Beṉꞌkaꞌ nak beṉꞌ bishꞌ golj Jesúzaꞌ bi wyajḻeꞌgakeꞌ c̱heꞌ
7
Ka wde dga, Jesúzaꞌ wdeꞌ doxen ganaꞌ mbani Galileanaꞌ. Ḻaꞌ bi goklallee shajeꞌ ganaꞌ mbani Judeanaꞌ daa cheeni beṉꞌ wṉabiaꞌ c̱he beṉꞌ Israelkaꞌ witgakeꞌneꞌ.
2 Naꞌ ka ba zoa gaḻꞌ lṉi c̱he ranshdoꞌkaꞌ daa chon beṉꞌ Israelkaꞌ yogꞌ yiz,
Los líderes judíos quieren matar a Jesús (Juan 7.1-24)
―Bi yigaaṉoꞌ nizə, san wyaj Judeanaꞌ kwenc̱he beṉꞌkaꞌ ba non liꞌ txen ileꞌgakileꞌ yeḻꞌ wakkaꞌ chonoꞌ.
4 Ḻaꞌ beenaꞌ cheeni seyi c̱heꞌ, aga chkwashee diikaꞌ choneꞌ. Bachgali chonoꞌ yeḻꞌ wakki, jentegan lao yogꞌḻoḻ beṉꞌ.
―Biṉꞌ illin lla illin gor gonꞌ daa llia biaꞌ gonꞌ. San leꞌ, batꞌtez wak shajle.
7 Beṉꞌ yell-lioki bibi de dii gonan ka gakzbangakileꞌ leꞌ, san nadaan chakzbangakileꞌ daa chepgakee malanꞌ chongakeꞌ.
8 Ḻi shaj leꞌ lṉinaꞌ. San nadꞌ bi saa, ḻaꞌ biṉꞌ illin lla illin gor gak c̱haꞌ daa llia biaꞌ.
9 Biyoll golleꞌ ḻegakeꞌ kaꞌ naꞌ bigaaṉeꞌ Galileanaꞌ zi xtit.
Wyaj Jesúzaꞌ lṉinaꞌ
10 Naꞌ ka wde wzaꞌ beṉꞌ bisheekaꞌ, ḻekzkaꞌ wzee wyajeꞌ lṉinaꞌ do ngashꞌz.
11 Naꞌ beṉꞌkaꞌ chṉabiaꞌ beṉꞌ Israelkaꞌ chiyiljgakeꞌneꞌ lo lṉinaꞌ, cheꞌ ljwellgakeꞌ:
―¿Garaṉzi beenaꞌ, lla?
12 Naꞌ ladj beṉꞌkaꞌ lleꞌ lṉinaꞌ, beṉꞌ zan choeꞌgakeꞌ xtillꞌ Jesúzaꞌ. Baḻeꞌ cheꞌ: “Nakeꞌ beṉꞌ wen.” Naꞌ zi baḻeꞌ cheꞌ: “Bi nakeꞌ beṉꞌ wen, ḻaꞌ chdazeꞌ chziyee beṉꞌ.”
13 Per ni to kono biyaxji weꞌ xtillꞌ Jesúzaꞌ ka nḻaꞌz daa chllebgakeꞌ beṉꞌkaꞌ chṉabiaꞌ beṉꞌ Israelkaꞌ.
14 Naꞌ ba zej shoṉ tap lla chak lṉinaꞌ ka bllin Jesúzaꞌ ganaꞌ zoa yoodoꞌnaꞌ naꞌ wzoloeꞌ chliꞌ chsedileꞌ beṉꞌ.
15 Naꞌ chibani beṉꞌ Israelkaꞌ, naꞌ cheꞌ ljwelleꞌ:
―¿Nakra chak chliꞌ chsedi beeni beṉꞌ, len aga bi nsedeꞌ?
16 Naꞌ cheꞌ Jesúzaꞌ ḻegakeꞌ:
―Diikaꞌ chliꞌ chsedidꞌ aga nakan dii chyiljlallꞌzꞌ, san beenaꞌ bseḻꞌ nadꞌ, ḻenꞌ bliꞌ bsedileꞌ nadꞌ diiki.
17 Nottez beṉꞌ cheenileꞌ goneꞌ ka cheeni Chiozaꞌ, wakbeꞌileꞌ shi daa chliꞌ chsedidꞌ nakan c̱he Chios wa shi nakan dii chyiljlallꞌzꞌ.
18 Beenaꞌ tobiaꞌlozeꞌ choꞌe xtillee, balaaṉ c̱he kwinzenꞌ chyiljeꞌ, san beenaꞌ chyiljeꞌ shoꞌ beenaꞌ bseḻꞌ ḻeꞌ balaaṉ, ḻenꞌ choꞌe dillꞌ ḻi, naꞌ aga bi dillꞌ wxiyeꞌ choꞌe.
19 ’Dii Moisézaꞌ beṉeꞌ leꞌ ley c̱he Chiozaꞌ, naꞌ ni tole bi chonle ka nllian biaꞌ gonle. ¿Bic̱he cheenzile witle nadꞌ?
20 Naꞌch beṉꞌkaꞌ lleꞌ naꞌ cheꞌgakeꞌneꞌ:
―Dii x̱iwaan yoo noꞌ kaꞌ. ¿Noran cheeni wit liꞌ?
21 Naꞌ cheꞌ Jesúzaꞌ ḻegakeꞌ:
―Tochga yeḻꞌ wakaꞌ ba bleꞌile benꞌ llanaꞌ chombaaṉcho naꞌ yogꞌle chibanile.
22 Dii ḻi dii Moisézaꞌ beneꞌ byen yogꞌtele nakle beṉꞌ byo chiyaḻꞌ shoꞌle seṉ daa le circuncisión, ḻaꞌkzi aga ḻenꞌ wzololeneꞌn, san dii x̱ozxtoꞌlekaꞌten. Daan chgoole biꞌ byodoꞌkaꞌ seṉnaꞌ ḻaꞌkzi nakan lla chombaaṉcho.
23 Naꞌ shi choeꞌle latj shoꞌ biꞌ byodoꞌkaꞌ seṉ daa le circuncisión lo llanaꞌ chombaaṉcho kwenc̱he gak ka na leyaꞌ daa bzej dii Moisézaꞌ, ¿bic̱he chllaazle nadꞌ daa biyonꞌ to beṉꞌ llanaꞌ chombaaṉcho?
24 Bi wc̱hogḻizle c̱he beṉꞌ shi bi chleꞌile choneꞌ, san cheenin iṉezile nakyeṉꞌan nakan kwenc̱he weꞌle dillꞌ kon ka nakan.
Jesúzaꞌ wneꞌ zee ganaꞌ zoa Chiozaꞌ
25 Naꞌch baḻ beṉꞌ Jerusalénkaꞌ nagakeꞌ:
―¿Aaga beenin cheengakileꞌ witgakeꞌ, lla?
Los líderes tratan de arrestar a Jesús (Juan 7.25-53)
26 Ḻi wwia ka choꞌe dillꞌ ladj lkweꞌ beṉꞌ, naꞌ ni to kono bi cheꞌ. ¿Anti ba chajḻeꞌlzə beṉꞌ wṉabiaꞌkaꞌ nan dii ḻi beeni nakeꞌ Crístonaꞌ, beenaꞌ wseḻꞌ Chiozaꞌ iṉabiꞌe, lla?
27 Choꞌ ṉezicho ga beṉꞌ beeni. San katꞌ yid beenaꞌ nak Crístonaꞌ, ni to kono iṉezi galə zaꞌ beenaꞌ.
28 Jesúzaꞌ chliꞌ chsedileꞌ beṉꞌkaꞌ yoodoꞌnaꞌ, naꞌ ka benileꞌ daa wna beṉꞌkaꞌ c̱heꞌ, naꞌ wṉieꞌ zillj chiꞌe:
―Chakzile nombiaꞌle nadꞌ naꞌ ṉezile ga beṉꞌ nadꞌ. Aga zaa tolazzꞌ, san zoa beenaꞌ bseḻꞌ nadꞌ, beenaꞌ chon kon ka chc̱hebeꞌ goneꞌ. Naꞌ leꞌ bi nombiaꞌleneꞌ,
29 san nadꞌ nombiꞌaneꞌ, ḻaꞌ ganaꞌ zoenꞌ wzaa, naꞌ ḻenꞌ bseḻee nadꞌ.
30 Naꞌch baḻeꞌ goklallꞌgakeꞌ gox̱ꞌgakeꞌneꞌ, per ni toeꞌ bi bex̱ꞌ ḻeꞌ, ḻaꞌ biṉꞌ illin lla illin gor gak c̱heꞌ daa llia biaꞌ.
31 Naꞌ beṉꞌ zan wyajḻeꞌgakeꞌ c̱heꞌ, naꞌ wnagakeꞌ:
―Katꞌ yid beenaꞌ nak Crístonaꞌ, beenaꞌ wseḻꞌ Chiozaꞌ iṉabiꞌe, ¿awliꞌtechleꞌ yeḻꞌ wak aga ka daa chliꞌ beeni, lla?
Goklallꞌgakeꞌ gox̱ꞌgakeꞌ Jesúzaꞌ
32 Naꞌ fariseokaꞌ bengakileꞌ dillaa daa choeꞌ beṉꞌkaꞌ c̱he Jesúzaꞌ. Naꞌ ḻegakeꞌ len bx̱ozkaꞌ chṉabiaꞌ bseḻꞌgakeꞌ beṉꞌkaꞌ chap yoodoꞌnaꞌ kwenc̱he lljex̱ꞌgakeꞌ Jesúzaꞌ.
33 Naꞌ Jesúzaꞌ golleꞌ:
―Aga sshach soalenꞌ leꞌ, naꞌch yiyaa ganaꞌ zoa beenaꞌ bseḻꞌ nadꞌ.
34 Naꞌ yiyiljle nadꞌ per aga willelile nadꞌ daa bi gak yidle ganaꞌ lljazoaꞌ.
35 Naꞌch beṉꞌ Israelkaꞌ cheꞌ ljwellgakeꞌ:
―¿Garan yiyaj beeni naꞌ bich yillelichoneꞌ, lla? ¿Anti ganaꞌ lleꞌ beṉꞌ wlall c̱hechokaꞌ, beṉꞌkaꞌ lleꞌ lall beṉꞌ zitꞌkanꞌ shajeꞌ kwenc̱he lljasedileꞌ beṉꞌ griegokaꞌ, lla?
36 ¿Beran zejin daa neꞌ: “Yiyiljle nadꞌ, per aga willelile nadꞌ daa bi gak yidle ganaꞌ lljazoaꞌ”?
Espíritu c̱he Chiozaꞌ nakeꞌ ka nis yaa nis ban
37 Naꞌ llanaꞌ zeelo gok lṉinaꞌ, llanaꞌ nak lla choo lla xen, wzollaꞌ Jesúzaꞌ naꞌ wṉieꞌ zillj, chiꞌe:
―Shi nole chbiḻi, ḻi da yeejle nisaꞌ daa goṉꞌ leꞌ.
38 Naꞌ gak kon ka na Choꞌa Xtillꞌ Chiozaꞌ ganaꞌ nan beenaꞌ gonḻilallee nadꞌ, gak ḻoo yic̱hjlallꞌdoꞌenaꞌ ka ga chaltit nis yaa nis ban.
39 Naꞌ daa wna Jesúzaꞌ kaꞌ, zejin soa Espíritu c̱he Chiozaꞌ ḻoo yic̱hjlallꞌdoꞌ beenaꞌ gonḻilallꞌ ḻeꞌ. Ḻaꞌ ka goraꞌ biṉꞌ yidsoa Espíritunaꞌ ḻoo yic̱hjlallꞌdoꞌ beṉꞌ daa biṉꞌ shoꞌ Jesúzaꞌ balaaṉnaꞌ daa llia biaꞌ shoꞌe katꞌ yiyepeꞌ ganaꞌ zoa Chiozaꞌ.
Gok beṉꞌkaꞌ c̱hop shoṉ kwenlə
40 Naꞌ baḻ beṉꞌkaꞌ bengakileꞌ daa wna Jesúzaꞌ naꞌ wnagakeꞌ:
―Dii ḻi beeni nakeꞌ beenaꞌ llia biaꞌ yid kwenc̱he c̱hix̱jiꞌe daa cheꞌ Chiozaꞌneꞌ.
41 Naꞌ zi baḻeꞌ cheꞌgakeꞌ:
―Beenikzanꞌ Crístonaꞌ, beenaꞌ chbezcho wseḻꞌ Chiozaꞌ iṉabiꞌe.
Naꞌ zi baḻeꞌ cheꞌgakeꞌ:
―¿Achakile ladj beṉꞌ Galileakaꞌ ichej beenaꞌ wseḻꞌ Chiozaꞌ iṉabiꞌe?
42 Choꞌa xtillꞌ Chiozaꞌ nan lo dia c̱he dii Davinaꞌ galj beenaꞌ nak Crístonaꞌ, naꞌ gakeꞌ beṉꞌ yell Belén ka dii Davinaꞌ.
43 Kaꞌ gok, gokgakeꞌ c̱hop shoṉ kwenlə ni c̱he Jesúzaꞌ.
44 Baḻeꞌ goklallꞌgakeꞌ gox̱ꞌgakeꞌneꞌ, per ni toeꞌ bi biyaxji.
Beṉꞌkaꞌ wṉabiaꞌ beṉꞌ Israelkaꞌ bi wyajḻeꞌgakeꞌ c̱he Jesúzaꞌ
45 Naꞌch beṉꞌkaꞌ chap yoodoꞌnaꞌ billingakeꞌ ganaꞌ zoa fariseokaꞌ len bx̱ozkaꞌ chṉabiaꞌ. Naꞌch cheꞌgakeꞌ ḻegakeꞌ:
―¿Bic̱he bi bc̱heꞌleneꞌ?
46 Naꞌ beṉꞌkaꞌ chap yoodoꞌnaꞌ cheꞌgakeꞌ:
―Ni to konoṉꞌ weꞌ dillꞌ ka dillaa choeꞌ beenaꞌ.
47 Naꞌch cheꞌ fariseokaꞌ:
―¿Aḻekzkaꞌ lenle ba wxiyee?
48 Ni to beṉꞌ wṉabiaꞌ c̱hechokaꞌ, ni netoꞌ fariseo bi chajḻeꞌntoꞌ c̱heꞌ.
49 Per beṉꞌki bi nombiaꞌgakeꞌ leyaꞌ, ba wlliayiꞌgakeꞌ.
50 Naꞌ farisewaꞌ le Nicodemo, beenaꞌ wyaj lao Jesúzaꞌ waḻ-lə, chiꞌe ḻegakeꞌ:
51 ―Ley c̱hechonaꞌ nan aga wak wc̱hoglocho c̱he to beṉꞌ iṉacho choneꞌ mal shi biṉꞌ wzenagcho dillaa wiꞌe kwenc̱he iṉezicho bin choneꞌ. ¿Anti aga kanꞌ nakan?
52 Naꞌch cheꞌgakeꞌneꞌ:
―¿Aḻekzkaꞌ beṉꞌ Galilea liꞌ? Bsed kwenc̱he iṉeziloꞌ ni to beṉꞌ chyix̱jee daa cheꞌ Chiozaꞌneꞌ biṉꞌ ichej ganaꞌ mbani Galileanaꞌ.
53 Naꞌch billeshgakeꞌ ziyaj lill c̱he c̱hegakeꞌ.