Salmo 113
1 ¡Ḻi weꞌlaꞌo Chiozaꞌ!
Ḻi weꞌlaꞌo Chiozaꞌ,
leꞌ chonle ka cheenileꞌ.
2 Toshiizi shajlaꞌoshga Chiozaꞌ,
ṉaa naꞌ zejḻi kaṉi.
3 Ganaꞌ chlaꞌte wbilldoꞌnaꞌ ax̱t ganaꞌ chxoaten,
shajlaꞌoshga Chiozaꞌ.
4 Chiozaꞌ chṉabiꞌe doxen yell-lioni,
naꞌ balaaṉ c̱heꞌnaꞌ nakan dii xench aga ka yabanaꞌ.
5 Kono zoa beṉꞌ illin ka Chios c̱hechonaꞌ,
beenaꞌ zoa yabanaꞌ naꞌ chṉabiꞌe.
6 Naꞌ ḻaꞌkzi yabanaꞌte chṉabiꞌe,
chḻex̱j laweꞌ
chwieꞌ xan yabanaꞌ len yell-lioni.
7 Ḻeꞌ chakleneꞌ beṉꞌ yeshꞌdoꞌkaꞌ,
naꞌ beṉꞌ chyallj chc̱hini chibejeꞌ ḻegakeꞌ lo yeḻꞌ ziꞌ yeḻꞌ yeshaa,
8 naꞌ chbekeꞌ ḻegakeꞌ kwit beṉꞌkaꞌ zakii,
beṉꞌkaꞌ chṉabiaꞌ yell c̱heꞌkaꞌ.
9 Naꞌ nool willkaꞌ,
Chiozaꞌ choꞌe ḻegakeꞌ to yeḻꞌ chiba chizaki
daa ba biꞌe latj wzoa xiiṉgakeꞌ.
Ḻi weꞌlaꞌo X̱ancho Chiozaꞌ.