9
Noga nchab Jesús:
—Nipa na lo go',
ke nzo pla xa' jwan' nzi nche' nagajta xa' axta kebe' wi' xa' yalnyebe' chan' Dios yeda kon yalnaro.
Mzye' nya Jesús
2 Mbrid ndab xop wiz,
Jesús ngwa tib yek yi' nde ben'ta mbe' xa' Pey,
Jakob nde Juan leta xa' ngwa;
nde sen' lo mzin xa' tya,
nzi wi' re yon xa' mzye' nya Jesús.
3 Le' xab Xa' tiptane nakistir ngolala anta ndyob xni nyay,
ngenta cho men lo izyo re' li gan ntach lar taja nya ya par yan' na nakistir.
4 Tya xajta mbro'to Elías nde Moisés,
ndotodi's xa' kon Jesús.
5 Le' Pey nchab lo Jesús:
—Maestr,
wenka nzin' nche';
sa toxkwa' ná' son ramad,
tiba chan' la,
tiba chan' Moisés nde tiba chan' Elías.
6 Ananye Pey jwan' nchab Pey tak mzyeb toz re yon xa'.
7 Zya mbla tib xkow yek re xa' nde xij xkowa mbyen tib di's jwan' nchab:
—Xa' re' nak xin' na nke' toz lazo'n Xa'.
Bin go' xki's Xa'.
8 Nde zyaga,
sen' lo mbwi' xa',
ngenta cho ndono Jesús ben'ta tib Jesús ndo.
9 Sen' lo ngo xa' ned ndela xa' lad yi',
zya mnabe' Jesús lo re yon xa' ke nek tib lo men nagapta xa' jwan' mbwi' xa',
axta kebe' le' Xin' Mbi' mbye'd lo izyo re' ryoxban Xa' xij re men nguj.
10 Mbin xa' di's,
ngenta cho lo men ndej xa'y,
per ben'ta re yon xa' ndyo di's,
nchab xa':
—¿Cho kwan ndliy mbez re maestr ndlo' ley xki's Dios,
ke nakin' nerla Elías yed?
12 Le' Jesús nchab:
—Liy,
nerka Elías ndablo yed,
par toni xa' re men,
nde xa nchabka lo xki's Dios le' Xin' Mbi' mbye'd lo izyo re' nakin' rid Xa' yalti nde kotal men Xa'.
13 Per nin lo go' ke ya mbye'dla Elías nde mtoti men xa' mod nda lazo' men,
axaja nchab lo xki's Dios.
Jesús mtodan' tib mbyo nzo mbi narax lazon'
14 Sen' lo mzin Jesús ten' nzi tipla xin' te'd Xa',
men toz nzi lo xa' nde tya nzi pla xa' nak maestr ndlo' ley xki's Dios,
anta chepa nzi bez xa' kon xin' te'd Jesús.
Muchacho con el espíritu impuro (Marcos 9.14-29)
15 Nde axta nzoyen re men sen' mbwi' men mzin Jesús,
mke xa' karrel ngwa ni xa' dyux lo Jesús.
16 Zyasa mnabdi's Jesús lo xa':
—¿Cho kwan ndliy taja nzi bez go' nche'?
17 Xija mkab tib xa',
nchab:
—Maestr,
na ndeno tib mbyo xin' na loa,
tak tib mbi narax nzo lazo'r nde jwan' na mbli nda xki's or.
18 Nde one ploja ngeter ndyen mbi narax or,
ngobiy or izyo,
ndryo' psin' ror,
nga'z ler nde nchan' or tiptane mbyez or.
Nchab na lo re xin' te'd la kote xa' mbi narax jwan' nzo lazo'r,
per nandlid xa' gan.
19 Le' Jesús nchab:
—¡Go' nak tib ned men nandlid lazon' Dios!
¿Plopa ndablo kete'non go'?
¿Plopa ndablo xek na go'?
De'no go' mbyo nche'.
20 Zyasa ngwano xa' mbyo lo Jesús.
Nde sen' mbwi' mbi narax Jesús,
xaja kwana mtotiy mbyo,
mdinkey or izyo anta nchub or nde taja nke psin' ror.
21 Le' Jesús mnabdi's lo xud or:
—¿Pol ndate ta ndyak or?
Le' xud mbyo mkab:
—Axta lud or mden' na lor.
22 Nde na'r toz gob axta lo ki nde len' nit ngobi mbi narax or par kuja or.
Per tez tlia gan ryo'te mbi narax len' lazo'r,
blat lazo'a ná' nde bla'sto ná'.
23 Le' Jesús nchab:
—¿Kwan ndliy mbez la,
“tez tlia gan”?
Tak men jwan' ndli lazon' Dios reta jwan' taka lo xa'.
24 Zyaga mbrez xud mbyo,
nchab xa':
—Ndli lazo'n Dios,
bla'ston sa mas li lazo'n Xa'.
25 Nde sen' lo mbwi' Jesús men toz ndodop la tya,
zya mbrez Jesús lo mbi narax,
nchab Xa':
—Mbi ngup,
mbi nkwe',
na nyebe' loa,
bro'te len' lazo' mbyo re' nde naberetra lu.
26 Zyasa le' mbi naraxa mbliy mbrez yaj mbyo nde xaja kwana mtotiy mbyo tamod mbro'tey len' lazo'r;
nde mbyan' mbyo xaja men nguja.
Reta men nzi tya,
nchab xa':
28 Nde sen' ngote Jesús len' tib yo,
zya re xin' te'd Jesús xa'ta mnabdi's xa' lo Jesús,
nchab xa':
—Tib ned mbi narax re' naryoteday tata,
nakin' nerla todi'sno men Dios nde li men yalze,
sa ryotey.
Jesús bere mdej gaj Xa'
30 Sen' lo mbro' Jesús tya kon re xin' te'd Xa',
ndeni xa' dib lo xyon Galilea;
nde nancholasta Jesús ke nek tib men nye plo ngete Xa'.
31 Tak le' Xa' ngeta' kwent lo xin' te'd Xa',
nchab Xa':
—Le' Xin' Mbi' mbye'd lo izyo re',
taya' men Xa' lo ya' re men nde kuj men Xa'.
Per sen' lo ngujla Xa',
ngoxob mbyon wiz ryoxban Xa' tib gob.
32 Per na'ngyenta xa' jwan' nchab Jesús nde mzyeb xa' par nabdi's xa'.
¿Cho nak mas xa' ro?
33 Nde sen' mzin xa' yez Capernaum;
tya ndob tib yo mbled xa',
zyasa mnabdi's Jesús lo re xin' te'd Xa',
nchab Xa':
—¿Cho kwan taja ndetodi's go' neda?
34 Nek tib xa' nankabta,
tak ned ndebez xa' lo ta xa',
nchab xa':
—¿Cho tib na',
nak mas xa' ro?
35 Zyasa mdob Jesús nde mbrez Xa' re tib sen xin' te'd Xa',
nchab Xa':
—Tez nzo go' nchola's ak xa' ro,
men ya nakin' tyo xis nde li xa' sin' lo re men.
36 Zya mxen Jesús tib or lud,
mdo Xa' or xij re xa' nde mdob Xa' or lo ya' Xa',
nchab Xa':
37 —Men jwan' kaya' tib or lud re' por kwent chan' na,
xa' ya mkaya' na;
nde xa' jwan' mkaya' na,
namkaya'd xa' na le' xa' mkaya' Xa' jwan' mtel' na.
Xa' nanixinta xis Jesús, kon Jesús ndo xa'
38 Le' Juan nchab:
—Maestr,
mbwi' ná' tib xa',
kon lea ndej xa' sa ngote xa' re mbi narax nzo lazo' men nde nakte xa' ta ngete kon na',
jwan' nasa mka ná' di's li xa'y tak nanzod xa' xij na'.
39 Le' Jesús nchab:
—Nakad go' di's li xa'y;
tak ngenta nek tib men kon len ndli xa' yalnaro nde nixin xa' xis na.
40 Tak xa' jwan' nanixinta xis na',
kon na' ndo xa'.
41 Nde men jwan' ta'las tib xi nit gu go' por kwent chan' na,
tak ndli lazo' go' Crist,
Xa' mtel' Dios,a
nipa na lo go' ke ngenola Dios jwan' ta'las Xa' lo men ya.
Jwan' nzo nathoz gab men lo yalke
42 ’Nde choja xa' jwan' li sa gab tib or lud ta ndli lazon' na re' lo yalke,
mas wen nda xa' tez tyobdo' tib ke ro yen xa' nde kobi men xa' len' nitto'.
43 Tez ya'a li sa gab la lo yalke,
bcho'y.
Mas wen ndaa kon tipta ya'a,
kaya'a yalnaban adi',
ke ndob rop ya'a nde yaa lo pen ten' nzo bel na'akta yu',
44 tya nzo re mbye'd nandluxta nde bel nanchuda.
45 Nde tez nia li sa gab la lo yalke,
bcho'y.
Mas wen ndaa kon tipta nia,
kaya'a yalnaban adi',
ke ndob rop nia nde yaa lo pen ten' nzo bel na'akta yu',
46 tya nzo re mbyed nandluxta nde bel nanchuda.
47 Nde tez ngud loa li sa gab la lo yalke,
blo'tey.
Mas wen ndaa kon tipta ngud loa,
kaya'a yalnaban adi',
ke ndob rop ngud loa nde yaa lo pen ten' ndo bel na'akta yu',
48 tya nzo re mbyed nandluxta nde bel nanchuda.