Bönniꞌ böchiꞌ cazëꞌ Jesús bitiꞌ taꞌyéajlëꞌë Lëꞌ
7
Gudödi guca lë ni ridë́ꞌ Jesús luyú Galilea.
Bitiꞌ gúꞌunnëꞌ tsejëꞌ luyú Judea tuꞌ të́ꞌënnëꞌ bönniꞌ judío unná bëꞌ nacuꞌë niꞌ ilútiëꞌ Lëꞌ.
2 Dza niꞌ chizóa idxín laní quégaquiëꞌ bönniꞌ judío cateꞌ tuꞌsubanëꞌ ca gulaꞌcuꞌë xuz xtóꞌogaquiëꞌ zxan libín lágaꞌdoꞌ.
Los líderes judíos quieren matar a Jesús (Juan 7.1-24)
―Birúaj ni,
en guyéaj luyú Judea para ilaꞌléꞌenëꞌ caꞌ bönniꞌ usëda quiuꞌ nacuꞌë niꞌ yuguꞌ yöl-laꞌ huáca runuꞌ.
4 Channö rë́ꞌënëꞌ nu bönniꞌ ilúnbëꞌe bönachi lëꞌ,
bitiꞌ runëꞌ bagáchiꞌsö le runëꞌ.
Tuꞌ runuꞌ yuguꞌ yöl-laꞌ huáca caní,
buluíꞌi cuinuꞌ lógaca yúguꞌtë bönachi.
―Bitiꞌ ridxini dza quiaꞌ para uluíꞌi lahuaꞌ lógaca bönachi,
pero dza queë́liꞌ tséajliꞌ niꞌ chizóa caz.
7 Bönachi yödzölió ni bitiꞌ tuꞌzóa libíꞌiliꞌ tsöláꞌalö,
pero tuꞌzóa nedaꞌ tsöláꞌalö tuꞌ runaꞌ ba nalí quégaquiëꞌ,
rnníaꞌ naca xihuiꞌ le tunëꞌ.
8 Guliꞌtséaj libíꞌiliꞌ laní naꞌ.
Bitiꞌ tsejaꞌ laní naꞌ naꞌa tuꞌ bitiꞌ ridxini dza quiaꞌ.
9 Cateꞌ chigudxëꞌ légaquiëꞌ lë ni,
bugáꞌanëꞌ luyú Galilea.
Saꞌyéajëꞌ Jesús laní quégaca bönachi judío
10 Gudödi söjáquiëꞌ bönniꞌ bö́chëꞌë Jesús laní naꞌ,
níꞌirö saꞌyéajëꞌ caꞌ Lëꞌ,
calëga yálajdoꞌ,
pero bagáchiꞌsö saꞌyéajëꞌ.
11 Ga naꞌ raca laní naꞌ,
buluꞌguiljëꞌ bönniꞌ judío unná bëꞌ Jesús,
taꞌnnë́ꞌ:
―¿Gazxi zoëꞌ bönniꞌ naꞌ?
12 Bönachi zián niꞌ guluíꞌidaꞌ didzaꞌ ca naca queëꞌ Jesús.
Bal-lëꞌ taꞌnnë́ꞌ:
―Náquiëꞌ dxiꞌa.
Iaꞌbal-lëꞌ taꞌnnë́ꞌ:
―Bitiꞌ náquiëꞌ dxiꞌa tuꞌ rizíꞌ yéꞌenëꞌ bönachi.
13 Bitiꞌ bëꞌë nitúëꞌ bönniꞌ didzaꞌ yálajdoꞌ ca naca queëꞌ Jesús,
tuꞌ tadxi bönachi zián naꞌ le ilunëꞌ yuguꞌ bönniꞌ judío unná bëꞌ.
14 Cateꞌ chibidxín gatsaj laní naꞌ,
blëꞌë Jesús raꞌ yudoꞌ,
en busédinëꞌ bönachi nacuáꞌ niꞌ.
15 Buluꞌbáninëꞌ bönniꞌ judío,
taꞌnnë́ꞌ:
―¿Nacxi caz naca,
rácadëꞌë bönniꞌ ni,
en bitiꞌ caꞌ nazëdëꞌ que yudoꞌ?
16 Bubiꞌë didzaꞌ Jesús,
rëꞌ légaquiëꞌ:
―Le rusédidaꞌ nedaꞌ,
calëga quiaꞌ naca,
pero queëꞌ Dios Xuz naꞌ nasö́l-lëꞌë nedaꞌ.
17 Channö rë́ꞌënëꞌ nu bönniꞌ gunëꞌ ca rë́ꞌënëꞌ Dios,
huéquibeꞌenëꞌ bönniꞌ naꞌ channö nequi queëꞌ Dios le rusédidaꞌ bönachi o channö rácasö quiaꞌ ruáꞌa didzaꞌ.
18 Nu bönniꞌ ruꞌë didzaꞌ rácasö queëꞌ,
runëꞌ caní para ilún bal bönachi lëꞌ,
pero Bönniꞌ naꞌ rë́ꞌënëꞌ ilún bönachi bal Nu nasöl-laꞌ lëꞌ,
Bönniꞌ ni ruꞌë didzaꞌ idútë li,
en bitiꞌ caꞌ rizíꞌ yëꞌë.
19 ’Moisés bennëꞌ queë́liꞌ xibá queëꞌ Dios,
pero bitiꞌ runliꞌ ca rinná bëꞌ xibá naꞌ.
¿Bizx que rizóa ribö́ꞌöliꞌ gútiliꞌ nedaꞌ?
20 Buluꞌbíꞌi didzaꞌ bönachi zián naꞌ,
të Lëꞌ:
―Tuꞌ xihuiꞌ dzaga liꞌ.
¿Nuzxi caz rizóa ribö́ꞌö guti liꞌ?
21 Bubiꞌë didzaꞌ Jesús,
rëꞌ légaquiëꞌ:
―Tu yöl-laꞌ huáca benaꞌ,
ateꞌ rubániliꞌ yúguꞌtëliꞌ.
22 Le nácatë Moisés bennëꞌ queë́liꞌ lë naꞌ narugu lu xipë́laꞌliꞌ le naca bëꞌ,
pero calëga Moisés caz bennëꞌ queë́liꞌ lë naꞌ,
pero guzxiꞌë le lu náꞌagaquiëꞌ xuz xtáꞌahuëꞌ.
Naꞌa,
sal-laꞌ naca dza láꞌayi,
richúguliꞌ lu xipë́laꞌgacabiꞌ biꞌi bö́nniꞌdoꞌ lë naꞌ naca bëꞌ néquiguequibiꞌ queëꞌ Dios.
23 Channö taꞌzíꞌibiꞌ lu xipë́laꞌgacabiꞌ lë naꞌ naca bëꞌ cateꞌ naca dza láꞌayi,
para cabí quítsjaliꞌ xibá queëꞌ Moisés,
¿naruꞌ rilétseliꞌ nedaꞌ tuꞌ bunaꞌ-nëꞌ tu bönniꞌ,
ateꞌ böáquiëꞌ dxíꞌadoꞌ cateꞌ naca dza láꞌayi?
24 Bitiꞌ ral-laꞌ uchiꞌa usörö́ líziliꞌ caꞌ,
pero buliꞌchiꞌa buliꞌsörö́ ca naca le naca idútë li.
Riguíxjöꞌë Jesús ga narúajëꞌ
25 Níꞌirö guluꞌë didzaꞌ bal-lëꞌ bönniꞌ nacuꞌë Jerusalén,
taꞌnnë́ꞌ:
―¿Naruꞌ calëga bönniꞌ ni Nu naꞌ tuꞌguiljëꞌ bönniꞌ judío unná bëꞌ para ilútiëꞌ Lëꞌ?
Los líderes tratan de arrestar a Jesús (Juan 7.25-53)
26 Buliꞌyútsöcaꞌ,
yálajdoꞌ ruꞌë didzaꞌ,
en bitiꞌ bi tëꞌ Lëꞌ.
¿Naruꞌ téquibeꞌenëꞌ bönniꞌ taꞌnná béꞌenëꞌ rëꞌu,
le nácatë bönniꞌ ni náquiëꞌ Cristo,
Nu naꞌ ral-laꞌ inná beꞌe rëꞌu?
27 Bönniꞌ ni,
nöz quéziruꞌ gazxi bönniꞌ Lëꞌ.
Cateꞌ guídëꞌ Cristo,
cuntu nu inözi gazxi bönniꞌ Lëꞌ.
28 Niꞌ zoëꞌ Jesús rusédinëꞌ bönachi chila yudoꞌ,
en cateꞌ biyönnëꞌ didzaꞌ ni,
níꞌirö bëꞌë zidzaj didzaꞌ,
rnnëꞌ:
―¿Naruꞌ núnbeꞌetseliꞌ nedaꞌ,
en nö́zitseliꞌ gazxi bönniꞌ nedaꞌ?
Bidaꞌ ni,
calëga rácasö quiaꞌ,
pero Dios caz nasö́l-lëꞌë nedaꞌ,
ateꞌ Lëꞌ,
bitiꞌ núnbëꞌëliꞌ-nëꞌ libíꞌiliꞌ.
29 Nedaꞌ núnbeꞌedaꞌ-nëꞌ,
tuꞌ zaꞌa queëꞌ Lëꞌ,
ateꞌ Lë cazëꞌ nasö́l-lëꞌë nedaꞌ.
30 Níꞌirö gulunëꞌ bayudxi ilaꞌzönëꞌ Lëꞌ,
pero cuntu nu guzxö́n Lëꞌ,
tuꞌ cabí ridxini dza queëꞌ tsuꞌë lu náꞌagaquiëꞌ.
31 Gulaꞌyéajlëꞌ zián bönachi niꞌ Lëꞌ,
taꞌnná:
―Cateꞌ guídëꞌ Cristo,
¿naruꞌ gunëꞌ ziánrö yöl-laꞌ huáca ca le runëꞌ bönniꞌ ni?
Bönniꞌ yudoꞌ taꞌsö́l-lëꞌë nupa ilaꞌzö́n Jesús
32 Bilaꞌyönnëꞌ bönniꞌ yudoꞌ fariseo yuguꞌ didzaꞌ ni tuíꞌi bönachi ca naca queëꞌ Jesús,
ateꞌ yuguꞌ bixúz unná bëꞌ,
en yuguꞌ bönniꞌ yudoꞌ fariseo naꞌ gulaꞌsö́l-lëꞌë niꞌa náꞌagaquiëꞌ para tsöjxö́ngaquiëꞌ Lëꞌ.
33 Níꞌirö Jesús gunnë́ꞌ:
―Iaꞌtú chíꞌisö sóalenaꞌ libíꞌiliꞌ,
ateꞌ níꞌirö huöjaꞌ ga zoëꞌ Xuzaꞌ nasö́l-lëꞌë nedaꞌ.
34 Uguíljaliꞌ nedaꞌ,
pero bitiꞌ udzö́liliꞌ nedaꞌ.
Ga niꞌ tsöjsóaꞌ nedaꞌ bitiꞌ gaca guídaliꞌ libíꞌiliꞌ.
35 Níꞌirö tëꞌ luzáꞌagaquiëꞌ bönniꞌ judío,
taꞌnnë́ꞌ:
―¿Gazxi tséajtsëꞌ bönniꞌ ni,
ga niꞌ bitiꞌ udzö́liruꞌ-nëꞌ?
¿Naruꞌ huayéajtsëꞌ ga nacuꞌë bönniꞌ judío násilasigaquiëꞌ idútë yödzölió,
en usédinëꞌ yuguꞌ bönniꞌ ziꞌtuꞌ niꞌ?
36 ¿Bizxi rë́ꞌëni inná didzaꞌ naꞌ bëꞌë:
“Uguíljaliꞌ nedaꞌ,
pero bitiꞌ udzö́liliꞌ nedaꞌ”,
encaꞌ:
“Ga niꞌ tsöjsóaꞌ nedaꞌ bitiꞌ gaca guídaliꞌ libíꞌiliꞌ”?
Nisa yegu le runna yöl-laꞌ naꞌbán queë́ruꞌ
37 Cateꞌ niꞌ naca dza údxi que laní naꞌ,
dza naꞌ naca lo,
guzuínëꞌ Jesús,
en bëꞌë zidzaj didzaꞌ,
rnnëꞌ:
―Channö zoëꞌ nu bönniꞌ ribidxi icja ládxiꞌdaꞌahuëꞌ,
ral-laꞌ guídëꞌ bönniꞌ naꞌ ga zoaꞌ,
en guíꞌjëꞌ.
38 Nu bönniꞌ réajlëꞌë nedaꞌ,
gaca queëꞌ ca naꞌ nazúaj lu guichi láꞌayi,
rnna:
Lu icja ládxiꞌdaꞌahuëꞌ bönniꞌ naꞌ ilén le naca ca nisa yegu,
lë naꞌ uluꞌzíꞌ xibé bönachi,
gataꞌ yöl-laꞌ naꞌbán quéguequi.
39 Didzaꞌ ni bëꞌë Jesús ca naca queëꞌ Dios Böꞌ Láꞌayi,
Nu ral-laꞌ idisóalen bönniꞌ naꞌ ilaꞌyéajlëꞌë Jesús.
Caní gunnë́ꞌ Jesús tuꞌ cabí ridxíninëꞌ Dios Böꞌ Láꞌayi,
tuꞌ cabí ruhuë́pinëꞌ Jesús ga tsë́pisëtërëꞌ.
Taꞌrúaj choplö bönachi
40 Cateꞌ bilaꞌyöni didzaꞌ ni,
gulaꞌnná bal-la bönachi zián naꞌ,
taꞌnná:
―Le nácatë Bönniꞌ ni náquiëꞌ Bönniꞌ naꞌ ruꞌë didzaꞌ uláz queëꞌ Dios,
Bönniꞌ naꞌ guzxíꞌ lu nëꞌë Dios isö́l-lëꞌë queë́ruꞌ.
41 Taꞌnnë́ꞌ iaꞌbal-lëꞌ:
―Bönniꞌ ni náquiëꞌ Cristo.
Taꞌnná bal-la bönachi:
―¿Naruꞌ irúajtsëꞌ Cristo luyú Galilea?
42 Nazúaj lu guichi láꞌayi le rnna:
“Cristo galjëꞌ ladaj diꞌa dza queëꞌ David,
en gáquiëꞌ caꞌ bönniꞌ Belén le guca ladzëꞌ David naꞌ.”
43 Caní guca,
bilaꞌrúaj bönachi naꞌ choplö tuꞌ nö́zinëꞌ Jesús.
44 Të́ꞌënnëꞌ bal-lëꞌ ilaꞌzönëꞌ Jesús,
pero cuntu nu bi ben queëꞌ.
Bitiꞌ taꞌyéajlëꞌë Jesús bönniꞌ unná bëꞌ
45 Níꞌirö buluꞌdxinëꞌ niꞌa náꞌagaquiëꞌ yuguꞌ bixúz unná bëꞌ,
en yuguꞌ bönniꞌ yudoꞌ fariseo ga naꞌ nacuꞌë bönniꞌ yudoꞌ naꞌ,
ateꞌ légaquiëꞌ gulë́ꞌ niꞌa náꞌagaquiëꞌ naꞌ,
taꞌnnë́ꞌ:
―¿Bizx que bitiꞌ dichë́ꞌëliꞌ-nëꞌ?
46 Buluꞌbiꞌë didzaꞌ niꞌa náꞌagaquiëꞌ,
taꞌnnë́ꞌ:
―Cuntu nu bönniꞌ ruꞌë didzaꞌ ca ruꞌë didzaꞌ Bönniꞌ ni.
47 Níꞌirö buluꞌbiꞌë didzaꞌ bönniꞌ yudoꞌ fariseo naꞌ,
taꞌnnë́ꞌ:
―¿Naruꞌ bë́ꞌtsaliꞌ lataj guzxíꞌ yéꞌenëꞌ caꞌ libíꞌiliꞌ?
48 ¿Naruꞌ guyéajlëꞌtsëꞌ Lëꞌ nu bönniꞌ unná bëꞌ o nu bönniꞌ yudoꞌ fariseo?
49 Libíꞌiliꞌ dxíaliꞌ döꞌ tuꞌ cabí rácaliꞌ xibá queëꞌ Dios.
50 Zoëꞌ caꞌ Nicodemo niꞌ,
bönniꞌ naꞌ bidxinëꞌ ga zoëꞌ Jesús chiꞌi dzö́ꞌölö,
tuꞌ náquiëꞌ caꞌ bönniꞌ yudoꞌ fariseo,
ateꞌ rëꞌ légaquiëꞌ:
51 ―¿Naruꞌ richúguruꞌ queëꞌ tu bönniꞌ gátiëꞌ lu xibá queë́ruꞌ channö cabí yö́niruꞌ lëꞌ zíꞌalö para inö́ziruꞌ bi benëꞌ?
52 Níꞌirö buluꞌbiꞌë didzaꞌ iaꞌzícaꞌrëꞌ naꞌ,
tëꞌ lëꞌ:
―¿Nácatsoꞌ caꞌ liꞌ bönniꞌ Galilea?
Bulaba le nazúaj lu guichi láꞌayi,
ateꞌ uyúꞌ catu caz birúaj nitúëꞌ bönniꞌ ruꞌë didzaꞌ uláz queëꞌ Dios luyú Galilea.
53 Níꞌirö yöjhuö́jgaquiëꞌ lidxi que queë́gaquiëꞌ.