Salmo 61
1 Chios c̱haꞌ,
bzenaggach dga chatꞌyoidꞌ liꞌ.
Bzenaggach c̱haꞌ ṉaa choeꞌḻwillꞌ liꞌ.
2 Gani zeelo chiyoll chido yell-lioni zoaꞌ chṉiaꞌ liꞌ,
ḻaꞌ ḻe chakyeshii yic̱hjlallꞌdawaani.
Bzoagach nadꞌ to lo yaj sib ganaꞌ yilaꞌ,
3 ḻaꞌ linꞌ toshiizi ba bkwashꞌ bkweejoꞌ nadꞌ,
naꞌ nakoꞌ ka to yoo sib wal dii nakcha
ganaꞌ chkwashidꞌ beṉꞌkaꞌ chdiḻ-len nadꞌ.
4 Chzelallaa soaꞌ ḻoo lill xḻatjoꞌnaꞌ toshiizi,
naꞌ wkweejoꞌ nadꞌ ka chon banaꞌ zoa x̱ilin chyellb xiiṉbkaꞌ xan x̱ilbaꞌ.
5 Ḻaꞌ liꞌ Chios c̱haꞌ ba bzenagoꞌ diikaꞌ bc̱hebꞌ lawoꞌnaꞌ,
naꞌ lenꞌ ba beṉoꞌ ka daa chkaa yogꞌ beṉꞌkaꞌ chall chlleb liꞌ.
6 Beꞌgach latj idia beṉꞌ wṉabiaꞌnaꞌ bzoꞌ,
naꞌ bi yiyoll yido yeḻꞌ mban c̱heꞌnaꞌ.
7 Wzoashgoꞌneꞌ iṉabiꞌe toshiizi,
naꞌ ben ka yeḻꞌ chaki c̱hoꞌnaꞌ naꞌ dillꞌ ḻi c̱hoꞌnaꞌ gap wwiagachgakan ḻeꞌ.
8 Naꞌ goḻ iṉiaꞌ liꞌ toshiizi,
naꞌ lla kon lla gonꞌ ka ba bc̱hebꞌ lawoꞌnaꞌ.