Salmo 128
1 Chakomba liꞌ,
chall chlleboꞌ X̱ancho Chiozaꞌ
naꞌ chonoꞌ ka cheenileꞌ.
2 Siꞌo banez c̱he llinnaꞌ chonoꞌ,
naꞌ soꞌ mbalaz naꞌ gak wen c̱hoꞌ.
3 Nool c̱hoꞌnaꞌ gakeꞌ ḻoo yoo lilloꞌnaꞌ ka to yag uva dii ḻe lliachga
daa saneꞌ zan xiiṉoꞌkaꞌ.
Naꞌ ka xiiṉ yag olívonaꞌ daa chilaꞌ xaninnaꞌ,
kaꞌ gak xiiṉoꞌkaꞌ kweꞌ choꞌa mes c̱hoꞌnaꞌ.
4 Kaꞌ chonḻeey Chiozaꞌ beṉꞌkaꞌ chall chllebgakeꞌneꞌ.
5 X̱ancho Chiozaꞌ,
beenaꞌ zoa lill xḻatjeꞌnaꞌ lo yaa Siónnaꞌ,
gonḻeeyshgueꞌ liꞌ,
naꞌ siꞌo banez dii wen dii shawaa de yell Jerusalénnaꞌ shnon mbanoꞌ.
6 Yen ileꞌshgailoꞌ xiiṉ xsoꞌkaꞌ.
Soashga beṉꞌ Israelkaꞌ mbalaz.