Salmo 5
1 Chios c̱haꞌ,
bzenaggach choꞌa xtillaani.
Biyeshꞌlallii nadꞌ daa chbellyeshaa.
2 Bzenaggach dga chatꞌyoidꞌ liꞌ,
ḻaꞌ linꞌ chṉabiꞌo nadꞌ naꞌ nakoꞌ Chios c̱haꞌ,
naꞌ linꞌ choeꞌḻwillꞌ.
3 Chios c̱haꞌ,
yogꞌ zil choeꞌḻwillꞌ liꞌ,
naꞌ yogꞌ zil choeꞌlenꞌ liꞌ dillꞌ daa chak c̱haꞌ,
naꞌ nonꞌ lez gaklenoꞌ nadꞌ.
4 Ḻaꞌ liꞌ,
Chios c̱haꞌ,
bi choolalloo no gon dii mal,
naꞌ beṉꞌkaꞌ chon dii malaꞌ bi gak ibigꞌgakeꞌ lawoꞌnaꞌ.
5 Ni beṉꞌkaꞌ nak beṉꞌ chaꞌsibə bi gak segakeꞌ lawoꞌnaꞌ,
ḻaꞌ chakzbaniloꞌ yogꞌ beṉꞌkaꞌ chon dii malaꞌ.
6 Naꞌ chlliayoo beṉꞌ wxiyeꞌkaꞌ.
Naꞌ chleꞌzbaniloꞌ beṉꞌ wen xyakaꞌ,
naꞌ beṉꞌkaꞌ chde beṉꞌ lo naꞌ beṉꞌkaꞌ chakzbangakileꞌneꞌ.
7 San nadꞌ,
daa chiyeshꞌlalliloꞌ nadꞌ,
wak shoꞌa leshꞌ lill xḻatjoꞌnaꞌ,
naꞌ do yic̱hj do lallaa weꞌlawaa liꞌ choꞌa lilloꞌnaꞌ.
8 Chios c̱haꞌ,
bliꞌgachi nadꞌ kwenc̱he gonꞌ daa nak shḻi lawoꞌnaꞌ,
ḻaꞌ zoa beṉꞌ cheengakileꞌ gak mal c̱haꞌ.
Wloogach nadꞌ lo nez ḻi c̱hoꞌnaꞌ.
9 Choꞌa ḻollꞌ beṉꞌ malkaꞌ aga bi dillꞌ bal chchejan,
naꞌ ḻoo yic̱hjlallꞌdoꞌekaꞌ lleꞌ llanꞌ dii malkaꞌ.
Ka chḻaꞌ to ba dii nyaljə
kaꞌ nak dillꞌ wxiyeꞌkaꞌ chchej choꞌa ḻolleekaꞌ.
10 ¡Bc̱hogbiaꞌ c̱hegakeꞌ kwenc̱he sakꞌziꞌgakeꞌ,
Chios c̱haꞌ!
Naꞌ gakshga c̱hegakeꞌ daa chzaꞌlallꞌgakeꞌ gongakeꞌ c̱he beṉꞌ.
Wlej yic̱hjoꞌ ḻegakeꞌ daa naklikzgakeꞌ beṉꞌ saaxya,
naꞌ daa biyec̱hj bibiigakeꞌ bizoshyiꞌgakeꞌ liꞌ.
11 Per yogꞌ beṉꞌkaꞌ chx̱enilallꞌ liꞌ yiba yizakshgagakileꞌ,
naꞌ goḻ iṉegakeꞌ liꞌ toshiizi daa chap chwioꞌ ḻegakeꞌ.
Naꞌ yiba yizakgakileꞌ lawoꞌnaꞌ daa chakgakileꞌ liꞌ.
12 Ḻaꞌ liꞌ,
Chios c̱haꞌ,
chonḻeeyoꞌ beṉꞌkaꞌ zej shḻi.
Naꞌ yeḻꞌ goklen c̱hoꞌnaꞌ nakan ka to daa chkweejan ḻegakeꞌ lao dii nxollaꞌ.