Salmo 3
1 Chios c̱haꞌ,
beṉꞌ zan wal ba nak beṉꞌkaꞌ chwiyi nadꞌ.
Beṉꞌ zan wal ba nak beṉꞌkaꞌ chizoshyiꞌ nadꞌ.
2 Beṉꞌ zan nagakeꞌ c̱haꞌ:
“Aga wisla Chiozaꞌ ḻeꞌ lawi daa chak c̱heꞌ.”
3 Per liꞌ Chios c̱haꞌ,
chkweejoꞌ nadꞌ lao dii nxollkaꞌ;
chonoꞌ ka choꞌa balaaṉ naꞌ chtipoꞌ lallaa.
4 Besyaꞌidꞌ wṉabꞌ yeḻꞌ goklennaꞌ lao Chiozaꞌ,
naꞌ bzenagueꞌ c̱haꞌ lo yaa c̱heꞌnaꞌ ganaꞌ zoeꞌ.
5 Nadꞌ chataa chesꞌ,
naꞌ chibanꞌ,
ḻaꞌ Chiozaꞌ chap chwieꞌ nadꞌ.
6 Naꞌ bi chllebꞌ beṉꞌ be beṉꞌ zilki nec̱hj nadꞌ,
beṉꞌki cheengakileꞌ tiḻ-lengakeꞌ nadꞌ.
7 ¡Bliꞌgach yeḻꞌ wak c̱hoꞌnaꞌ,
Chios c̱haꞌ,
naꞌ bislagach nadꞌ!
Bsiꞌgach yeḻꞌ ztoꞌ beṉꞌkaꞌ chakziꞌ chakzbangakileꞌ nadꞌ,
naꞌ blej bshoshjgachgakeꞌ kwenc̱he bibi gak gongakileꞌ nadꞌ.
8 Chios c̱haꞌ,
linꞌ yisloꞌ nadꞌ.
Benḻeeygach netoꞌ nakntoꞌ yell c̱hoꞌ.