Salmo 114
1 Choꞌ beṉꞌ Israel,
choꞌ nakcho xiiṉ dia c̱he dii Jacobaꞌ,
ka billeshcho lall beṉꞌ Egíptokaꞌ,
2 Chiozaꞌ wlejeꞌ soa lill xḻatjeꞌnaꞌ lo yell-lio ganaꞌ mbani xiiṉ dia c̱he dii Judánaꞌ,
naꞌ wṉabiꞌe beṉꞌ Israelkaꞌ.
3 Ka bleꞌi nisdoꞌnaꞌ choꞌ beṉꞌ Israel gokan c̱hop ḻaalə,
naꞌ yao Jordannaꞌ bich bxoṉjan.
4 Naꞌ yaa yaokaꞌ
bxitꞌgakan ka xildoꞌ naꞌ ka meꞌdoꞌ.
5 ¿Bin gok c̱hoꞌ,
nisdoꞌ?
¿Bin blleboꞌ?
¿Bin gok c̱hoꞌ,
yao Jordán?
¿Bic̱he bich bxoṉjoꞌ?
6 ¿Bin gok c̱hele,
yaa yao?
¿Bic̱he bxitꞌzle
ka chxitꞌ xilꞌdoꞌ naꞌ ka meꞌdoꞌ?
7 Chxoꞌ chṉib yell-lionaꞌ,
lao X̱ancho Chiozaꞌ,
beenaꞌ beꞌlaꞌo dii Jacobaꞌ.
8 Ḻeꞌ beneꞌ kwenc̱he yajaꞌ gokan to ga yoll nis zil,
naꞌ biyoneꞌn ka ga chal nis zil wal.