Salmo 70
1 Chios c̱haꞌ,
¡btagach lalloo,
yidsloꞌ nadꞌ!
Bi shaꞌiloꞌ yidyaklenoꞌ nadꞌ,
Chios c̱haꞌ.
2 Beṉꞌkaꞌ cheeni witꞌ nadꞌ
siꞌgachgakeꞌ yeḻꞌ ztoꞌ.
Beṉꞌkaꞌ cheeni gon mal c̱haꞌ
yikaa xṉezgakeꞌ do chiyii chidozgakileꞌ.
3 Beṉꞌkaꞌ chtitj chxilli nadꞌ
yikaa xṉezgakeꞌ naꞌ siꞌshgagakeꞌ yeḻꞌ ztoꞌ.
4 Naꞌ yogꞌ beṉꞌkaꞌ chiyilj liꞌ,
yiba yizakgakileꞌ.
Naꞌ yogꞌ beṉꞌkaꞌ cheengakileꞌ yislagakoꞌneꞌ toshiizi iṉagakeꞌ:
“Beṉꞌ choo beṉꞌ xen nak X̱ancho Chiozaꞌ.”
5 Nadꞌ nakꞌ beṉꞌ yeshꞌdoꞌ,
naꞌ bi chak wen c̱haꞌ.
Chios c̱haꞌ,
btagach lalloo gaklenoꞌ nadꞌ.
Linꞌ chaklenoꞌ nadꞌ naꞌ chisloꞌ nadꞌ;
bi shaꞌilo gaklenoꞌ nadꞌ,
Chios c̱haꞌ.