Salmo 4
1 Chios c̱haꞌ,
beṉꞌ chaklen nadꞌ katꞌ bin chak c̱haꞌ,
billiigach choꞌa xtillaanaꞌ katꞌ choeꞌḻwillꞌ liꞌ.
Ḻaꞌ kanaꞌ btiḻꞌ dii lalljaꞌ,
linꞌ bisloꞌ nadꞌ.
Biyeshꞌlallꞌgachi nadꞌ,
naꞌ bzenaggach dga chṉabidꞌ liꞌ.
2 Leꞌ beṉꞌ chaꞌsibə,
¿bat wsanle bich wṉit wdele balaaṉ c̱haꞌnaꞌ?
Naꞌ ¿bat wsanle bich yibaile yeḻꞌ wxiyeꞌnaꞌ naꞌ diikaꞌ bibi zakii?
3 Ḻi gakbeꞌi,
Chiozaꞌ ba wlejeꞌ netoꞌ nonḻilallꞌntoꞌneꞌ kwenc̱he nakntoꞌ lallꞌ nee.
Naꞌ Chios c̱haꞌnaꞌ wzenagueꞌ c̱haꞌ katꞌ weꞌḻwillee.
4 Ḻi gall illeb Chiozaꞌ naꞌ bi gonle mal.
Shlak dele lo xtaa lo xḻaglenaꞌ waḻaꞌ,
ḻi yiyakbeꞌi ka nak diikaꞌ ba benle.
5 Do yic̱hj do lallꞌle ḻi weꞌ X̱ancho Chiozaꞌ diikaꞌ chiyaḻꞌ weꞌleneꞌ,
naꞌ ḻi wx̱enilallee.
6 Beṉꞌ zan nagakeꞌ:
“¿Nora gon ka gak wen c̱hecho?”
Chios c̱haꞌ,
bleꞌshiꞌgachi netoꞌ.
7 Ba benoꞌ ka chiba chizakchidꞌ
aga ka beṉꞌkaꞌ zoayaa zoallin daa cheej chaogakeꞌ.
8 Mbalaz gataa guesꞌ,
ḻaꞌ linꞌ chap chwioꞌ nadꞌ,
Chios c̱haꞌ.