—Wi' nea,

Jehová,

¿cho najwan'nada nin loa,

sen' ben' nzon las na?

Jwan' nasa mken na mxon' na ndan yez Tarsis,

tak mnen ke lu nak Dios ndlat lazo'a men,

nabe'z nak la nde sow' nxi lazo'a,

naro toz yalwen chan' la,

nde ntse'a xgabla nandluxta la men.

3 Jwan' na naya,

nyab na loa Jehová,

bij na,

tak na,

mas jwin gaj na ke ban na.

4 Zyasa Jehová mkab:

—¿Cho wen ndlya ndyak la,

ta nayi' toz la ba?

5 Nde mbro' Jonás yez ya,

nda xa' lad ned nched ke wiz,

tya mtoxkwa' xa' ti ramad nde mdob xa',

mkal xa' len' ney,

sa wi' xa' nen' kwan tyak yez ya.

6 Jehová Dios mbli mxyen thi lus yej^a ta' xkal yek Jonás sa yal lazo' xa'.

Zyasa nale toz ngo lazo' Jonás por lus yej ya.

7 Per sen' nda tuxni tedib wiz,

Dios mbli mbla ti ngan xan' lus yej nde mtokwiz ma'y.

8 Nde sen' mke be,

Dios mtel' thi mbi nazo' toz,

nde mbla gal' be yek Jonás,

zyasa mkow xa' nde nchola's xa' gaj xa',

nchab xa':

—Mas jwin gaj na ke ban na.

9 Nde nchab Dios lo Jonás:

—¿Cho wen ta nayi'a ba ndyak la,

lo ta mbiz lus yeja?

Jonás mkab:

—¡Mnen kwan ndliy nayi'n,

axta gaj na lo xyan!

10 Nde nchab Jehová:

—Lu nke' toz lazo'a lus yej ta namxen'ta la nde namdosin'ta loa.

Ben'ta tib len' yal' mxyen na nde tedib len' yal' mbluxa.

11 ¿Mbay na,

cho na'lyatta lazo'n Nínive,

yez ro jwan' nzo masra thib ayo' nzo tib gal mil men,

xa' jwan' na'nyed kwan nak jwan' gal' nde kwan nak jwan' narax nde ten' nzo bro toz ma'?