Salmo 82
1 Chiozaꞌ ba wzollee yabanaꞌ ladj beṉꞌkaꞌ chc̱hoglo c̱he beṉꞌ,
naꞌ ḻeꞌ chc̱hogloeꞌ c̱hegakeꞌ,
chiꞌe:
2 “¿Bat wsanle bich gonle yeḻꞌ josc̱his daa bi nak shḻi,
naꞌ bich taꞌzle beṉꞌ malkaꞌ?
3 ¡Ḻi gon yeḻꞌ josc̱his c̱he beṉꞌ wizebkaꞌ naꞌ beṉꞌkaꞌ kono zoa gaklen ḻegakeꞌ!
¡Ḻi gon yeḻꞌ josc̱his c̱he beṉꞌ yeshꞌkaꞌ naꞌ beṉꞌkaꞌ chyallj chc̱hini!
4 Ḻi yisla beṉꞌkaꞌ kono zoa gaklen ḻegakeꞌ naꞌ beṉꞌ yeshꞌkaꞌ;
¡ḻi yislagakeꞌ lo ṉiꞌa naꞌ beṉꞌ malkaꞌ!
5 “Per leꞌ ni bi ṉezile,
ni bi chajniile.
Chdale lo yel c̱holaꞌ,
naꞌ ni c̱hele kwiayiꞌ leni daa nak wen naꞌ daa nak shḻi.
6 Nadꞌ wniaꞌ leꞌ nakle chios;
naꞌ yogꞌle nakle xiiṉ Chiozaꞌ,
beenaꞌ nak ḻiizelozi beṉꞌ choo beṉꞌ xen.
7 Naꞌ ḻaꞌkzi kaꞌ,
wetkzle ka chet nottez beṉec̱h,
naꞌ te c̱hele ka chde c̱he nottez beṉꞌ wṉabiaꞌ.”
8 Chios c̱haꞌ,
btagach lalloo wc̱hoglo c̱he beṉꞌ yell-lioki.
Ḻaꞌ linꞌ x̱an yogꞌḻoḻ beṉꞌkaꞌ lleꞌ to to yell.