Salmo 120
1 Chṉiaꞌ X̱ancho Chiozaꞌ katꞌ zoa nyeshꞌ,
naꞌ ḻeꞌ chakleneꞌ nadꞌ.
2 Chios c̱haꞌ,
bisla nadꞌ lo ṉiꞌa naꞌ beṉꞌ wxiyeꞌkaꞌ,
beṉꞌkaꞌ bi choꞌe dillꞌ ḻi.
3 ¿Bi ka chakile gon Chiozaꞌ c̱hele,
leꞌ beṉꞌ wxiyeꞌ?
4 Witileꞌ leꞌ xisaꞌ ntoshꞌ lawinnaꞌ daa chchooṉ xis wix̱itꞌ c̱he beṉꞌ wen wdiḻkaꞌ,
naꞌ wlliayiꞌleneꞌ leꞌ yiꞌ galjaꞌ llia xṉa.
5 Nyeshꞌlaz chak c̱haꞌ zoaꞌ gani lleꞌ beṉꞌki nak ka beṉꞌ Meseckaꞌ,
beṉꞌkaꞌ chbayi chsakꞌziꞌ beṉꞌ,
naꞌ ba wchenꞌ ladj beṉꞌ zeshꞌ beṉꞌ zbanki,
beṉꞌki nak ka beṉꞌ Cedarkaꞌ.
6 Ssha wal ba gok zoaꞌ ladj beṉꞌki bi cheeni soalengakeꞌ beṉꞌ mbalaz.
7 Katꞌ choeꞌlengakee dillꞌ yillagui ljwellntoꞌ,
wdiḻaꞌlə cheengakileꞌ gongakeꞌ.