—¡Maestr,

bwi' xa nawe nya re ke naksa' yodo' re' nde nawe nya diba!

2 Le' Jesús mkab nde nchab Xa':

—¿Cho ngwi'a dib yodo' ro re'?

Yoloba yub reta ptoba nde nek tib kenay naya'nta.

3 Zyasa nda xa' ten' ndole kox ya Olib,

ten' ndlo' ndob yodo'.

Tya mdob Jesús,

le' Pey,

Jakob,

Juan nde Ndres,

xa'ta mnabdi's xa' lo Jesús,

nchab xa':

4 —Btej lo ná'.

¿Pol ak re jwan' re'?

¿Nde kwan libe' men sen' lo tyobte aka?

5 Le' Jesús nchab:

—Nda wi' toz go' sa nek tib men nakwin'noda go'.

6 Tak nar toz xa' yed nde nye xa':

“Na nak Crist,

Xa' mtel' Dios”.

Nde tokan xa' bro toz men.

7 Nde sen' lo gon go' nzo yalbyo nde nzob di's yora yalbyo,

nazyepta go',

tak naki'nka ta aka nde nakta jwan' nata mney.

8 Zyara yo xa',

yez kon yez nde rey kon rey;

nde nar toz ten' win xo nde taja yo win,

zya anta ndryo' men karrel,

jwan' re nak xan' yo'b,

xaja tib ngol ndob lo yiz tana.

9 Lega go',

nda wi' toz go',

tak taya' xa' go' lo re xa' nak sin' nde len' yo ten' ndyop men Israel tya kin xa' go'.

We xa' go' lo re xa' nyebe' lo reta yez nde lo rey tak ndli lazo' go' na,

tya tej go' na lo xa'.

10 Nde ndablo nerla di's wen chan' Dios rya's dib nax izyo.

11 Nde sen' nda xi' xa' go' sa taya' xa' go' lo xa' nak sin',

nalit go' xgab xamod kab go',

tak Dios tob di's ro go' sa kab go' nde nakta go' jwan' todi's zya,

Mbi Nayon chan' Dios todi's.

12 Nde nzo xa' taya' lega wes xa' sa kuj men xa',

xud xa' taya' xin' xa' nde xin' xa' yo xud xa' nde kuj xa' xud xa'.

13 Nde reta men yi'no xa' go' tak ndli lazo' go' na.

Le' go' jwan' ne ndo lo xki's Dios,

xek go' kebe' yolo reta jwan' re',

men ya kaya' yalnaban adi'.

14 Men ndlab,

xa' ya yen di's jwan' mke' Daniel xa' jwan' mbye'd ta' xki's Dios pola,^a

nchaba:^b

“Sen' lo wi' go' ndoyak jwan' narax nakap toz nya ten' nandabloda aka”,^c

zyasa bxon' go',

le' reta men nzi lo xyon Judea,

xyon' xa' nda xa' wan yek kox.

15 Le' xa' ndo yek yo,

lya xa' nde nayoted xa' len' yo sa kote xa' chan' xa'.

16 Nde xa' jwan' nke sin' wan,

ya naberetra xa' sa we xa' xab xa'.

17 Nalat tyák re ngol nzo xin' nde re ngol jwan' ngeno mbed mey wiz ya.

18 Mnab toz go' lo Dios,

sa na'akta jwan' re' sen' nxyob yop.

19 Tak re wiz ya jwan' toz yo yalti,

tib yalti jwan' nanchoda,

xata mtoxkwa' Dios izyo naj naya nde ya nayotray ti gob.

20 Nde tez Xa' Nyebe' ta' xa' di's bro yo yalti ya,

nek tib men nabanta;

ben'ta tak nke' lazo' Dios re men jwan' mbli Xa',

jwan' nasa lud ta' Xa' di's yo yalti.

21 Zyasa tez nzo men nye lo go':

“Bwi' go',

xa' re' nak Crist xa' mtel' Dios”,

“Bwi' go',

le' Xa' ndo ba”,

nalid lazo' go'y.

22 Tak zya yed re xa' kwin' nde nye xa':

“Na nak Crist xa' mtel' Dios”,

“Na nak xa' nde ta' xki's Dios”^d nde li xa' yalnaro jwan' nzoyen men,

ben'ta sa kwin' no xa' men.

Nde noga re men jwan' mbli Dios,

chal xa' sa tokan xa' men ya.

23 Jwan' nasa nda wi' toz go';

tak mdej la nay lo go' nal tera aka.

24 Len' wiz ya,

sen' lo mne mbrid reta yalti toz,

le' wiz ya natoxnitray nde le' mbe' natatray xni,

25 nde reta mbel nzi lo be' ryondaba nde re yalne naro toz nzo lo be',

xida.

26 Zyasa wi' go',

Xin' Mbi' mbye'd lo izyo re' yed Xa' xij xkow,

yedno Xa' yalne toz nde dib yalnaro chan' Xa'.

27 Nde tel' Xa' reta Áng Xa',

sa ya thop Áng reta men jwan' mbli Dios dib nax izyo,

ploja ten' mdib izyo nde mdib be'.

28 Bte'd go' lo ya hig:

Ya re' sen' lo nchak yen' re xod na'y nde ndryoxob re la yen' lo xod,

zyasa mne go' le' be' yi ndela gax.

29 Nde taga nak jwan' re',

sen' ndoyakla reta jwan' ta mdej na lo go' re',

ndablo nye go' le' wiz yed Xa',

ndosin la gax.

30 Nipa na lo go',

nzo men lo bin re' ben' naban xa' sen' lo ak re jwan' re'.

31 Lo be' nde izyo sin tib wiz tluxa,

per xki's na naluxtay.

32 Nde ngenta cho nye,

cho wiz nde cho hor ak re jwan' re',

nek re áng nzi lo be',

neka na Xin' Dios,

ben'ta Xud na Dios mney.

33 Jwan' nasa,

bresa' go',

brena go' nde ptodi'sno go' Dios;

tak nanyet go' pol yoxob be' ya.

34 Jwan' re' nak xaja tib mbi' mbro' xa',

nda xa' tij nde mtan' no xa' liz xa' lo re mos nde tiba mos mdaya' xa' sin' ke mos nde mnabe' xa' lo xa' jwan' nkenap ro yo,

sa tibla kenap xa'.

35 Nde taga go',

tibla brena go',

tak nanyet go' cho hor bere xa' nak liz;

cho ndakow izyoy,

cho rol yal' la,

sen' mbez ngidte'y,

o ndatuxni izyoy.

36 Tak yoloba xajta sin xa' sa na'yosibta xa' go' naxyat go'.

37 Nde jwan' ta nin lo go' re',

jwan' naga nin lo reta men:

Brena go'.