Salmo 95
1 Ḻi da,
goḻ iṉecho X̱ancho Chiozaꞌ kon yeḻꞌ chiba chizaki.
Goḻ iṉecho beenaꞌ nak ka to yaj daa chkweej choꞌ naꞌ chisleꞌ choꞌ.
2 Ḻi da,
shajcho laweꞌnaꞌ weꞌchoneꞌ yeḻꞌ chox̱ken,
naꞌ goḻ iṉechoneꞌ koochoneꞌ balaaṉ.
3 Ḻaꞌ X̱ancho Chiozaꞌ nakeꞌ beṉꞌ choo beṉꞌ xen,
naꞌ nakeꞌ beṉꞌ ḻiizelozi chṉabiaꞌ,
naꞌ chṉabiꞌe lao yogꞌ diikaꞌ noni beṉꞌ chios c̱heꞌ.
4 Naꞌ nak lallꞌ nee ganaꞌ zeelo nak zitj lo yell-lioni,
naꞌ ḻekzkaꞌ naki c̱heꞌ yaa sibkaꞌ.
5 Nisdoꞌnaꞌ nakin c̱heꞌ,
ḻaꞌ ḻenꞌ bx̱e bsileꞌn,
naꞌ ḻeꞌ bx̱e bsileꞌ yell-lioni.
6 Ḻi da,
wc̱hekꞌ xibcho weꞌlaꞌochoneꞌ.
Wc̱hekꞌ xibcho lao X̱ancho Chiozaꞌ,
beenaꞌ bx̱e bsil choꞌ.
7 Ḻenꞌ nakeꞌ Chios c̱hecho,
naꞌ choꞌ nakcho lallꞌ nee,
naꞌ nakcho ka xilꞌdoꞌ c̱heꞌ badoꞌ chap chwieꞌ.
Ḻi wzenag dga neꞌ ṉaanlla:
8 “Bi gakle beṉꞌ lallꞌdoꞌ wal ka gok dii x̱ozxtoꞌlekaꞌ ganaꞌ le Meriba,
naꞌ ḻekzkaꞌ ganaꞌ le Masah,
ganaꞌ bibi chashj chḻeb,
9 ganaꞌ bi wyajḻeꞌ dii x̱ozxtoꞌlekaꞌ shi lekzidꞌ gonꞌ ka bc̱hebꞌ,
ḻaꞌkzi ba bleꞌgakileꞌ diikaꞌ ba benꞌ c̱hegakeꞌ.
10 C̱hoa yiz bllaa ḻegakeꞌ,
naꞌ wniaꞌ:
Toshiizi chon beṉꞌki kon ka nazan c̱hegakeꞌ lwaa wzenaggakeꞌ c̱haꞌ.
11 Naꞌ daa ḻe bllaa yic̱hjꞌ ni c̱hegakeꞌ,
wniaꞌ:
Ṉezganz wiꞌa latj gaki c̱hegakeꞌ yeḻꞌ wixiꞌlallꞌ c̱haꞌnaꞌ.”