Salmo 127
1 Shi X̱ancho Chiozaꞌ bi gakleneꞌ shaꞌ ibiṉ yoonaꞌ
bibi zjanayin chilaḻi beṉꞌkaꞌ chonan.
Shi X̱ancho Chiozaꞌ bi gap wiꞌe yellaꞌ,
bibi zjanayin lleꞌ beṉꞌkaꞌ chapgakeꞌn.
2 Bibi zjanayin c̱hascho ni baḻ goncho llinnaꞌ naꞌ wsancho ba wlleꞌ,
goktgui gatꞌ daa gaocho,
len ḻaꞌ Chiozaꞌ noneꞌ guescho zix̱ sia daa chakileꞌ choꞌ.
3 Xiiṉchokaꞌ chalj
nakgakbꞌ biꞌ chzani X̱ancho Chiozaꞌ choṉeꞌ choꞌ.
4 Ka xiskaꞌ chzaḻꞌ xis wix̱itꞌkaꞌ nox̱ꞌ beenaꞌ chaj lo wdiḻaꞌ,
kanꞌ nak xiiṉchokaꞌ chaljə katꞌ nakcho beṉꞌ wewꞌ.
5 ¡Chakomba beenaꞌ zoa zan xiiṉeꞌ!
Aga bi yeḻꞌ ztoꞌ siꞌe lao beṉꞌkaꞌ chakziꞌ chakzbangakileꞌneꞌ
katꞌkaꞌ gakdiḻ-lengakeꞌneꞌ lao beṉꞌkaꞌ chc̱hogbiaꞌ c̱he beṉꞌ.