Salmo 67
1 X̱ancho Chiozaꞌ yiyeshꞌlallꞌgachileꞌ choꞌ,
naꞌ gonḻeeyeꞌ choꞌ,
naꞌ ileꞌshiileꞌ choꞌ,
2 kwenc̱he yogꞌḻoḻ beṉꞌkaꞌ lleꞌ llaꞌ yell-lioni
gombiaꞌgakeꞌ xṉezeꞌnaꞌ naꞌ yisleꞌ ḻegakeꞌ.
3 ¡Weꞌlaꞌoshga yogꞌḻoḻte beṉꞌ liꞌ,
Chios c̱haꞌ!
¡Yogꞌḻoḻte beṉꞌ weꞌlaꞌoshgueꞌ liꞌ!
4 Yiba yizakshgayi beṉꞌkaꞌ lleꞌ yogꞌ yellkaꞌ,
ḻaꞌ linꞌ chṉabiꞌo yogꞌḻoḻ beṉꞌ kon ka chiyaḻꞌ,
naꞌ chsiꞌo xṉezi c̱he yogꞌḻoḻ yellkaꞌ lleꞌ lo yell-lioni.
5 ¡Weꞌlaꞌoshga yogꞌḻoḻte beṉꞌ liꞌ,
Chios c̱haꞌ!
¡Yogꞌḻoḻte beṉꞌ weꞌlaꞌoshgueꞌ liꞌ!
6 Yell-lioni gashj iḻeban dii yeej gao beṉꞌ,
ḻaꞌ Chios c̱hechonanꞌ gonḻeeyeꞌ choꞌ.
7 Chiozaꞌ gonḻeeyeꞌ choꞌ,
naꞌ yogꞌḻoḻ beṉꞌ lleꞌ doxen yell-lioni gall illebgakeꞌ ḻeꞌ.