Taꞌdxinëꞌ Pedro, en Juan lógaquiëꞌ bönniꞌ yudoꞌ tuꞌchiꞌa tuꞌsörö́ëꞌ
4
Tsanni niꞌ bönachi naꞌ tuíꞌilenëꞌ Pedro,
en Juan,
didzaꞌ,
yuguꞌ bixúz judío,
en yuguꞌ bönniꞌ yudoꞌ saduceo,
en bönniꞌ taꞌnná béꞌenëꞌ niꞌa náꞌagaquiëꞌ bönniꞌ yudoꞌ,
bilaꞌdxinëꞌ tsálidoꞌos ga naꞌ nacuꞌë.
2 Gulaꞌlenëꞌ bönniꞌ ni tuꞌ tuꞌsédinëꞌ Pedro,
en Juan,
bönachi,
en tëꞌ léguequi uluꞌbán nupa chinátigaca tuꞌ bubanëꞌ Jesús.
3 Níꞌirö gulaꞌzönëꞌ Pedro,
en Juan,
ateꞌ gulaꞌguꞌë légaquiëꞌ lidxi guíë ga idxinrö dza yúbölö tuꞌ chiridzö́ꞌ dza naꞌ.
4 Zián nupa niꞌ bilaꞌyöni didzaꞌ guluꞌë Pedro,
en Juan,
gulaꞌyéajlëꞌ Cristo.
Naꞌa,
yuguꞌ bönniꞌ biguiúꞌsö taꞌyéajlëꞌë Cristo nácagaquiëꞌ idú chi-un gáyuꞌë.
5 Dza buropi niꞌ,
yuguꞌ bönniꞌ unná bëꞌ,
en bönniꞌ gula tuꞌzéajniꞌinëꞌ bönachi judío,
en yuguꞌ bönniꞌ yudoꞌ usëdi,
buluꞌdubëꞌ lu yödzö Jerusalén.
6 Lëscaꞌ Anás,
bixúz lo,
en Caifás,
en Juan,
en Alejandro,
encaꞌ yúguꞌtë bönniꞌ diꞌa dza quégaquiëꞌ bixúz lo buluꞌdubëꞌ niꞌ .
7 Níꞌirö duchë́ꞌgaquiëꞌ Pedro,
en Juan,
ateꞌ buluꞌsudxinëꞌ légaquiëꞌ gatsaj láhuiꞌlö ga naꞌ nacuꞌë,
en gulaꞌnábinëꞌ légaquiëꞌ,
taꞌnnë́ꞌ:
―¿Bizxi yöl-laꞌ unná bëꞌ dë lu náꞌaliꞌ runliꞌ lë ni?
¿Nuzxi budödi lu náꞌaliꞌ yöl-laꞌ unná bëꞌ ni?
8 Níꞌirö Pedro gudxëꞌ légaquiëꞌ,
zóalenëꞌ Dios Böꞌ Láꞌayi lëꞌ,
rnnëꞌ:
―Libiꞌiliꞌ,
núlöliꞌ rinná béꞌeliꞌ netuꞌ,
bönachi Israel,
en libíꞌiliꞌ,
bönniꞌ gula.
9 Naꞌa,
¿rinábitseliꞌ netuꞌ ca naca dxin dxiꞌa bentuꞌ queëꞌ bönniꞌ huëꞌ ni,
en nacxi guca,
böáquiëꞌ bönniꞌ ni?
10 Riguíxjöiꞌituꞌ libíꞌiliꞌ para ilaꞌnözi yúguꞌtë bönachi Israel.
Zoëꞌ bönniꞌ ni loliꞌ,
nuhuöáquiëꞌ tuꞌ ben dxin yöl-laꞌ huáca queëꞌ Jesucristo,
bönniꞌ Nazaret,
Bönniꞌ niꞌ budáꞌaliꞌ-nëꞌ lëꞌe yaga cruz,
pero Dios busubanëꞌ Lëꞌ lu yöl-laꞌ guti.
11 Dios bëꞌë didzaꞌ ca naca queëꞌ Jesús ni,
cateꞌ niꞌ gunnë́ꞌ:
“Libíꞌiliꞌ,
bönniꞌ rucuáꞌaliꞌ zöꞌö,
gurúꞌunaliꞌ guiö́j naꞌ,
pero gurö́ cazaꞌ nedaꞌ guiö́j naꞌ para gaca guiö́jlen zöꞌö.”
12 Cúnturö nu zoa nu gaca usölá bönachi,
tuꞌ cabí zoa yödzölió ni iaꞌtúëꞌ bönniꞌ nuzóëꞌ Dios,
nu gaca usölá rëꞌu.
13 Cateꞌ bilaꞌléꞌenëꞌ nácagaquiëꞌ rugu ladxiꞌ Pedro,
en Juan,
en guléquibeꞌenëꞌ bitiꞌ nazë́dagaquiëꞌ que yudoꞌ,
en nácagaquiëꞌ bönniꞌ cáꞌasö,
buluꞌbáninëꞌ,
ateꞌ yöjnéguequinëꞌ Pedro,
en Juan naꞌ,
gulaꞌcuáꞌlenëꞌ Jesús.
14 Lëscaꞌ bilaꞌléꞌenëꞌ bönniꞌ naꞌ böáquiëꞌ,
zuínëꞌ lógaquiëꞌ,
ateꞌ bitiꞌ guca bi ilaꞌnnë́ꞌ quégaquiëꞌ.
15 Níꞌirö gulaꞌnná béꞌenëꞌ nupa uluꞌbéaj légaquiëꞌ lö́ꞌalö yuꞌu ga naꞌ nudúbigaquiëꞌ,
ateꞌ gulún xtidzëꞌë laꞌ légacasëꞌ.
16 Gulaꞌnnë́ꞌ:
―¿Nacxi gúntsaruꞌ quégaquiëꞌ bönniꞌ ni?
Le nácatë gulunëꞌ tu le run ga tuꞌbani bönachi,
ateꞌ nö́zigaca yúguꞌtë bönachi nacuáꞌ Jerusalén lë ni.
Bitiꞌ gaca táꞌbagaꞌruꞌ le.
17 Naꞌa,
para cabí sërö didzaꞌ,
en ilaꞌyöni ziánrö caꞌ bönachi,
uzeruꞌ bach légaquiëꞌ para cabí iluíꞌilenrëꞌ bönachi didzaꞌ ca naca queëꞌ Jesús naꞌ.
18 Níꞌirö buluꞌlidzëꞌ Pedro,
en Juan,
ateꞌ buluꞌzenëꞌ bach légaquiëꞌ para cabí iluíꞌilenrëꞌ bönachi didzaꞌ,
en para cabí uluꞌsédinëꞌ légaquiëꞌ ca naca queëꞌ Jesús.
19 Níꞌirö buluꞌbiꞌë didzaꞌ Pedro,
en Juan.
Gulë́ꞌ légaquiëꞌ:
―Buliꞌchiꞌa buliꞌsörö́ libíꞌiliꞌ channö naca tsahuiꞌ lahuëꞌ Dios uzërö nágatuꞌ xtídzaꞌliꞌ libíꞌiliꞌ ca xtídzëꞌë Dios.
20 ¡Bitiꞌ gaca soa dxituꞌ!
¡Run bayudxi güíꞌituꞌ didzaꞌ que le biléꞌetuꞌ,
en le biyö́nituꞌ!
21 Níꞌirö yuguꞌ bönniꞌ yudoꞌ tuꞌchiꞌa tuꞌsörö́ëꞌ buluꞌzenëꞌ bach légaquiëꞌ,
pero buluꞌsanëꞌ légaquiëꞌ tuꞌ cabí gulaꞌdzö́linëꞌ nacxi ilunëꞌ légaquiëꞌ xíguiaꞌ.
Caní gulunëꞌ tuꞌ guládxinëꞌ le ilún bönachi lu yödzö niꞌ,
tuꞌ taꞌgúꞌu Dios yöl-laꞌ ba niꞌa que lë naꞌ guca.
22 Bönniꞌ naꞌ böáquiëꞌ,
en guca queëꞌ lë naꞌ run ga rubániruꞌ,
chiyúꞌurëꞌ ca choáꞌ iz.
Taꞌnábinëꞌ Dios gunëꞌ ga ilácagaquiëꞌ rugu ladxiꞌ
23 Cateꞌ bönniꞌ yudoꞌ buluꞌsanëꞌ Pedro,
en Juan,
bö́ajgaquiëꞌ ga naꞌ nacuꞌë luzáꞌagaquiëꞌ,
ateꞌ buluꞌsiyönnëꞌ légaquiëꞌ yúguꞌtë lë naꞌ gulaꞌnnë́ꞌ yuguꞌ bixúz unná bëꞌ,
en bönniꞌ gula tuꞌzéajniꞌinëꞌ bönachi judío.
24 Cateꞌ bilaꞌyönnëꞌ lë ni,
buluꞌlidzëꞌ Dios tsözxö́n,
gulaꞌnnë́ꞌ:
―Xantuꞌ Dios,
¡zxö́ntërö nacuꞌ Liꞌ!
¡Liꞌ nacuꞌ Dios!
¡Benuꞌ lúzxiba!
¡Benuꞌ luyú!
¡Benuꞌ nísadoꞌ!
¡Benuꞌ yúguꞌtë le nacuáꞌ tu tu lataj naꞌ!
25 Uláz quiuꞌ Liꞌ bëꞌë didzaꞌ David,
bönniꞌ huen dxin quiuꞌ,
niꞌ zóalenëꞌ Dios Böꞌ Láꞌayi lëꞌ,
gunnë́ꞌ:
¿Bizx que tun dzatsa bönachi,
en taꞌzáꞌ ládxiꞌgaca le ruáꞌ döꞌ?
26 Yuguꞌ bönniꞌ taꞌnná bëꞌë yödzölió ni gulún dzatsëꞌ,
ateꞌ guláquiëꞌ tuz bönniꞌ unná bëꞌ.
Gulaꞌdáꞌbáguëꞌë Xanruꞌ Dios,
encaꞌ Cristo,
bönniꞌ gurö́ cazëꞌ Lëꞌ.
27 ’Le nácatë guláquiëꞌ tuz Herodes,
en Poncio Pilato,
en yuguꞌ bönniꞌ izáꞌa,
en yuguꞌ bönniꞌ Israel lu yödzö ni.
Gulaꞌdáꞌbáguëꞌë Jesús,
Zxíꞌinuꞌ láꞌayi,
Bönniꞌ naꞌ buzúꞌ queë́tuꞌ.
28 Gulunëꞌ yúguꞌtë le bucözuꞌ zíꞌatëlö,
en guzxíꞌ lu noꞌo,
ateꞌ guca ca naꞌ benuꞌ tsutsu xtídzuꞌu ca ral-laꞌ gaca.
29 Naꞌa,
Xantuꞌ,
buyú le tuꞌzenëꞌ bach netuꞌ,
en ben ga gácatuꞌ rugu ladxiꞌ,
para güíꞌituꞌ xtídzuꞌu,
netuꞌ bönniꞌ huen dxin quiuꞌ.
30 Ben ga gaca úngacatuꞌ nupa teꞌe,
tuꞌ sóalen yöl-laꞌ huáca quiuꞌ netuꞌ,
en ben ga gaca gúngacatuꞌ le ilún ga ubánituꞌ,
en le ilaca bëꞌ.
Gaca caní tuꞌ zóalenëꞌ Jesús,
Zxíꞌinuꞌ láꞌayi,
netuꞌ.
¡Caꞌ gaca!
31 Cateꞌ budxi buluꞌlidzëꞌ Dios,
guzxizi lataj ga naꞌ nacuꞌë,
ateꞌ Dios Böꞌ Láꞌayi guzóalenëꞌ yúguꞌtëꞌ,
ateꞌ len yöl-laꞌ rugu ladxiꞌ quégaquiëꞌ guluꞌë xtídzëꞌë Dios.
Tuꞌúnëꞌ tuz le dë quégaquiëꞌ
32 Bönachi zián naꞌ taꞌyéajlëꞌ Cristo,
tuz ca taꞌzáꞌ ládxiꞌguequi,
en tuz ca gulúngaca.
Bitiꞌ gunnë́ꞌ nu bönniꞌ nútsëꞌë ládjagaquiëꞌ nequi queë́zëꞌ le dë queëꞌ,
pero buluꞌúnëꞌ tuz le dë quégaquiëꞌ.
33 Len yöl-laꞌ huáca zxön gulaꞌguíxjöꞌë gubáz naꞌ nasö́l-lëꞌë Xanruꞌ Jesús ca bubanëꞌ Lëꞌ,
ateꞌ le buzáꞌ ládxëꞌë Dios quégaquiëꞌ gúcalen yúguꞌtëꞌ.
34 Cuntu nu bi biyadzaj nu nutsaꞌ ládjagaquiëꞌ.
Caní guca tuꞌ yúguꞌtë bönniꞌ zoa bi dë quégaquiëꞌ,
xiyúgaquiëꞌ,
o lídxigaquiëꞌ,
gulútiꞌë le,
ateꞌ dumí que naꞌ yöjuáꞌgaquiëꞌ,
35 en buluꞌdödëꞌ le lu náꞌagaquiëꞌ gubáz naꞌ nasö́l-lëꞌë Cristo,
ateꞌ légaquiëꞌ gulaꞌguísiëꞌ le que queë́gaca nupa bi biyadzaj quéguequi.
36 Zoëꞌ José niꞌ,
bönniꞌ buluꞌzóëꞌ gubáz naꞌ nasö́l-lëꞌë Cristo iaꞌtú lëꞌ Bernabé,
le rnna lu didzaꞌ xidzaꞌ,
Bönniꞌ Ruhuë́ Tsáhuëꞌë.
Nabábalenëꞌ zxíꞌini xiꞌsóëꞌ Leví,
en guljëꞌ luyú Chipre.
37 Bë́tiꞌë bönniꞌ ni tu cöꞌ xiyúëꞌ,
ateꞌ yöjuꞌë dumí que naꞌ,
en budödëꞌ le lu náꞌagaquiëꞌ gubáz naꞌ nasö́l-lëꞌë Cristo.