Wajé purákaꞌaloji jaꞌapiyá weká. Marí riyukuna
8
Kaja wemá ijló, iweꞌepíkaloje palá Jesucristo nakojé penaje. Tupana, jeꞌechú chu iꞌimakare, ajopana chaje wani iꞌimaká awaꞌá riká. Riwakáraꞌa kaja rijwaꞌaté re iꞌimakaño.
2 Tupana pukuna penaje iꞌimakare e, rilamáꞌata purákaꞌaloji inaꞌuké chaya rijwaꞌaté. Tupana laꞌarí kele pukunaji re iꞌimaká, unká inaꞌuké kalé.
3 Marí ejaꞌawá chu naꞌaké inaꞌuké purákaꞌaloji lamáꞌatajeño wakáraꞌajeri inaꞌuké chaya penaje. Naꞌaké neká, naꞌakáloje nakaje Tupánajlo penaje, nenókaloje kaja pirájina nakiyana rijló puꞌuwaré inaꞌuké laꞌakare chaya. Eyá chuwa, Jesucristo lamáꞌatari wajló purákaꞌaloji Tupana waꞌaté.
4 Riꞌimakela re joꞌó kaja marí ejaꞌawá chu meꞌetení, unká riꞌimalajla purákaꞌaloji lamáꞌatajeri inaꞌuké chaya Tupana waꞌaté. Moisés purákaꞌalomi kemaká rinaku iꞌimaká, ke nalaꞌaká riꞌimaká marí ejaꞌawá chu. Unká ripurákaꞌalo jaꞌapiyá kalé Jesucristo iꞌimá, eꞌiyonaja nalaꞌá ñaké riꞌimaká.
5 Purákaꞌaloji lamáꞌatajeño, júpimi iꞌimakaño michuna, laꞌakeño nakaje jeꞌechú chu iꞌimakare jenámija. Ñaké Tupana kemaká Moisesjlo rilaꞌakana nakú iꞌimaká, raú iná weꞌepí renámija nalaꞌaká marí ejaꞌawá chu iꞌimaká. Napirana ímami nakiyana Tupana wakáraꞌa Moisés laꞌaká pají iꞌimaká, nawakákoloje richojé penaje. Richu neꞌejnatake napéchuwa Tupana nakú; ilé kaje penaje riꞌimaké, ñakele rimá rijló iꞌimaká: “Eko piwakáraꞌa rilaꞌakana renami, nuyaꞌatákare pijló ipuré jiꞌiwata chu piꞌimaká wakajé, nakojé ke”.
6 Eyá Jesucristo unká laꞌalá nakaje, jeꞌechú chu iꞌimakare jenámija kalé, reyaje wani riꞌimakale. Re rilamáꞌata purákaꞌaloji wachaya Tupana waꞌaté. Riká aú richáꞌata ajopana jupichúnami renami laꞌajeñó. Wajé purákaꞌaloji cháꞌatari kaja júpimi Tupana kemakare nakú. Rimá kaja wanaku, nakaje yuríkoloje wajló penaje. Riká cháꞌatari kaja nakaje rimakare nakú júpimi iꞌimaká.
7 Purákaꞌaloji, neꞌemakare jaꞌapiyá paineko iꞌimaká, lamáꞌatakela inaꞌuké Tupánajlo, palani riꞌimakajla. Eꞌiyonaja unká ñaké kalé riꞌimaká, raú Tupana yurí wajló wajé purákaꞌaloji.
8 Tupana amari maliyáruna neꞌemaká purákaꞌaloji, júpimi riyuríkare najló iꞌimaká jaꞌapiyá, raú rimá:
“Akijñojo nulaꞌajé wajé nakaje Israel lakénami waꞌaté.
Nulaꞌajé kaja ñaké nakaje Judá michú lakénami waꞌaté.
9 Unká nulaꞌaká nakaje naꞌajútayami chuna waꞌaté iꞌimaká ke kalé nulaꞌajika najwaꞌaté.
Nóchoꞌotaka neꞌemaká Egipto eyá ejomi,
nuyurí najló purákaꞌaloji neꞌemakáloje raꞌapiyá penaje.
Eꞌiyonaja unká naꞌalá nanakojó riꞌimaká,
raú unká kaja noꞌolá nunakojó neꞌemaká”,
ke Tupana kemaká nanaku.
10 Rimá kaja wanaku:
“Nupurákaꞌalo nuyuríjikare nuleꞌejena inaꞌukénajlo iꞌimajeri najló marí ke:
Napechu nakuja riꞌimajé, nalaꞌakáloje raú piyuke nojló nuwátaka ke.
Napechu wákeꞌeweja riꞌimajé, nemaꞌakáloje noꞌopiyá raú penaje.
Nochojé napechu iꞌimajé kaphí,
eyá neká iꞌimajeño nuleꞌejena inaꞌukena.
11 Unká na kalé jewíñaꞌataje ajopana, ajopana ke, nunaku.
Piyukeja weꞌepéjeño nunakojé,
raú unká na kemalaje reꞌewejlo kaꞌajná:
‘Piweꞌepí Tupana nakojé’, ke.
Piyukeja, yuwaná eyá pheñawilana waꞌató, weꞌepéjeño nunakojé.
12 Nomajo kaja nachaje, puꞌuwaré nalaꞌakare liyá.
Eyá unká kaja nuweꞌepílaje puꞌuwaré nalaꞌakare nakojé”,