ni'ishpa NitakaTakpakIlwikak.

37 Pa tahka Yehshwa kintanishtiliyaya pa in tyopWe,

pa tayo mokawaya pa in tepetLom itok Oliwo'.

38 Wan moshte in masewalme yaloya ka yewal pa watsinko pa kikakiloskya pa in tyopWe.