Salmo 142
1 Nadꞌ chosyaa zillj chṉabꞌ yeḻꞌ goklen c̱he X̱ancho Chiozaꞌ,
naꞌ chosyaꞌidꞌ chṉabidee yiyeshꞌlallileꞌ nadꞌ.
2 Naꞌ laweꞌnaꞌ chawꞌ xya daa chak c̱haꞌ,
naꞌ chseesaa yeḻꞌ zakꞌziꞌkaꞌ chak c̱haꞌ.
3 Chios c̱haꞌ,
katꞌ zoaꞌ nyeshꞌ inlleb,
liꞌ ṉeziloꞌ ka chak c̱haꞌ.
Yawi nezaꞌ ganaꞌ chaj chdiaꞌ,
ba chiꞌnogakeꞌ nadꞌ.
4 Chwiaꞌ to ki to kaꞌlə
per kono zoa gaklen nadꞌ,
naꞌ kono zoa wllon nadꞌ.
Kokzno ze wṉeyi c̱haꞌ.
5 Linꞌ chṉabidꞌ yeḻꞌ goklennaꞌ,
Chios c̱haꞌ,
naꞌ niaꞌ liꞌ:
“Linꞌ nakoꞌ ka latjaꞌ ganaꞌ chkwashaa kwenc̱he kono bi goni nadꞌ;
liꞌchgan nonꞌ lez shlak de yeḻꞌ mban c̱haꞌni.”
6 Bzenaggach dga chṉabidꞌ liꞌ,
ḻaꞌ ḻe chzakꞌziꞌchgaꞌ.
Bislagach nadꞌ lao beṉꞌkaꞌ chlagdo nadꞌ,
ḻaꞌ nakchgakeꞌ beṉꞌ walch ka nadꞌ.
7 Bisell biḻaagach nadꞌ lawi diiki chak c̱haꞌ
kwenc̱he gak weꞌlawaa liꞌ.
Beṉꞌ wenkaꞌ yidiꞌa yillaggakeꞌ kwitii
katꞌ ba chiyonoꞌ wen c̱haꞌ.