Salmo 126
1 Kanaꞌ bisla X̱ancho Chiozaꞌ choꞌ lo ṉꞌia naꞌ beṉꞌ zitꞌkaꞌ naꞌ billincho yell Siónnaꞌ,
gokicho yelzan chṉeicho.
2 Naꞌch ḻe biba bizakicho
naꞌ ax̱t besyaayicho,
wditj bxillcho daa ḻe bibaicho.
Naꞌch beṉꞌkaꞌ bi nx̱enilallꞌ Chiozaꞌ wnagakeꞌ:
“Dii xen inlleb nak daa ba ben Chios c̱he beṉꞌki.”
3 Dii ḻi,
dii xen daa ba ben X̱ancho Chiozaꞌ c̱hecho,
naꞌ ḻe chibaicho.
4 Chios c̱haꞌ,
bengach ka yiyak wen c̱hentoꞌ sto shii,
ka chak c̱he yao billkaꞌ de ganaꞌ bibi chashj chḻeb katꞌ chak yejaꞌ.
5 Beṉꞌkaꞌ chakyeshii katꞌ chaz chaaṉgakeꞌ,
yiba yizakꞌgakileꞌ katꞌ yiziꞌ yilapgakeꞌ.
6 Ḻaꞌkzi chakyeshꞌgakileꞌ ka zej chazgakeꞌ,
katꞌ zizaꞌgakeꞌ zinlengakeꞌ daa biziꞌ bilapgakeꞌ ax̱t choḻ chx̱aoꞌgakeꞌ daa chibagakileꞌ.