Jesúzaꞌ nakeꞌ nezaꞌ chillin kwit X̱eꞌ Chiozaꞌ
14
Bi gakshejlallꞌle. Ḻi gonḻilallꞌ Chiozaꞌ naꞌ ḻekzkaꞌ ḻi gonḻilallꞌ nadꞌ.
2 Lill xḻatj X̱aꞌnaꞌ dii xen latj de. Sheḻꞌ bi nakan kaꞌ, ba wniaꞌ leꞌ kaꞌ, sheḻꞌkaꞌ. Naꞌ ṉaa yiyaa lljayenshawaa ganaꞌ yidzoale.
El único camino a Dios (Juan 14.1-14)
3 Naꞌ katꞌ ba benshawaan, naꞌch yiyedꞌ yidxiaꞌ leꞌ kwenc̱he lenle soale ganaꞌ zoaꞌ.
4 Naꞌ ba nombiaꞌle nezaꞌ daa chillin ganaꞌ lljazoaꞌ.
5 Naꞌch Tomázaꞌ chiꞌeneꞌ:
―X̱anꞌ, bi ṉezintoꞌ gan yiyajoꞌ. ¿Nakran gonntoꞌ yillelintoꞌ nezaꞌ?
6 Naꞌ cheꞌ Jesúzaꞌneꞌ:
―Nadaanꞌ nezaꞌ daa chillin lao Chiozaꞌ, naꞌ chliꞌa daa nak dii ḻi, naꞌ choꞌa beṉꞌ yeḻꞌ mban zejḻi kaṉi. Aga no yillin kwit X̱aꞌnaꞌ shi bi gonḻilallee nadꞌ.
7 Daa ba nombiaꞌle nadꞌ, lenkz X̱aꞌnanꞌ ba nombiaꞌle. Naꞌ ṉaa ba nombiaꞌleneꞌ naꞌ ba bleꞌileneꞌ.
8 Naꞌch cheꞌ Felípenaꞌneꞌ:
―X̱anꞌ, ben ka ileꞌintoꞌ X̱oꞌnaꞌ naꞌ x̱enlallꞌntoꞌ.
9 Naꞌch billii Jesúzaꞌ xtilleenaꞌ, chiꞌe:
―Felipe, ba wlla zoalenꞌ leꞌ, ¿anaꞌ bikzaṉꞌ gombiaꞌyeṉoo nadꞌ? Beenaꞌ ba bleꞌileꞌ nadꞌ ḻekzkaꞌ ba bleꞌileꞌ X̱aꞌnaꞌ. ¿Berac̱he chṉabzoꞌ gonꞌ ka ileꞌileneꞌ?
10 ¿Abi chajḻiꞌo zoalen X̱aꞌnaꞌ nadꞌ naꞌ nadꞌ zoalenee? Diikaꞌ niaꞌ leꞌ aga to biaꞌlozanꞌ chṉiaꞌn, san daa cheeni kwin X̱aꞌnaꞌ, beenaꞌ zoaleneꞌ nadꞌ, ḻennanꞌ choꞌa dillꞌ naꞌ ḻennanꞌ chonꞌ.
11 Ḻi shajḻeꞌ daa niaꞌ zoalen X̱aꞌnaꞌ nadꞌ, naꞌ nadꞌ zoalenꞌ ḻeꞌ. Naꞌ shi bi chajḻeꞌle dga niaꞌ, ḻaꞌc̱hꞌ ḻi shajḻeꞌ c̱haꞌ ni c̱he yeḻꞌ wakki chleꞌileꞌ chonꞌ.
12 Dii ḻi niaꞌ leꞌ, nottez beṉꞌ chonḻilallee nadꞌ, goneꞌ ka diikaꞌ chonꞌ. Naꞌ dii zakꞌtechi goneꞌ aga ka diikaꞌ chonꞌ, daa yiyaa kwit X̱aꞌnaꞌ.
13 Naꞌ gonꞌ bittez daa iṉabile X̱aꞌnaꞌ daa nakle nadꞌ txen kwenc̱he shoꞌe balaaṉ ni c̱haꞌ.
14 Nadꞌ gonꞌ bittezə daa iṉable daa nakle nadꞌ txen.
Bc̱heb Jesúzaꞌ wseḻee Espíritu Sántonaꞌ
15 ’Shi chakile nadꞌ, ḻi gon diikaꞌ nlliaꞌ biaꞌ gonle.
Jesús habla del Espíritu Santo (Juan 14.15-31)
16 Naꞌ iṉabidꞌ X̱aꞌnaꞌ wseḻee sto beṉꞌ gakleneꞌ leꞌ naꞌ soaleneꞌ leꞌ toshiizi.
17 Ḻenꞌ Espíritu Sántonaꞌ, beenaꞌ chliꞌ daa nak dii ḻi. Naꞌ beṉꞌ yell-lioki aga wak wlebgakeꞌneꞌ, ḻaꞌ bi chleꞌgakileꞌneꞌ ni bi nombiaꞌgakeꞌneꞌ. San leꞌ, ba nombiaꞌleneꞌ daa zoaleneꞌ leꞌ naꞌ soeꞌ ḻoo yic̱hjlallꞌdoꞌlenaꞌ.
18 Aga wikwaaṉꞌ leꞌ ka biꞌ wizeb, san wiyedchꞌ soalenꞌ leꞌ.
19 Aga chllach bich ileꞌi beṉꞌ yell-lioni nadꞌ, san leꞌ wleꞌchkzile nadꞌ. Naꞌ daa mbanꞌ toshiizi, ḻekzkaꞌ leꞌ toshiizi ibanle.
20 Katꞌ illin llanaꞌ niaꞌ kaꞌ, naꞌ gakbeꞌile zoalenꞌ X̱aꞌnaꞌ, naꞌ leꞌ zoalenle nadꞌ naꞌ nadꞌ zoalenꞌ leꞌ.
21 Nottez beṉꞌ chzenagueꞌ daa nlliaꞌ biaꞌ naꞌ choneꞌ ka nan, beenanꞌ chakileꞌ nadꞌ. Naꞌ beenaꞌ chakileꞌ nadꞌ, ḻekzkaꞌ gaki X̱aꞌnaꞌneꞌ, naꞌ nadꞌ ḻekzkaꞌ gakidee naꞌ gonꞌ kwenc̱he gombiaꞌcheꞌ nadꞌ.
22 Naꞌ Júdazaꞌ (beenaꞌ sto, aga Jud Scariotaꞌ,) chiꞌeneꞌ:
―X̱anꞌ, ¿berac̱he to netoꞌz gonzoꞌ ka gombiaꞌchntoꞌ liꞌ naꞌ bi len beṉꞌ yell-lioki, beṉꞌkaꞌ bi chonḻilallꞌgakeꞌ liꞌ?
23 Naꞌ billii Jesúzaꞌ xtilleenaꞌ:
―Beenaꞌ chakileꞌ nadꞌ, wzoeꞌ xtillaa, naꞌ X̱aꞌnaꞌ gakileꞌneꞌ, naꞌ nadꞌ kon X̱aꞌnaꞌ yidsoalenntoꞌneꞌ.
24 Naꞌ beenaꞌ bi chakileꞌ nadꞌ, bi chzoeꞌ xtillaa. Naꞌ diikaꞌ chliꞌ chsedidꞌ aga dii chyiljlallzaan, san X̱aꞌnaꞌ, beenaꞌ bseḻꞌ nadꞌ, chzajniileꞌn nadꞌ.
25 ’Yogꞌ diiki choeꞌlenꞌ leꞌ dillꞌ ṉaa shlak ni zoalenꞌ leꞌ.
26 Naꞌ katꞌ bich soaꞌ len leꞌ, Espíritu Sántonaꞌ, beenaꞌ wseḻꞌ X̱aꞌnaꞌ, gakleneꞌ leꞌ naꞌ wzajniileꞌ leꞌ yogꞌ dii chiyaḻꞌ iṉezile, naꞌ goneꞌ ka lljadinile yogꞌ diikaꞌ ba wniaꞌ leꞌ.
27 ’Yeḻꞌ mbalazaꞌ chkwaaṉlenaꞌn leꞌ. Naꞌ yeḻꞌ mbalaz c̱haꞌnaꞌ choṉꞌ leꞌ bi nakan ka yeḻꞌ mbalaz c̱he beṉꞌ yell-liokaꞌ. Bi gakshejlallꞌle, ni bi gall illeble.
28 Ba benkzile niaꞌ yiyaa ganaꞌ zoa X̱aꞌnaꞌ naꞌ ḻekzkaꞌ wiyedchkzꞌ yidzoalenꞌ leꞌ. Naꞌ shi chakile nadꞌ, chiyaḻꞌ yibaile daa yiyaa ganaꞌ zoa X̱aꞌnaꞌ, ḻaꞌ zakꞌcheꞌ aga ka nadꞌ.
29 Naꞌ ba niaꞌ leꞌ diiki ziꞌ gak kwenc̱he katꞌ gakan shajḻeꞌle.