Salmo 93
1 ¡X̱ancho Chiozaꞌ chṉabiꞌe!
Naꞌ ka xa beṉꞌ wṉabiaꞌnaꞌ daa ḻe nakə,
kanꞌ nak yeḻꞌ beṉꞌ choo beṉꞌ xen c̱heꞌnaꞌ len yeḻꞌ wak xen c̱heꞌnaꞌ.
Ḻeꞌ bzoac̱hec̱heꞌ yell-lioni,
kwenc̱he bi ta iṉiban.
2 Kaniꞌteyi Chios c̱haꞌ,
zoꞌ chṉabiꞌo,
naꞌ zejḻi kaṉi zoꞌ.
3 Chios c̱haꞌ,
nisdoꞌnaꞌ chonan sshag naꞌ chas chataan daa choon bḻinaꞌ.
4 Per liꞌ,
Chios c̱haꞌ,
llioꞌ yabanaꞌ,
naptechoꞌ yeḻꞌ wak choo yeḻꞌ wak xench aga ka bḻi c̱he nisdoꞌnaꞌ,
naꞌ ka sshagaꞌ daa chonan.
5 Chios c̱haꞌ,
diikaꞌ nllioꞌ biaꞌ gonntoꞌ nakgakan dii biga chllaꞌ.
¡Yeḻꞌ ḻi yeḻꞌ shaoꞌ c̱hoꞌnaꞌ toshiizi wliꞌlawin ḻoo lill xḻatjoꞌnaꞌ!