Salmo 121
1 Katꞌ chwiaꞌ yaa yaokaꞌ,
naꞌch niaꞌ:
“¿Garan zoa beenaꞌ gakleneꞌ nadꞌ?
2 X̱ancho Chiozaꞌ,
beenaꞌ bx̱e bsil yabanaꞌ len yell-lioni,
ḻenꞌ gakleneꞌ nadꞌ.”
3 ¡Aga wiꞌe latj bi gak c̱hoꞌ!
Ḻaꞌ ni shloll bi ches beenaꞌ chap chwia liꞌ.
4 Dii ḻicha,
beenaꞌ chap chwia choꞌ beṉꞌ Israel,
biga chde bishgal c̱heꞌnaꞌ,
ni biga cheseꞌ.
5 X̱ancho Chiozanꞌ chap chwieꞌ liꞌ,
naꞌ zieꞌ kwitoꞌnaꞌ chkweejeꞌ liꞌ.
6 Dii ḻa c̱he wbilldoꞌnaꞌ bibi gonin liꞌ,
ni beoꞌdoꞌnaꞌ bibi gonin liꞌ waḻkaꞌ.
7 X̱ancho Chiozaꞌ gap wwieꞌ liꞌ lao yogꞌḻoḻ dii nxoll,
ḻeꞌ gap wwieꞌ yeḻꞌ mban c̱hoꞌnaꞌ.
8 X̱ancho Chiozaꞌ gap wwieꞌ liꞌ yawi nez ganaꞌ zejoꞌ
ṉaa naꞌ toshiizi.