Salmo 43
1 Bengach yeḻꞌ josc̱his c̱haꞌ,
Chios c̱haꞌ,
naꞌ wzoagach c̱haꞌ lao yogꞌ diikaꞌ biz chon chna beṉꞌ malkaꞌ c̱haꞌ,
naꞌ bislagach nadꞌ lo ṉiꞌa naꞌ beṉꞌkaꞌ nak beṉꞌ wxiyeꞌ naꞌ beṉꞌ mal.
2 Ḻaꞌ linꞌ nakoꞌ Chios c̱haꞌ,
naꞌ liꞌkzan chkwashꞌ chkweejoꞌ nadꞌ lao bittez dii nxoll.
¿Berac̱he ba wlej yic̱hjzoꞌ nadꞌ?
¿Bic̱he chakz c̱haꞌ ki,
naꞌ zoalzꞌ nyeshꞌ ni c̱he beṉꞌkaꞌ chakziꞌ chakzbani nadꞌ?
3 Bseḻꞌgach beeniꞌ c̱hoꞌnaꞌ naꞌ dillꞌ ḻi c̱hoꞌnaꞌ lawaꞌni kwenc̱he bi ṉitidꞌ nezaꞌ
daa chllin lo yaanaꞌ ganaꞌ zoꞌ,
ganaꞌ non lill xḻatjoꞌnaꞌ.
4 Naꞌch ibigaa ganaꞌ chzeyntoꞌ bayix̱ꞌkaꞌ lawoꞌnaꞌ,
Chios c̱haꞌ,
naꞌ goḻ iṉeidꞌ liꞌ árpanaꞌ.
Ḻaꞌ linꞌ,
Chios c̱haꞌ,
chonoꞌ ka chiba chizakidꞌ naꞌ noṉoꞌ nadꞌ yeḻꞌ xabanaꞌ.
5 ¿Berac̱hekzə chakyeshꞌzidꞌ
naꞌ berac̱hekzə chakshejlallꞌzidꞌ?
Chiyaḻꞌ gonchꞌ lez Chiozaꞌ,
naꞌ bi wsanlallaa weꞌlawaaneꞌ,
ḻaꞌ ḻenꞌ nakeꞌ Chios c̱haꞌ,
naꞌ ḻenꞌ chisleꞌ nadꞌ.