Salmo 87
1 Yell c̱he Chiozaꞌ llian lo yaanaꞌ naki c̱heꞌ.
2 X̱ancho Chiozaꞌ chakchileꞌ yell Jerusalénnaꞌ daa llia lo yaa Siónnaꞌ,
aga ka yogꞌte yellkaꞌ sto,
diikaꞌ naki c̱he xiiṉ dia c̱he dii Jacobaꞌ.
3 Liꞌ,
yell c̱he Chios,
dillꞌ wen inlleb choꞌe c̱hoꞌ,
daa neꞌ:
4 “Ladj beṉꞌkaꞌ nombiaꞌ nadꞌ
wzetjꞌ beṉꞌ Egíptokaꞌ,
beṉꞌ Babilóniakaꞌ
beṉꞌ filisteokaꞌ,
beṉꞌ Tírokaꞌ,
naꞌ beṉꞌ Etiopíakaꞌ;
naꞌ niaꞌ yogꞌ beṉꞌkin nakgakeꞌ yell c̱haꞌ.”
5 Naꞌ iṉa Chiozaꞌ:
“Yogꞌ beṉꞌki nakgakeꞌ beṉꞌ yell Sión.”
Naꞌ Chiozaꞌ,
beenaꞌ nak ḻiizelozi beṉꞌ choo beṉꞌ xen,
goneꞌ ka idia yell c̱heꞌnaꞌ toshiizi.
6 Katꞌ wdee le yellkaꞌ ḻee libr c̱heꞌnaꞌ,
X̱ancho Chiozaꞌ iṉeꞌ:
“Yogꞌ beṉꞌkin nakgakeꞌ beṉꞌ yell Sión.”
7 Naꞌ wyaagakeꞌ naꞌ goḻgakeꞌ iṉagakeꞌ:
“Linꞌ nakoꞌ lall lillntoꞌ.”