Sen' nabil toz nzo lazo'n mneke'n lo Jehová,

nde Xa' mkab lon.

Sen' nzon len' yalguj

mbrez na loa nde lu mbin xki's na.

3 Mblobia na axta rol nitto' ten' mas na's

nde tya mbix ndab re bde xis na.

Re bde nabi' toz jwan' mtel' la

mbrid ndaba xis na.

4 Axta mblin xgab,

ya mblo'tala lu na,

per tenye ta naka,

xgab na nak twi'ga na yodo' nayon chan' la.

5 Dib ben na mbla len' nit,

axta plo mas na's len' nit ngotun.

Re bxin nzo len' nit mchaldaba yek na.

6 Mblan axta xan' re yi' len' nitto',

nde tibtane mtow'yoy na tya,

nangentra mod ryo'ten

per lu,

naban na mblotea na len' ba',

Jehová Dios na.

7 Sen' nda yajla na,

zyara mtela's na lu,

Jehová,

nde mzin xki's na loa,

ten' ndob yodo' nayon chan' la.

8 Re men ndli lazo'n re mnab jwan' ngen kwan ak li,

ntab xa' yalwen chan' Dios.

9 Per na dib nzo lazo'n guj na ma'^a par tan dyux loa,

nde lin jwan' mke' yek na loa.

Ben'ta lu Jehová,

tak tola'a men.