Salmo 29
1 Ḻi weꞌlaꞌo X̱ancho Chiozaꞌ,
leꞌ nakle anjl c̱heꞌ,
ḻi weꞌ dillꞌ c̱heꞌ daa nakeꞌ beṉꞌ zakii,
naꞌ napeꞌ yeḻꞌ wak choo yeḻꞌ wak xen.
2 Ḻi koo X̱ancho Chiozaꞌ balaaṉnaꞌ chidoḻee.
Ḻi weꞌlaꞌo X̱ancho Chiozaꞌ ḻoo lill xḻatjeꞌnaꞌ ganaꞌ nak mbalaz nlleb.
3 Ka chṉe X̱ancho Chiozaꞌ chiyoo be lo nisdoꞌnaꞌ;
naꞌ ax̱t chashj chtin lawinnaꞌ ka chṉe Chiozaꞌ,
beenaꞌ nak beṉꞌ choo beṉꞌ xen.
4 Ka chṉe X̱ancho Chiozaꞌ ax̱t chṉiṉ,
naꞌ chliꞌn yeḻꞌ wak choo yeḻꞌ wak xen c̱heꞌnaꞌ.
5 Ka chṉe X̱ancho Chiozaꞌ ax̱t choxj chtin yag xenkaꞌ,
naꞌ chashj chlaa yag cedrokaꞌ lleꞌ ganaꞌ mbani Líbanonaꞌ.
6 Naꞌ chta chṉibeꞌ yaakaꞌ lleꞌ ganaꞌ mbani Líbanonaꞌ naꞌ Yaa Siriónnaꞌ,
naꞌ chxitꞌgakan ka chxitꞌ to meꞌdoꞌ,
naꞌ ka to gooṉ chbandoꞌ.
7 Ka chṉe X̱ancho Chiozaꞌ ax̱t chak ka ga chaz yiꞌ wziwꞌ.
8 Ka chṉe X̱ancho Chiozaꞌ ax̱t chxoꞌ chṉib ganaꞌ bibi chashj chḻeb.
X̱ancho Chiozaꞌ choneꞌ ka chxoꞌ chṉib yell-lio c̱he Cádezaꞌ ganaꞌ bibi chashj chḻeb.
9 Ka chṉe X̱ancho Chiozaꞌ ax̱t chyok chlew yag zilljkaꞌ,
naꞌ chdesh chḻoa ganaꞌ lleꞌ llaꞌ yagkaꞌ.
Naꞌ lill xḻatjeꞌnaꞌ ganaꞌ zoeꞌ,
yogꞌḻoḻzə beṉꞌ chgoogakeꞌneꞌ balaaṉ.
10 X̱ancho Chiozaꞌ ngoo lallꞌ nee nis yejaꞌ,
naꞌ zoeꞌ chṉabiꞌe toshiizi.
11 X̱ancho Chiozaꞌ choneꞌ wal beṉꞌkaꞌ nak yell c̱heꞌ,
naꞌ ḻekzeꞌ gonḻeeyeꞌ ḻegakeꞌ kwenc̱he soagakeꞌ mbalaz.