2 —Pken wa Nínive yez ro,

ya chez la lo re xa',

re jwan' tej na loa.

3 Nde Jonás mxen ned nda yez Nínive xata nchab Jehová lo Jonás.

Nde yez Nínive naka yez ro,

son wiz tye men sa rid ndab men dib len' yez.

4 Nde ndobte Jonás mkete xa' dib ti wiz len' yez,

mbrezyaj xa' lo re men,

nchab xa':

—Naya len' ti cho' wiz,

Dios lux yez Nínive.

5 Zyasa reta xa' yez Nínive mbli lazo' xa' Dios nde mbli xa' yalze nde reta xa' ngok lar naba'd,^a

le'y re xa' ro nde le'y re xa' bix.

6 Nde sen' mzin di's ya lo rey yez Nínive,

mdoli xa' ten' ndob xa' mblo'te xa' lar wen nok xa' nde ngok xa' lar nabad nde mdob xa' lo diloki.

7 Zyasa mnibe' xa' kon re ta nak sin' xa' lo dib yez Nínive,

nchab xa':

—Reta men na'wad nek lud jwan' nde taga re ma',

xa nak ngon nde xa nak mbakxil',

na'tad go' jwan' wa ma',

ngen cho wa nde ngen cho gu nit.

8 Le' go' ndablo li jwan' re',

gok go' lar naba'd,

reta men nde ma'.

Nde brez go' lo Dios dib nzo lazo' go',

bla' go' re jwan' narax nak go' nde re yalwan' ndli go'.

9 Ta' adi'sa tyal yek Dios tse' Xa' xgab Xa' nde ta' tlat lazo' Xa' na' sa naluxta Xa' na'.

10 Zyasa mbwi' Dios re jwan' mbli re xa' Nínive,

mbla' xa' re jwan' narax nak xa'.

Nde mpse' Dios xgab Dios,

na'ntel'ta Xa' re jwan' nchab Xa' tel' Xa',

nde na'ndluxta Xa' Nínive.